ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

Hello VOA៖​​ ចិនសម្រុកយកប្រៀបនៅសមុទ្រចិនខាងត្បូង​ ខណៈកូវីដ១៩បន្តរាលដាល


ទាញ​យក​ពី​តំណភ្ជាប់​ដើម

ជំងឺកូវីដ១៩ ​បាន​ក្លាយ​ជា​រោគ​រាត​ត្បាត​ជាសាកល។ ប្រទេសចិន​ដែល​មាន​ការ​ផ្ទុះ​ឆ្លងមុន​គេ បាន​ស្គាល់​នូវ​ស្ថានភាព​ធូរស្រាល​មកវិញ ហើយ​បាន​ត្រឡប់​មក​វេទិកា​ប្រឡង​ប្រណាំង​ភូមិសាស្ត្រ​នយោបាយ​តំបន់ និង​សកល​សា​ជាថ្មី ខណៈ​ដៃគូ​ប្រកួត​នានា​កំពុង​ជាប់ដៃ​បេះ​ចេញ​នូវ​មេរោគ​ឆ្លង ដែល​ទន្ទ្រាន​បណ្ដា​ជន​ពី​ប្រទេស​មួយ​ទៅ​ប្រទេស​មួយ។​ ជាក់ស្ដែង​នៅ​តំបន់​សមុទ្រ​ចិនខាងត្បូង​ដែល​ចិន​​មាន​ជម្លោះ​ជាមួយ​បណ្ដា​ប្រទេសដទៃ ដូចជាវៀតណាម ហ្វីលីពីន ព្រុយណេ និងម៉ាឡេស៊ីជាដើម ភាពតានតឹងថ្មីបានអង្រួនស្ថានការណ៍តំបន់គ្រាអាសន្នរោគនេះ ខណៈដែលចិនកាលពីខែមេសា​កន្លង​ទៅ​បានបញ្ចេញ​សកម្មភាព​ទាំង​យោធា ទាំងរដ្ឋបាល ទាំងស៊ីវិល យ៉ាងសកម្ម ដើម្បី​បន្ត​ធ្វើ​សញ្ជ័យកម្ម ​ធានា​យក​ឱ្យ​បាន​នូវ​ការ​ទាមទារ​របស់​ខ្លួន នៅ​តំបន់​ទឹក​មាន​ជម្លោះ។ បណ្ឌិត រ៉ូ វណ្ណៈ អ្នកវិទ្យាសាស្ត្រ​នយោយ​ដែល​បានសិក្សា​ពីកិច្ចការ​នយោបាយ​អន្តរជាតិ បាន​ចូលរួម​ជា​វាគ្មិន​​ដើម្បី​​ជជែក​​អំពី​​បញ្ហា​​ខាងលើ​ ​ក្នុង​កម្មវិធី​ ​Hello​ ​VOA​ ​កាល​ពី​​រាត្រី​​ថ្ងៃទី០៦​ ​​ខែកុម្ភៈ​​ ​ឆ្នាំ២០២០​ ​កន្លង​មក​ ​និង​​ដែល​​​មាន​លោក​ ​អូន​ ​ឆេង​ប៉រ​ ​នៃVOA​ ​ជា​​អ្នក​សម្របសម្រួល​។ អ្នកស្រាវជ្រាវ​រូបនេះ​បាន​ឱ្យ​ដឹង ក្នុង​ឱកាស​ដែលដៃគូ​ប្រជែងនានា ដែល​រាប់ទាំង​សហរដ្ឋ​អាមេរិក កំពុង​ជាប់​ដៃ​​ប្រយុទ្ធនឹង​មេរោគ​ឆ្លង ទីក្រុងប៉េកាំង​បាន​មើលឃើញ​ឱកាសល្អ ក្នុង​ការយក​ប្រៀប​ក្នុង​ជម្លោះ​ដែលមាន​សារៈសំខាន់​ដល់​សន្តិសុខ​ជាតិ​ជាប្រវតិ្តសាស្ត្រ​របស់​ខ្លួន​មួយ​នេះ តែ​បណ្ដា​រដ្ឋ​គូ​ភាគី​នានា មាន​លទ្ធភាព​តិចតួច​ក្នុង​ការ​តបត តែ​ថា​អាមេរិក​នឹង​មិនឱប​ដៃ​ឈរ​មើល​នោះ​ទេ៕

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG