ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កូនស្រី​របស់មេធាវី​ដែល​គេ​សម្លាប់​ថា សេចក្តី​ថ្លែថ្នូរ​របស់​មីយ៉ាន់​ម៉ា​ពឹង​ផ្អែក​លើ​លទ្ធផល​នៃការ​កាត់​ទោសឃាតករ


រូបឯកសារ៖ កូនស្រីរបស់លោក Ko Ni មេធាវីជនជាតិភូមា ដែលត្រូវបានគេធ្វើឃាត។ 

មុន​ពេល​លោក​ស្លាប់ ​លោក​កូ​ នី ​បាន​ធ្វើ​ការ​លើ​ផែនការ​ដើម្បី​បន្ធូ​របន្ថយការ​ក្តោប​​ក្តាប់​អំណាច​របស់​ពួក​យោធា។

នៅ​សប្តាហ៍​នេះ ​តុលាការនឹង​សម្រេច​ជោគ​វាសនា​របស់​ជន​សង្ស័យ​ជាអ្នក​រួម​គំនិត​នៅ​ក្នុងការ​ធ្វើ​ឃាត​មេធាវី​កាន់​សាសនា​ឥស្លាម​ដ៏​ល្បីល្បាញ​ម្នាក់​របស់​ប្រ​ទេស​មីយ៉ាន់​ម៉ា។​

ការ​កាត់​ទោស​បុរស​៣​នាក់ជា​ប្រវត្តិ​សាស្រ្ត​មួយ​ដែល​បាន​រង​ការ​ចោទ​ប្រកាន់​ពី​ការ​ធ្វើ​ឃាត​មេធាវី​កាន់​សាសនា​ឥស្លាម​ដ៏​ល្បីល្បាញ​ម្នាក់ ​នឹង​ខិត​កាន់​តែ​ជិ​ត​ឡើង​នៅ​ថ្ងៃ​សុក្រ​ខាង​មុខ​នេះ ​ជាង​២ឆ្នាំ​ចាប់​តាំង​ពី​ការ​សម្លាប់​នេះ ​បា​នធ្វើ​ឲ្យរំជើបរំជួលទូទាំង​ប្រទេស។

​លោកកូ នី ​ជា​អ្នក​ជំនាញ​ខាង​រដ្ឋ​ធម្មនុញ្ញ​ហើយ​និង​ជាទី​ប្រឹក្សា​ដ៏​ជិត​ស្និទ្ធម្នាក់​របស់​លោកស្រី អង់ សាន​ស៊ូជី ​កំពុងពរ​ចៅ​ប្រុស​របស់​លោក​នៅពេល​ដែលលោក​បាន​រង់​ចាំ​នៅ​ខាង​ក្រៅ​ព្រលាន​យន្តហោះ​ក្រុង​រ៉ង់​ហ្គូន​កាល​ពី​ខែ​មករា ​ឆ្នាំ​២០១៧ ​ស្រាប់តែ​បុរស​ម្នាក់​បាន​ដើរ​ខាង​ក្រោយ​លោក​ ហើយ​បាន​បាញ់ក្បាល​លោក​ពីខាង​ក្រោយ។

​មុន​ពេល​លោក​ស្លាប់ ​លោក​កូ​ នី ​បាន​ធ្វើ​ការ​លើ​ផែនការ​ដើម្បី​បន្ធូ​របន្ថយការ​ក្តោបក្តាប់​អំណាច​របស់​ពួក​យោធា។

តុលាការ​ក្រុង​រ៉ង់ហ្គូន ​នឹង​សម្រេច​ថាតើ​នឹង​ត្រូវ​ដាក់​ទោស Kyi Linជាខ្មាន់​កាំ​ភ្លើង​ ដែល​ត្រូវថត​បាន​តាម​ម៉ាស៊ីនថតទាំង​កណ្តាល​ថ្ងៃ​ ដែល​បាន​កេះ​កៃ​កាំ​ភ្លើង ​ហើយ​នឹង​សម្រេច​ជោគវាសនា​របស់​ពួកជន​ឃុបឃិត​ដែល​រងការ​ចោទ​ប្រកាន់​នោះ។

