ភ្នំពេញ៖ ក្រុមអាជីវករលក់កាសែតនិងទស្សនាវដ្តីនៅតាមបណ្តោយវិថីប៉ាស្ទ័រជាប់របងវិទ្យាសា្ថនជាតិអប់រំ នាក្រុងភ្នំពេញបានប្រកាសនៅថ្ងៃចន្ទនេះថា អាជ្ញាធររាជធានីភ្នំពេញបានបញ្ជាឲ្យពួកគេផ្អាកអាជីវកម្មដោយពុំមានដំណោះស្រាយដែលធ្វើឲ្យពួកគេទទួលរងផលប៉ះពាល់ដល់ជីវភាព។
អភិបាលសាលារាជធានីភ្នំពេញលោកកែប ជុតិមា នៅក្នុងលិខិតចំនួនពីរដាច់ដោយឡែកពីគ្នាកាលពីខែកញ្ញា និងនៅដើមខែធ្នូនេះបានបញ្ជាឲ្យតូបកាសែតចំនួន១២ជាប់របងវិទ្យាសា្ថនជាតិអប់រំ ឲ្យរុះរើចេញជាបណ្តោះអាសន្ន និងផ្អាកការលក់ដូរក្នុងរយៈពេល១២ខែដើម្បីសាងសង់អគារសិក្សាថ្មីមួយរបស់វិទ្យាស្ថាននេះ។ ការបញ្ជាឲ្យរុះរើនេះត្រូវបានធ្វើតាមសំណើរបស់ក្រសួងអប់រំ យុវជន និងកីឡា។
លិខិតទាំងនោះមិនបានកំណត់រយៈពេលត្រូវចាកចេញ និងត្រូវផ្លាស់ប្តូរទីតាំងទៅទីណានោះទេ។ ក៏ប៉ុន្តែអាជ្ញាធរខណ្ឌដូនពេញបានបង្គាប់ឲ្យតូបលក់កាសែត និងទស្សនាវដ្តីទាំងនេះផ្អាកសកម្មភាពជួញដូរចាប់តាំងពីថ្ងៃទី២៤ខែធ្នូមកម្លេះដោយពុំមានដំណោះស្រាយសម្រាប់ទីតាំងថ្មីនោះទេ។
អ្នកស្រីហុក ប៊ុនណាត ប្រធានសមាគមអាជីវករចែកចាយកាសែតព្រួយបារម្ភថា បញ្ហាដែលគ្មានការដោះដូរនេះនឹងក្លាយជាការបណ្តេញជារៀងរហូត។
«គឺគ្រាន់តែឲ្យពួកខ្ញុំរុះរើជាបណ្តោះអាសន្នរយៈពេល១២ខែរួចគេនឹងរៀបចំដាក់ឲ្យខ្ញុំវិញ។ តែខ្ញុំជឿថា ការដែលគាត់ឲ្យចេញជាបណ្តោះអាសន្នរយៈពេល១២ខែនេះមើលទៅយើងរុះរើចេញចប់ហើយ»។
អ្នកស្រី ហុក ប៊ុនណាត លើកឡើងថា មានការបណ្តេញតូបលក់កាសែតជាច្រើននាពេលកន្លងមកហើយមិនមានការដោះផ្តល់កន្លែងលក់ដូរសម្រាប់អាជីវករឡើងវិញនោះទេ។
នៅពេលដែលវិស័យបោះពុម្ពផ្សាយព័ត៌មាននៅមានកម្រិតនៅកម្ពុជា ទីតាំងចែកចាយនៃបណ្តាញផ្សព្វផ្សាយទាំងនោះក៏នៅមានលក្ខណៈតូចចង្អៀតផងដែរ។
អ្នកស្រី យូ សេរីរ័ត្ន អាជីវករម្នាក់ក្នុងចំណោមម្ចាស់តូបទាំង១២។ អ្នកស្រីបានត្អួញត្អែរពីផលប៉ះពាល់ពីការហាមឃាត់ការលក់នេះ។
