ភ្ជាប់​ទៅ​គេហទំព័រ​ទាក់ទង

site logo
ព័ត៌មាន​​ថ្មី

អភិបាល​រដ្ឋធានី​វ៉ាស៊ីនតោន ស្នើ​ដាក់​ពង្រាយ​ឆ្មាំ​ការពារ​ជាតិ មុន​បាតុកម្ម​គាំទ្រ​លោក Trump គ្រោង​ធ្វើឡើង


រូបឯកសារ៖ កងទ័ព​ឆ្មាំ​ការពារ​ជាតិ​ប្រចាំ​រដ្ឋធានី​វ៉ាស៊ីនតោន ឈរ​នៅពី​ក្រោយ​របង​ដែល​ព័ទ្ធ​សួន Lafayette ក្បែរសេតវិមាន​ នៅក្នុងពេលកន្លងមក។​

រដ្ឋធានី​វ៉ាស៊ីនតោន សហរដ្ឋ​អាមេរិក បាន​ចល័ត​ទ័ព​ឆ្មាំ​ការពារ​ជាតិ មុន​ពេល​បាតុកម្ម​របស់​ក្រុម​អ្នក​គាំទ្រ​លោក​ប្រធានាធិបតី Donald Trump គ្រោង​ធ្វើ​ឡើង ស្រប​ពេល​ដែល​សភា​ទាំង​ពីរ​ថ្នាក់​នឹង​បោះឆ្នោត​នៅ​ថ្ងៃ​ពុធ​ស្អែក​ដើម្បី​បញ្ជាក់​ជា​ផ្លូវការ​នូវ​ជ័យជម្នះ​របស់​លោក​ប្រធានាធិបតី​ជាប់​ឆ្នោត Joe Biden។

ក្រុម​អ្នក​គាំទ្រ​លោក Trump គ្រោង​នឹង​ធ្វើការ​តវ៉ា​នៅ​ក្នុង​រដ្ឋធានី​វ៉ាស៊ីនតោន​នៅ​ថ្ងៃ​អង្គារ​នេះ និង​ថ្ងៃ​ពុធ​ស្អែក ដើម្បី​គាំទ្រ​ការ​អះអាង​ដែល​គ្មាន​មូលដ្ឋាន​របស់​លោក Trump ដែល​ថា ការ​បោះឆ្នោត​មាន​ការ​លួច​បន្លំ។

មន្ត្រី​ក្រសួង​ការពារ​ជាតិ​សហរដ្ឋ​អាមេរិក​ម្នាក់​បាន​និយាយ​ថា កងទ័ព​ឆ្មាំ​ការពារ​ជាតិ​ប្រចាំ​រដ្ឋធានី​វ៉ាស៊ីនតោន​នឹង​ត្រូវ​ប្រើ​ដើម្បី​ជួយ​រក្សា​សន្តិសុខ​នៅ​ពេល​មាន​បាតុកម្ម​ក្នុង​សប្ដាហ៍​នេះ ប៉ុន្តែ​ពួកគេ​នឹង​មិន​បំពាក់​អាវុធ ឬ​ក៏​អាវក្រោះ​ការពារ​ទេ។ ពួកគេ​នឹង​ត្រូវ​ដាក់​ពង្រាយ​ដើម្បី​ជួយ​គ្រប់គ្រង​ចរាចរណ៍ និង​ជួយ​សម្រួល​ដល់​កិច្ចការ​ផ្សេង​ទៀត៕

XS
SM
MD
LG