រដ្ឋអាជ្ញា ​បាន​អំពាវនាវ​ឲ្យកាត់​ទោស​ប្រហារ​ជី​វិត​បុរស​ទាំង​៣​នាក់​នោះ ​ទោះបី​ជា​ ជន​ទាំង​នោះ ​ហាក់​ដូចជា​នឹងមិន​ត្រូវ​ប្រហារ​ជី​វិត​ក៏ដោយ។

​មេធាវីការ​ពារ​ក្តី ​បាន​ជជែក​ឲ្យ​ហេតុផលចំពោះ​ការ​បន្ថយទោសឲ្យ Kyi Lin ហើយ​នឹង​ឲ្យ​រួច​ទោស​សម្រាប់បុរស​២នាក់​ទៀត​ ​ដែល​អ្នក​ទាំង២​ជា​អតីត​មន្រ្តី​យោធា ​ហើយចុងចោទ​ទី៤ ​បាន​រង​ការ​ចោទ​ប្រកាន់​ពី​ការផ្តល់​ទីជម្រកដល់ចុងចោទ​ម្នាក់ក្នុង​ចំណោម​ជនទាំង៣។

ជន​សង្ស័យ​ជាមេគំនិត​គឺ​ Aung Win Khine គឺជាអតីត​វរសេនីយ​ទោ​ចូល​និវត្តន៍ ​ដែល​រហូត​មក​ទល់​ពេល​នេះ​មិន​ទាន់​ត្រូវ​បាន​ចាប់​ខ្លួន​ទេ។

អ្នកស្រី Yin New Khine ​កូនស្រីបងបង្អស់​របស់​លោក​កូ​ នី ​បាន​និយាយថា ការកាត់​ទោស​នេះ​មាន​សារៈ​សំខាន់​សម្រាប់​ប្រទេស​ដែល​ឪពុក​របស់​អ្នកស្រី ​បាន​ទទួល​យុត្តិ ធម៌ ​ក៏ប៉ុន្តែ ​លទ្ធផល​នៃ​ការ​កាត់​ទោស​នោះ ​នឹង​ធ្វើ​ឲ្យ​មាន​ការ​ផ្លាស់​ប្តូរ​តិចតួច​ដល់​ក្រុម​គ្រួសារ​របស់​អ្នកស្រី។

​អ្នក​ស្រី​បាន VOA ថា៖ «​ខ្ញុំ​ចង់​បាន​យុត្តិ​ធម៌​សម្រាប់​ឪពុក​របស់​ខ្ញុំ​សម្រាប់​មនុស្ស​គ្រប់​រូប​ដែល​ប្រឈម​បញ្ហា​បែបនេះ។សម្រាប់​មនុស្ស​ទាំង​អស់​នៅ​ក្នុង​ប្រទេស​របស់​យើង​ដែល​បាន​បាត់​អ្នក​ជាទី​ស្រឡាញ់។​ការកាត់​ទោស​នេះ​ត្រូវ​តែក្លាយ​ជា​មុខ​មាត់​សម្រាប់​ប្រ ទេស ​សម្រាប់​នីតិ​រដ្ឋ​និង​សម្រាប់​សេចក្តី​ថ្លៃថ្នូរ​របស់​ប្រទេស​យើង»។

អ្នកស្រី​និយាយ​ទៀត​ថា ​អ្នក​ស្រី ​មិន​មាន​គម្រោង​ចូល​រួម​សវនាការ​នេះ​ទេ។

រូបឯកសារ៖ លោក​ Ko Ni មេធាវីជនជាតិភូមា ដែលត្រូវបានគេធ្វើឃាត
រូបឯកសារ៖ លោក​ Ko Ni មេធាវីជនជាតិភូមា ដែលត្រូវបានគេធ្វើឃាត

លោកកូ នី ​បាន​ប្រើ​ជំនាញ​ច្បាប់​របស់​លោក​ដើម្បី​ព្យាយាម​ជួយ​លោកស្រី ​អោងសាន​ស៊ូជី ស្វែង​រក​មធ្យោបាយ​ជុំ​វិញ​បញ្ហារដ្ឋ​ធម្ម​នុញ្ញ​ដែល​ព្រាង​ដោយ​ពួក​យោ​ធា​ដែល​បាន​អនុញ្ញាតឲ្យ​ពួក​ឧត្តម​សេនីយ​យោ​ធា​រក្សាការត្រួតត្រា​យ៉ាង​តឹង​រ៉ឹង​លើ​អំណាចនៅ​ពី​ក្រោយ​ឆាក​ហើយ​និង​អនុញ្ញាតិ​ឲ្យ​ជនស៊ីវិល​ចូលរួម​ក្នុង​នយោ​បាយ។

