រដ្ឋមន្ត្រីការបរទេសរុស្ស៊ី សឺហ្គែ ឡារ៉ូវ (Sergei Lavrov) បានថ្លែងនៅថ្ងៃពុធនេះថា យោធាប្រទេសរបស់លោកនឹងមិនបញ្ឈប់ការវាយប្រហាររបស់ខ្លួនតាម អាកាសទេ ដរាបណាអង្គការចាត់តាំងភេរវកម្មនៅក្នុងប្រទេសស៊ីរីមិនទាន់ត្រូវបានកំចាត់។
ការអត្ថាធិប្បាយរបស់លោកធ្វើឡើងក្រោយពីអ.ស.ប.បានព្យាយាមបន្តកិច្ចចរចា សន្តិភាពស៊ីរីដែលមានលក្ខណៈផុយស្រួយរបស់ខ្លួនក្នុងទីក្រុងហ្ស៉ឺណែវដំណើរ ការទៅមុខ ហើយនឹងមួយថ្ងៃក្រោយពីគណប្រតិភូរដ្ឋាភិបាលនិងក្រុមប្រឆាំងបានជួបប្រជុំជាផ្លូវការជាមួយនឹងលោក ស្តេហ្វាន ឌឺ មីស្ទួរ៉ា (Staffan de Mistura) តំណាងពិសេសអ.ស.ប.។
លោក ឡារ៉ូវ បានបញ្ជាក់ថា ក្រុម Jabhat al-Nusra ដែលពាក់ព័ន្ធនឹងក្រុម អាល់កៃដា គឺជាគោលដៅនៃការវាយប្រហារ ដោយបានបន្ថែមថាលោកមិន ឃើញពីមូលហេតុដែលពួកគេបញ្ឈប់សកម្មភាពនេះទេ។
ប្រទេសរុស្ស៉ីស្ថិតក្រោមការរិះគន់ពីបស្ចឹមប្រទេសចំពោះយុទ្ធនាការវាយប្រហារ តាមអាកាសរបស់ខ្លួនក្នុងប្រទេសស៊ីរី ដោយតម្រង់គោលដៅទៅលើក្រុមប្រឆាំងជាជាងក្រុមឧទ្ទាម។ តែរុស្ស៉ីបានបដិសេធម្តងហើយម្តងទៀត៕
