ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បាតុកម្ម​នៅ​ទីក្រុង​ហុងកុង​ឈាន​ចូល​ដល់​ខែ​ទីបី​


បាតុករ​កាន់​បដា​ក្នុង​ពេល​ធ្វើ​បាតុកម្ម​នៅ​ព្រលាន​យន្ត​ហោះ​ ក្នុង​ទីក្រុង​ហុងកុង កាល​ពី​ថ្ងៃ​សុក្រ ទី​៩ សីហា ២០១៩។
បាតុករ​កាន់​បដា​ក្នុង​ពេល​ធ្វើ​បាតុកម្ម​នៅ​ព្រលាន​យន្ត​ហោះ​ ក្នុង​ទីក្រុង​ហុងកុង កាល​ពី​ថ្ងៃ​សុក្រ ទី​៩ សីហា ២០១៩។

ក្រុម​បាតុករ​នៅ​ក្នុង​ទីក្រុង​ហុងកុង​បាន​រៀប​ចំ​ធ្វើ​បាតុកម្ម​ចុង​សប្តាហ៍​បន្ត​ទៀត​នៅ​ថ្ងៃ​សុក្រ​នេះ។

ជា​ធម្មតា ​បាតុកម្ម​ចាប់​ផ្តើម​ធ្វើ​ពី​ថ្ងៃ​សៅរ៍​ ប៉ុន្តែ​សម្រាប់​ចុង​សប្តាហ៍​នេះ​ ក្រុម​បាតុករ​បាន​ចាប់​ផ្តើម​ធ្វើ​មុន​មួយ​ថ្ងៃ​នៅ​ឯព្រលាន​យន្តហោះ។ ក្រុមបាតុករ​មាន​បំណង​ធ្វើ​ឲ្យ​ពួក​អ្នក​ធ្វើ​ដំណើរ​បាន​ដឹង​ពី​ការ​ទាមទារ​របស់​ពួក​គេ​ស្នើ​ឲ្យ​ធ្វើ​កំណែ​ទម្រង់​ប្រជាធិបតេយ្យ។ បណ្តា​ប្រទេស​ជា​ច្រើន​រួម​ទាំង​សហរដ្ឋអាមេរិក​ផង​ដែរ​នោះ បាន​ចេញ​ការ​ព្រមាន​ការ​ធ្វើ​ដំណើរ​នៅ​ក្នុង​ទីក្រុង​ហុងកុង។​

បាតុកម្ម​នៅ​ទីក្រុង​ហុងកុង​បាន​ឈាន​ចូល​ដល់​ខែ​ទី​បី​ហើយ។

ប្រទេស​ចិន​បាន​អះ​អាង​ថា​ បាតុកម្ម​ប្រឆាំង​រដ្ឋាភិបាល​នៅ​ទីក្រុង​ហុងកុង​បាន​ទទួល​ការ​ឧបត្ថម្ភ​ពី​មជ្ឈិម​ប្រទេស​ ប៉ុន្តែ​មិន​បាន​បង្ហាញ​ភស្តុតាង​អ្វី​ដែល​បញ្ជាក់​ថា​ពួក​អ្នក​នយោបាយ​នៅ​មជ្ឈិម​ប្រទេស​ជា​អ្នក​គាំទ្រ​បាតុកម្ម​នេះ​ទេ។

ភាព​តាន​តឹង​នៅ​ក្នុង​តំបន់​ពាក់​កណ្តាល​ស្វយ័ត​នេះ​ នៅ​តែ​មាន​ស្ថាន​ភាព​ធ្ងន់ធ្ងរ​នៅ​ឡើយ​ ខណៈ​បាតុកម្ម​ពេលខ្លះ​មាន​អំពើ​ហិង្សា​កើត​ឡើង។

ភាព​ចលាចល​នេះ​កើត​ឡើង​មុន​ដំបូង​នៅ​ខែ​មិថុនា​ ដោយសារ​សំណើ​ច្បាប់​បត្យាប័ន​ដែល​អនុញ្ញាត​ឲ្យ​បញ្ជូន​ជន​សង្ស័យ​ទៅ​ប្រទេស​ចិន​ដើម្បី​កាត់​ទោស។
ក្រោយ​មក​បាតុករ​បាន​វិវត្ត​ទៅ​ជា​ចលនា​មួយ​ដែល​ទាមទារ​ឲ្យ​ធ្វើ​កំណែ​ទម្រង់​ប្រជា​ធិបតេយ្យ៕

XS
SM
MD
LG