លោក​ បាន​រិះគិត​ការ​ធ្វើ​វិសោធនកម្ម​ឬ​ការ​ជំនួស​ធម្មនុញ្ញ​ឆ្នាំ​២០០៨​ដោយ​ចំហរ​ដែល​ផ្តល់​ការធានាដល់​ពួក​យោធា​ឲ្យ​បាន​ទទួល​អាសនៈ​១ភាគ​៣​នៅ​ក្នុង​សភា ​ហើយ​នឹង​មាន​សិទ្ធិ​បោះ​ឆ្នោត​វ៉េតូ​លើ​ការ​កែប្រែ​រដ្ឋ​ធម្មនុញ្ញ។

ការណ៍​នេះ ក៏​អនុញ្ញាតឲ្យ​ពួក​យោធា​តែងតាំងកងទ័ព​ដែល​បម្រើ​ការងារ​កាន់​កាប់​តួនាទី​ក្រសួង​សំខាន់​ៗ​ក្នុង​កិច្ច​ការ​ព្រំ​ដែន មហាផ្ទៃ​និងការ​ពារ​ប្រទេស។

លោកស្រី ​អោង សាន​ស៊ូជី ​ត្រូវបាន​គេ​រារាំង​មិន​ឲ្យ​ក្លាយ​ជា​ប្រធានា​ធិបតី​តាម​ធម្មនុញ្ញ ​ប៉ុន្តែ ចាប់តាំង​ពី​គណបក្ស​របស់​លោកស្រី ​បានកាន់​អំណាច​នៅ​ឆ្នាំ​២០១៦​មក ​លោក​ស្រី​បាន​ដឹកនាំ​ប្រទេសដោយ​មាន​ «អំណាច​លើ​ប្រធានា​ធិបតី»​ជា​ទី​ប្រឹក្សារដ្ឋ ​ជា​តួនាទី​មួយ​ដែល​លោក​កូ ​នី​ បាន​ទទួល​គុណ​សម្បត្តិពីការ​ជួយ បង្កើត។

ឃាត​កម្ម​នេះ ក៏​បញ្ជាក់ពី​ស្ថាន​ភាព​មិន​ទៀត​ទាត់​របស់​អ្នកកាន់សាសនា​ឥស្លាម​នៅ​ក្នុង​ប្រទេស​ ដែល​មាន​អ្នក​កាន់​ព្រះពុទ្ធ​សាសនាភាគ​ច្រើន​ដែលត្រូវបានញាំ​ញី​ដោយ​ការ​តានតឹង​ខាង​ជាតិ​សាសន៍។

​ស្ថានភាព​របស់​លោក​កូ ​នី ជា​អ្នកកាន់​សាសនា​ឥស្លាម​ដ៏​ល្បីល្បាញ​ដែល​ជា​អ្នក​រិះគន់​មិន​សំចៃ​មាត់ដែរ​នោះ ​មានន័យថា ​លោក​ត្រូវ​បាន​គេ​ចាត់​ទុក​ថា​ ជា សត្រូវ​ដោយ​ពួក​អ្នកកាន់​ព្រះ​ពុទ្ធសាសនា​ជាតិ​និយម​ជ្រុល។ ​ភ្លាម​ៗ​បន្ទាប់​ពីការ​ស្លាប់​របស់​លោក ​ព្រះ​សង្ឃប្រឆាំង​នឹង​សាសនា​ឥស្លាមទុយ៌ស​ម្នាក់​មាន​ឈ្មោះ​ថា Wirathu បាន​អរគុណ​ជា​សាធារណៈ​ចំពោះ​ឃាតករ​នៅ​លើ​បណ្តាញ​សង្គមFacebook។

អ្នកស្រី Yin Nwe Khineបាន​និយាយ​ថា ​ក្រុម​គ្រួសារ​របស់​អ្នកស្រី ​រំពឹង​ថា ​ការ​កាត់​ក្តី​នោះនឹង​ត្រូវចប់។

