កងយោធាបាននិយាយនៅថ្ងៃសុក្រនេះថាកងកម្លាំងអ៊ីស្រាអែលគាំទ្រដោយកងយន្តហោះប្រតិកម្មប្រយុទ្ធនិងដ្រូនបានវាយឆ្មក់ថ្មើរជើងជាលើកទីពីរនៅជាយក្រុងហ្កាហ្សា នៅពេលខ្លួនប្រុងប្រៀបលុកលុយថ្មើរជើងក្នុងដែនដីគ្រប់គ្រងដោយពួកហាម៉ាស់។
ចំនួនជនជាតិប៉ាឡេស្ទីនដែលស្លាប់បានកើនឡើងលើស៧ពាន់នាក់នៅពេលអ៊ីស្រាអែលវាយប្រហារតាមអាកាសជាការឆ្លើយតបនឹងការជ្រៀតចូលរបស់ពួកហាម៉ាស់ក្នុងប៉ែកខាងត្បូងនៃប្រទេសអ៊ីស្រាអែលកាលពីថ្ងៃទី៧ ខែតុលាហើយបានសម្លាប់ជនជាតិអ៊ីស្រាអែលច្រើននាក់។ កាលពីថ្ងៃព្រហស្បតិ៍ ក្រសួងសុខាភិបាលនៅហ្កាហ្សាដែលតាមដានចំនួនមនុស្សស្លាប់ បានចេញផ្សាយបញ្ជីឈ្មោះនិងលេខអត្តសញ្ញាណអ្នកស្លាប់។ ជនជាតិប៉ាឡេស្ទីនដែលបានបាត់បង់ជីវិតមានរួមអនីតិជន២.៩០០នាក់និងស្ត្រីជាង១.៥០០នាក់។
ចំនួនមនុស្សស្លាប់សរុបមានច្រើនជាងចំនួនមនុស្សស្លាប់រួមគ្នាក្នុងសង្គ្រាមបួនលើកមុនរវាងអ៊ីស្រាអែលនិងពួកហាម៉ាស់ដែលមានប្រមាណ៤.០០០នាក់៕
