ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

មេរោគ​វីរុស​កូរ៉ូណា​រាល​ដាល​ដល់​ប្រទេស​ច្រើន​ថែម​ទៀត​ហើយ​អង្គការ WHO ​បង្កើន​កម្រិត​គ្រោះ​ថ្នាក់​ដល់​ខ្ពស់


មនុស្ស​កំពុង​ប្រមូល​បន្លែ​ដែល​ទិញ​តាម​រយៈ​ការ​បញ្ជាទិញ​ជា​ក្រុម​នៅ​ឯ​ច្រក​ចូល​ទៅ​កន្លែង​រស់​នៅ​ក្នុង​ទីក្រុង​វូហាន ប្រទេស​ចិន ដែល​ជា​កន្លែង​ផ្ទុះ​ឡើង​នៃ​មេរោគ​កូរ៉ូណាវីរុស នៅ​ខេត្តHubei ប្រទេស​ចិន កាល​ពី​ថ្ងៃ​ទី​២១ កុម្ភៈ ២០២០។

កាល​ពី​ថ្ងៃ​សៅរ៍​ មេរោគ​វីរុសកូរ៉ូណា​បន្ត​រាល​ដាល​ត​ទៅ​ទៀត​នៅ​ពេល​មាន​កង្វល់​ខ្លាំង​ឡើងៗ​អំពី​លទ្ធភាព​ដែល​វា​អាច​បង្កើត​ឱ្យ​មាន​ដំណើរ​សេដ្ឋកិច្ច​មិន​ទៅ​មុខ​នៅ​លើ​សាកល​លោក​ ​ហើយ​អង្គការ​សុខភាព​ពិភព​លោក​ហៅ​កាត់​ថា WHO ​បាន​សម្រេច​បង្កើន​គ្រោះ​ថ្នាក់​នៃ​ផល​ប៉ះ​ពាល់​ដោយសារ​ការ​រាល​ដាល​នេះ​ដល់​កម្រិត «ខ្ពស់​ណាស់»។

ប្រទេស​ចិន​បាន​រាយការណ៍​កាល​ពី​ថ្ងៃ​សៅរ៍​ថា​ សកម្មភាព​ផលិត​ប្រដាប់​ប្រដា​ប្រើ​ប្រាស់​បាន​ចុះ​ថយ​ច្រើន​កាល​ពី​ខែ​កុម្ភៈ​នៅ​ពេល​ដែល​មេរោគវីរុស​នេះ​បាន​ធ្វើ​ឱ្យសេដ្ឋកិច្ច​ធំទី​ពីរ​ក្នុង​ពិភព​លោក​នៃ​ប្រទេស​នេះ​មាន​ដំណើរ​យឺត​យ៉ាវ។

កាល​ពី​ថ្ងៃសុក្រ តម្លៃ​ភាគហ៊ុនសាកល​ក៏​ចុះ​ថយ​ច្រើន​ដោយ​បញ្ចប់​សប្តាហ៍​មួយ​ក្នុង​បណ្តា​សប្តាហ៍​អាក្រក់​បំផុត​សម្រាប់​ផ្សារ​ជួញ​ដូរ​ភាគ​ហ៊ុន​ពិភព​លោក​ចាប់​តាំង​ពី​វិបត្តិសេដ្ឋកិច្ច​កាល​ពី​ឆ្នាំ​២០០៨​មក។​

ប្រទេស​កាតាបាន​រាយការណ៍​អំពី​ករណី​មនុស្ស​ទីមួយ​មាន​ផ្ទុក​មេរោគ​វីរុស​នេះ​កាល​ពី​ថ្ងៃ​សៅរ៍ ​បួន​ថ្ងៃ​ក្រោយពី​ Emir Sheaikh Tamim binHamad al-Thani ​មេដឹកនាំ​នៃ​ប្រទេស​នេះ​បាន​បញ្ជា​ឱ្យ​ជម្លៀសពលរដ្ឋ​កាតា​ ពី​ប្រទេស​អ៊ីរ៉ង់​ដែល​ជា​មជ្ឈមណ្ឌល​នៃ​ការ​រាលដាល​ជំងឺ​នេះ​នៅ​ក្នុងភូមិភាគ​មជ្ឈមបូព៌ា។

ប្រទេស​បារាំង​បាន​ប្រកាស​កាល​ពី​ថ្ងៃ​សៅរ៍​អំពី​ករណី​មេរោគវីរុស​កូរ៉ូណា​ថ្មី​១៦​ហើយ​អាជ្ញាធរ​នៃ​ប្រទេស​នេះ​ក៏​បាន​ហាម​ប្រាម​មិន​ឱ្យ​មាន​ការ​ប្រមូល​ផ្តុំ​សាធារណៈ​ដែល​មាន​មនុស្ស​ជាង​៥​ពាន់​នាក់​គឺ​មួយ​ថ្ងៃ​ក្រោយ​ពី​ប្រទេស​ម៉ិកស៊ិក​, នីហ្សេរីយ៉ា, នូវែលសេឡង់, លីទុយអានី, បេឡារុស​, អាហ្សែបៃហ្សង់​ និង​ប្រទេស​អ៊ីស្លង់ បាន​រាយការណ៍​អំពី​ករណី​ទីមួយ​របស់​ពួក​គេ។

នៅ​ក្នុង​ប្រទេស​អ៊ីតាលី ​ទីភ្នាក់ងារ​ការពារ​ជនស៊ីវិល​បាន​និយាយ​ថា​អ្នក​ជំងឺ​៨​នាក់​ថែម​ទៀត​បាន​ស្លាប់​ហើយ​ចំនួន​មនុស្ស​បាត់​បង់ជីវិត​ដោយសារ​ជំងឺ​នេះ​កើន​ឡើង​ដល់​២៩​នាក់​ហើយ៕

XS
SM
MD
LG