អ្នកស្រី ​បាន​និយាយ​ថា «យើង ​គ្រាន់​តែ​ចង់បាន​ជីវិត​ផ្ទាល់​ខ្លួន​របស់​យើង​ត្រ​ឡប់​មក​វិញ។​យើង​ត្រូវ​បាន​គេ​ដឹងឮ​ជា​សាធារណៈ​ ដែល​ការណ៍​នេះ​ធ្វើ​ឲ្យ​យើងមាន​ការ​តាន​តឹង​ក្នុង​ចិត្ត​បំផុត។ ​មនុស្ស​ សម្លឹង​មើលខ្ញុំ។​ ការណ៍​នេះ ​ធ្វើ​ឲ្យ​ខ្ញុំ​មាន​អារម្មណ៍​មិន​ស្រួល»។

​ក្រុមអ្នក​សង្កេតការណ៍​បាន​រិះគន់​ដំណើរ​ការខាងផ្លូវច្បាប់​រយៈ​ពេល​ ២ឆ្នាំ​ ដែល​ទាក់​ទិន​មនុស្ស​រាប់​សិប​នាក់មុន​សវនា​ការ​កាត់​ទោស​ថា ​មាន​ភាពស្ពឹក​ស្រពន់ ​និង​មាន​គុណ​វិបត្តិ។

គណៈកម្មការ​គណៈ​វិនិច្ឆ័យ​អន្តរជាតិ​កាល​ពី​ខែមុន ​បាន​ចង្អុល​បង្ហាញ​ពី​ករណីជា​ច្រើន​នៃចម្លើយ​កសិណ​សាក្សី​ ដែល​ទំនង​មិនពាក់​ព័ន្ធ​ហើយ​សាក្សី​សំខាន់​ៗ​មិន​បាន​បង្ហាញ​ខ្លួន​នៅ​តុលាការ។

​ថ្វីបើ ​មានការរិះគន់​ទាំង​នេះ ​មេធាវី​កាត់​ក្តី​លោក Nay La បាន​ប្រាប់ VOA ថា លោក​ជឿថា ​ការកាត់​ទោស​នេះ «ជាការ​កាត់​ទោស​យុត្តិធម៌»។

លោក Zaw Htayអ្នកនាំ​ពាក្យ​រដ្ឋាភិបាល ​បាន​បដិសេធ​ពុំ​ព្រម​ធ្វើ​អត្ថា​ធិប្បាយ​នៅ​ពេល​ដែល​ទាក់​ទង​តាម​ទូរសព្ទ​កាល​ពី​ថ្ងៃ​អង្គារ។

លោក David Matiesonជា​អ្នក​វិភាគ​ឯករាជ្យ​ដែល​មាន​ទីតាំងនៅ​ក្នុង​ប្រទេស​មីយ៉ាន់​ម៉ា បាន​ប្រាប់VOA ថា​ដំណើរ​ការ​កាត់​ក្តី​នេះ «មាន​ភាព​គួរឲ្យ​ចង់​សើច»។លោក​បាន​និយាយ​ទៀត​ថា «ខ្ញុំ​គិត​ថា បន្ទាប់​ពី​សវនាការ​ជាង​១រយ​លើក​ហើយ​ដោយ​មានអំពើ​ក្រមិចក្រមើមចំឡែកនិង​ការមិនពាក់​ព័ន្ធ​ខ្លះ​បាន​ត្រូវ​ប្រើដោយមេធា​វីការពារចុងចោទ មានការ​ទាក់​ទិន​នឹង​រឿង​នយោបាយ​ជាមួយ​រឿងក្តី​នេះ​ទាំង​មូល ​ខណៈ​ដែល​ចៅក្រម ​បាន​ត្រូវផ្លាស់​ប្តូរ​ដូចជា​លេង​សន្លឹក​បៀរ អាច​មិន​មាន​សេចក្តី​ទុក​ចិត្ត​នៅ​ក្នុង​សាល​ក្រម​ចំពោះ​លទ្ធផល​នៃ​ការ​កាត់​ទោស​នេះ៕

ប្រែ​សម្រួល​ដោយ​ជឹង ប៉ូជីន

XS
SM
MD
LG