ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ហុងកុង​ទាមទារ​ឲ្យ​មន្ត្រី​តៃវ៉ាន់​ចុះ​ហត្ថលេខា​លើ​ឯកសារ​«ចិន​តែ​មួយ»​ដើម្បី​អាច​បន្ត​ទិដ្ឋាការ​បាន


រូបឯកសារ៖ សៀវភៅ​ស្ដី​ពី​អភិបាល​កិច្ច​របស់​ប្រធានាធិបតី ស៊ី ជិនពីង នៅ​ក្នុង​កម្មវិធី​ខ្សែក្រវ៉ាត់ និង​ផ្លូវ នៅ​ទីក្រុង​ប៉េកា កាល​ពី​ឆ្នាំ​២០១៩។

មន្ត្រី​តៃវ៉ាន់​ដែល​ប្រចាំ​ការ​នៅ​ទី​ក្រុង​ហុងកុង​ត្រូវ​អាជ្ញាធរ​ហុងកុង​ជូន​ដំណឹង​ថា​ទិដ្ឋាការ​របស់​ពួក​គេ​នឹង​មិន​ត្រូវ​បាន​ពន្យារ​ទេ ប្រសិន​បើ​ពួក​គេ​មិន​ចុះ​ហត្ថលេខា​លើ​ឯកសារ​គាំទ្រ​ការ​ទាមទារ​របស់​រដ្ឋាភិបាល​ទី​ក្រុង​ប៉េកាំង​ឲ្យ​តៃវ៉ាន់​ស្ថិត​នៅ​ក្នុង​គោលនយោបាយ​«ចិន​តែ​មួយ»​របស់​ខ្លួន។ នេះ​បើ​តាម​ប្រភពដែល​ស្និទ្ធ​នឹង​រឿង​នេះ​ប្រាប់​ទៅ​ភ្នាក់ងារ​ព័ត៌មាន Reuters។

វិធានការ​ចុង​ក្រោយ​នេះ​កើត​មាន​ឡើង​ក្រោយ​ពី​តៃវ៉ាន់​បាន​រិះគន់​ច្បាប់​សន្តិសុខ​ជាតិ​ថ្មី​ដែល​អាជ្ញាធរ​ចិន​ដាក់​ចំពោះ​ក្រុង​ហុងកុង ហើយ​ក្រោយ​ពី​តៃវ៉ាន់​បាន​បើក​ការិយាល័យ​ថ្មី​មួយ​នៅ​ទី​ក្រុង​តៃប៉ិ​ក្នុង​ខែ​នេះ​ដើម្បី​ជួយ​ពលរដ្ឋ​ហុងកុង​ដែល​ចង់​ចាកចេញ​ពី​មជ្ឈមណ្ឌល​ហិរញ្ញវត្ថុ​អាស៊ី​មួយ​នេះ។

មន្ត្រី​តៃវ៉ាន់ដែល​ត្រូវ​ពន្យារ​ទិដ្ឋាការទាំង​នោះប្រចាំ​ការ​នៅ​អ្វី​ដែលជាក់ស្តែង​ស្មើ​នឹង​ស្ថានកុងស៊ុល​តៃវ៉ាន់​ក្នុង​ទី​ក្រុង​ហុងកុង។ ប្រភព​ដដែល​នោះ​បញ្ជាក់​ថា ​ការ​តម្រូវ​ចុងក្រោយ​របស់​អាជ្ញាធរ​ហុងកុង​នេះ​មិន​ដែល​ធ្លាប់​មាន​ពី​មុន​មក​និង​ជា​ឧបសគ្គខាង​នយោបាយ​ដែល​មិន​គួរ​មាន​សម្រាប់ទំនាក់ទនង​តៃវ៉ាន់-ហុងកុង។

នាយកដ្ឋាន​អន្តោប្រវេស្តន៍​ហុងកុង​ថា ​ការ​តម្រូវ​នេះ​ស្រប​ច្បាប់​ហុងកុង ប៉ុន្តែ​ការិយាល័យ​កិច្ចការ​ចិន​ដីគោក​របស់​តៃវ៉ាន់​បាន​ទទូច​ឲ្យ​ហុងកុង​ត្រឡប់​ទៅ​រក​ទំនាក់ទំនង​ពី​មុន​រវាង​ដែនដី​ទាំង​ពីរ។

ប្រទេស​ចិន​ដី​គោក​តែង​ចាត់​ទុក​កោះ​តៃវ៉ាន់​ដែល​គ្រប់គ្រង​ខ្លួន​ឯងថា​ជា​ដែនដី​របស់​ខ្លួន ហើយកន្លង​មក​មិន​បាន​បដិសេធ​ចោល​មធ្យោបាយ​ការ​ប្រើ​កម្លាំង​ដើម្បី​ដណ្តើម​ដែន​កោះ​នេះ​មក​គ្រប់​គ្រង​វិញ​ទេ៕

XS
SM
MD
LG