- ដោយ វីអូអេ ខ្មែរ
កម្ពុជារកឃើញករណីឆ្លងវីរុសកូវីដ១៩ចំនួន៤ទៀត
គិតត្រឹមម៉ោង១១អាធ្រាត្រថ្ងៃទី១៥ ខែមីនា នេះ កម្ពុជាបានរកឃើញករណីឆ្លងវីរុសកូវីដ១៩ថ្មីចំនួន៤ថែមទៀត។ នេះបើយោងតាមសេចក្ដីជូនព័ត៌មានរបស់ក្រសួងសុខាភិបាលដែលVOAទទួលបាន។
ក្នុងចំណោមនោះ ពីរនាក់គឺជាជនជាតិខ្មែរឥស្លាមនៅក្នុងខេត្តព្រះវិហារ ដែលម្នាក់មានអាយុ៣៥ឆ្នាំនិងម្នាក់ទៀតមានអាយុ៣៩ឆ្នាំ។ ពួកគេទាំងពីរត្រូវបានរាយការណ៍ថា ទើបតែត្រឡប់មកពីចូលរួមក្នុងពិធីសាសនានៅជិតទីក្រុងកូឡាឡាំពួរ ប្រទេសម៉ាឡេស៊ី កាលពីថ្ងៃទី៣ ខែមីនា កន្លងទៅនេះ ដែលមានអ្នកចូលរួមឆ្លងវីរុសកូវីដ១៩នេះ។ អ្នកជំងឺទាំងពីរនាក់កំពុងរង់ចាំការព្យាបាលនៅមន្ទីរពេទ្យខេត្តព្រះវិហារ។
- ដោយ ស៊ុន ណារិន
រដ្ឋាភិបាលបិទការសិក្សាគ្រប់កម្រិតទូទាំងកម្ពុជា ខណៈអ្នកឆ្លងជំងឺកូរ៉ូណាបន្តកើនឡើង
ក្រសួងអប់រំ យុវជន និងកីឡា នៅថ្ងៃច័ន្ទនេះ បានបញ្ជាឲ្យគ្រប់សាលាទាំងអស់នៅទូទាំងប្រទេស ទាំងរដ្ឋ និងឯកជន បិទការបង្រៀន ចាប់ពីថ្ងៃច័ន្ទនេះតទៅ ខណៈករណីឆ្លងវីរុសកូរ៉ូណានៅកម្ពុជាបន្តកើនឡើង ក្នុងនោះមានជនជាតិខ្មែរយ៉ាងតិច៤នាក់បានឆ្លង។
នៅក្នុងសេចក្តីណែនាំមួយចុះថ្ងៃទី១៦ខែមីនា ក្រសួងអប់រំបានបញ្ជាឲ្យមានការចាប់ផ្តើមវិស្សមកាលតូច និងការឈប់សម្រាកមុនកាលកំណត់សម្រាប់គ្រឹះស្ថានសិក្សាគ្រប់កម្រិត គ្រប់ប្រភេទ ទាំងសាធារណៈ និងឯកជននៅទូទាំងប្រទេស ក្នុងនោះចាប់ពីថ្នាក់មតេយ្យដល់ថ្នាក់គ្រឹះស្ថានបណ្តុះបណ្តាល និងគ្រឹះស្ថានឧត្តមសិក្សាទាំងអស់ ចាប់ពីថ្ងៃទី១៦ខែមីនា រហូតដល់មានការជូនដំណឹងជាថ្មី។ នេះជាសេចក្តីណែនាំមួយទៀត ក្រោយក្រសួងបានប្រកាសបិទទ្វារសាលារៀនក្នុងរាជធានីភ្នំពេញ និងទីក្រុងសៀមរាប ទាំងរដ្ឋនិងឯកជន ដោយដាក់ឲ្យចូលវិស្សមកាល ឬឈប់សម្រាកមុនកាលកំណត់កាលពីចុងសប្តាហ៍មុន។
ក្រសួងបញ្ជាក់ថា ចំណាត់ការថ្មីនេះគឺធ្វើឡើងជាការឆ្លើយតបបន្ទាន់ដើម្បីជាការបង្ការ និងទប់ស្កាត់ជាបន្ទាន់ ក្រោយមានការឆ្លងវីរុសមួយនេះជាបន្តបន្ទាប់។
ក្រសួងសុខាភិបាលកម្ពុជាបានប្រកាសអំពាវនាវមួយដល់អ្នកធ្វើដំណើរតាមជើងហើរហើរលេខ PG933