Hello VOA៖ នរណាគ្រប់គ្រងទឹកទន្លេមេគង្គទៅថ្ងៃអនាគត?
បម្រែបម្រួលអាកាសធាតុដូចយ៉ាងគ្រោះរាំងស្ងួត ការកសាងទំនប់វារីអគ្គីសនីរាប់សិបកាត់ទទឹងទ្រូងជលធា និងការទាញយកផលក្នុងបែបផែនមិនសមប្រកបផ្សេងទៀត បាននាំឱ្យទន្លេមេគង្គដែលចិនឱ្យឈ្មោះថា«ឡានឆាង»និងដែលហូរកាត់ផ្ទៃអាស៊ីអគ្នេយ៍ដីគោក ជួបនូវការគំរាមកំហែងដែលមិនអាចវិលថយត្រឡប់ក្រោយបាន។ នេះជាការលើកឡើងរបស់លោក ហែម ឧត្ដម អ្នកប្រឹក្សាឯករាជ្យជំនាញអភិបាលកិច្ចធនធានទឹក។ អំឡុងពេលចូលរួមកម្មវិធី Hello VOA អំពីអាស៊ាន ដែលមាន លោក អូន ឆេងប៉រ នៃVOA ជាអ្នកសម្របសម្រួល លោក ហែម ឧត្ដម បានព្រមានអំពីលទ្ធភាពនៃភាពតានតឹងទៅថ្ងៃអនាគតរវាងបណ្ដាប្រទេសតាមបណ្ដោយដងទន្លេ ដណ្ដើមប្រទាញប្រទង់ចង់បានធនធានទឹកនិងអំណាចយុទ្ធសាស្ត្រ ភ្លេចគិតថាគឺ«ធម្មជាតិ»ទេតើ ដែលជាម្ចាស់ពិតប្រាកដនៃទន្លេនេះ៕ (លោក អូន ឆេងប៉រ, Hello VOA, ភ្នំពេញ, ២ កក្កដា ២០២០)