«របររបស់ខ្ញុំពឹងលើមុខរបរតែមួយគត់ហ្នឹង។ មួយថ្ងៃខ្ញុំលក់បានពី៤០ម៉ឺនទៅ៥០ម៉ឺនរៀលទាំងដើមទាំងចុង (១០០ទៅជាង១០០ដុល្លារអាមេរិក)។ អាចផ្តល់ផលចំណេញដែលធ្វើឲ្យខ្ញុំអាចរស់នៅបាន។ តែការដេញប៉ះពាល់ខ្លាំងមែនទែន។ គឺបាត់បង់អតិថិជន ប៉ះពាល់ដល់ជីវភាពថ្លៃបង់ទឹក ភ្លើង សាលារៀនរបស់កូនគឺគ្រប់យ៉ាង»។
លោកឡុង ឌីម៉ង់ អ្នកនាំពាក្យសាលារាជធានីភ្នំពេញមានប្រសាសន៍ថា នៅមិនទាន់មានគោលការណ៍ជាក់លាក់ស្តីពីការប្តូរទីតាំងលក់កាសែតសម្រាប់អាជីវករខាងលើនៅឡើយ។
«ក៏ប៉ុន្តែខ្ញុំគិតថា ប្រសិនបើគាត់មានបំណងដោះដូរទីតាំងណាមួយដែលគាត់ចង់បាន អាជីករគួរធ្វើលិខិតមកកាន់សាលារាជធានីភ្នំពេញដើម្បីជូនឯកឧត្តមអភិបាលពិនិត្យនិងសម្រេចជូន»។
ក្រុមអាជីវករបានស្នើសុំការរំកិលការតូបរបស់ពួកគេទៅផ្នែករបងខាងក្រោយនៃវិទ្យាស្ថានជាតិអប់រំក៏ប៉ុន្តែមិនទាន់បានដាក់សំណើនេះនៅឡើយ។
លោកប៉ែន សមិទ្ធិ ប្រធានក្លឹបអ្នកកាសែតកម្ពុជាយល់ថា ការផ្អាករយៈពេលមួយឆ្នាំមិនឲ្យប្រជាពលរដ្ឋប្រកបការលក់ដូរការសែត និងទស្សនាវដ្តីដោយមិនបានផ្តល់កន្លែងដោះដូរសម្រាប់ពួកគេនឹងធ្វើឲ្យប៉ះពាល់ទៅដល់សិទ្ធិទទួលពត៌មាននៃសាធារណជន។
«កាសែតមិនមែនដូចអង្ករ បើគេរកមិនបាននៅកន្លែងមួយទៅរកកន្លែងមួយទៀតទេ។ គឺកាលណាគេរកកន្លែងមួយមិនឃើញគេឈប់រកហើយ។ ដូច្នេះតិចឬច្រើនវាប៉ះពាល់ដល់មធ្យោបាយនៃការចែកចាយពត៌មាន»។
គួររំលឹកថា នាពេលកន្លងមកសាលារាជធានីភ្នំពេញបានបង្គាប់ឲ្យតូបលក់កាសែតនានាសាងសង់ដោយមានក្បាច់រចនាខ្លះដែលបង្ហាញពីសិល្បៈខែ្មរ។ ក៏ប៉ុន្តែទោះបីជាយ៉ាងណា ក៏មានតូបលក់កាសែតមួយចំនួនត្រូវបានបណ្តេញចេញហើយមិនមានការរៀបចំកន្លែងថ្មីជាថ្នូរនោះទេ៕
អភិបាលសាលារាជធានីភ្នំពេញលោកកែប ជុតិមា នៅក្នុងលិខិតចំនួនពីរដាច់ដោយឡែកពីគ្នាកាលពីខែកញ្ញា និងនៅដើមខែធ្នូនេះបានបញ្ជាឲ្យតូបកាសែតចំនួន១២ជាប់របងវិទ្យាសា្ថនជាតិអប់រំ ឲ្យរុះរើចេញជាបណ្តោះអាសន្ន និងផ្អាកការលក់ដូរក្នុងរយៈពេល១២ខែដើម្បីសាងសង់អគារសិក្សាថ្មីមួយរបស់វិទ្យាស្ថាននេះ។ ការបញ្ជាឲ្យរុះរើនេះត្រូវបានធ្វើតាមសំណើរបស់ក្រសួងអប់រំ យុវជន និងកីឡា។
