Hello VOA៖ អ្នកឃ្លាំមើលរំឭកពីតួនាទីសំខាន់ៗរបស់មន្ត្រីឃុំសង្កាត់ មុនការបោះឆ្នោត
អ្នកឃ្លាំមើលការបោះឆ្នោតនៅកម្ពុជាបាននិយាយថា ការបោះឆ្នោតជ្រើសរើសមេឃុំ និងសមាជិកក្រុមប្រឹក្សាឃុំសង្កាត់ មានសារៈសំខាន់ណាស់ ពីព្រោះថាក្រុមប្រឹក្សាឃុំសង្កាត់មានតួនាទីជួយដល់ពលរដ្ឋមូលដ្ឋានផ្នែកលិខិតស្នាម ជួយដល់ការអភិវឌ្ឍន៍ថ្នាក់មូលដ្ឋាន ក្លាយជាអង្គបោះឆ្នោតជ្រើសរើសសមាជិកព្រឹទ្ធសភា ក្រុម ប្រឹក្សាស្រុក ខេត្ត រដ្ឋធានីនិងក្រុងនៅទូទាំងប្រទេស និងរាប់ទាំងការជ្រើសរើសប្រធានភូមិជាដើម។ នេះបើតាមការអះអាងរបស់លោក មឿន តុលា នាយកប្រតិបត្តិនៃមជ្ឈមណ្ឌលសម្ព័ន្ធការងារ និងសិទ្ធិមនុស្ស (Central) ដែលជាវាគ្មិននៃកម្មវិធី Hello VOA នៅយប់ថ្ងៃព្រហស្បតិ៍ ទី៣០ខែមីនា ឆ្នាំ២០១៧។ (សុខ ខេមរា, Hello VOA, វ៉ាស៊ីនតោន/ភ្នំពេញ, ៣០ មីនា ២០១៧)