លិខិតទាំងនោះមិនបានកំណត់រយៈពេលត្រូវចាកចេញ និងត្រូវផ្លាស់ប្តូរទីតាំងទៅទីណានោះទេ។ ក៏ប៉ុន្តែអាជ្ញាធរខណ្ឌដូនពេញបានបង្គាប់ឲ្យតូបលក់កាសែត និងទស្សនាវដ្តីទាំងនេះផ្អាកសកម្មភាពជួញដូរចាប់តាំងពីថ្ងៃទី២៤ខែធ្នូមកម្លេះដោយពុំមានដំណោះស្រាយសម្រាប់ទីតាំងថ្មីនោះទេ។
អ្នកស្រីហុក ប៊ុនណាត ប្រធានសមាគមអាជីវករចែកចាយកាសែតព្រួយបារម្ភថា បញ្ហាដែលគ្មានការដោះដូរនេះនឹងក្លាយជាការបណ្តេញជារៀងរហូត។
«គឺគ្រាន់តែឲ្យពួកខ្ញុំរុះរើជាបណ្តោះអាសន្នរយៈពេល១២ខែរួចគេនឹងរៀបចំដាក់ឲ្យខ្ញុំវិញ។ តែខ្ញុំជឿថា ការដែលគាត់ឲ្យចេញជាបណ្តោះអាសន្នរយៈពេល១២ខែនេះមើលទៅយើងរុះរើចេញចប់ហើយ»។
អ្នកស្រី ហុក ប៊ុនណាត លើកឡើងថា មានការបណ្តេញតូបលក់កាសែតជាច្រើននាពេលកន្លងមកហើយមិនមានការដោះផ្តល់កន្លែងលក់ដូរសម្រាប់អាជីវករឡើងវិញនោះទេ។
នៅពេលដែលវិស័យបោះពុម្ពផ្សាយព័ត៌មាននៅមានកម្រិតនៅកម្ពុជា ទីតាំងចែកចាយនៃបណ្តាញផ្សព្វផ្សាយទាំងនោះក៏នៅមានលក្ខណៈតូចចង្អៀតផងដែរ។
អ្នកស្រី យូ សេរីរ័ត្ន អាជីវករម្នាក់ក្នុងចំណោមម្ចាស់តូបទាំង១២។ អ្នកស្រីបានត្អួញត្អែរពីផលប៉ះពាល់ពីការហាមឃាត់ការលក់នេះ។
«របររបស់ខ្ញុំពឹងលើមុខរបរតែមួយគត់ហ្នឹង។ មួយថ្ងៃខ្ញុំលក់បានពី៤០ម៉ឺនទៅ៥០ម៉ឺនរៀលទាំងដើមទាំងចុង (១០០ទៅជាង១០០ដុល្លារអាមេរិក)។ អាចផ្តល់ផលចំណេញដែលធ្វើឲ្យខ្ញុំអាចរស់នៅបាន។ តែការដេញប៉ះពាល់ខ្លាំងមែនទែន។ គឺបាត់បង់អតិថិជន ប៉ះពាល់ដល់ជីវភាពថ្លៃបង់ទឹក ភ្លើង សាលារៀនរបស់កូនគឺគ្រប់យ៉ាង»។
លោកឡុង ឌីម៉ង់ អ្នកនាំពាក្យសាលារាជធានីភ្នំពេញមានប្រសាសន៍ថា នៅមិនទាន់មានគោលការណ៍ជាក់លាក់ស្តីពីការប្តូរទីតាំងលក់កាសែតសម្រាប់អាជីវករខាងលើនៅឡើយ។
«ក៏ប៉ុន្តែខ្ញុំគិតថា ប្រសិនបើគាត់មានបំណងដោះដូរទីតាំងណាមួយដែលគាត់ចង់បាន អាជីករគួរធ្វើលិខិតមកកាន់សាលារាជធានីភ្នំពេញដើម្បីជូនឯកឧត្តមអភិបាលពិនិត្យនិងសម្រេចជូន»។
ក្រុមអាជីវករបានស្នើសុំការរំកិលការតូបរបស់ពួកគេទៅផ្នែករបងខាងក្រោយនៃវិទ្យាស្ថានជាតិអប់រំក៏ប៉ុន្តែមិនទាន់បានដាក់សំណើនេះនៅឡើយ។
លោកប៉ែន សមិទ្ធិ ប្រធានក្លឹបអ្នកកាសែតកម្ពុជាយល់ថា ការផ្អាករយៈពេលមួយឆ្នាំមិនឲ្យប្រជាពលរដ្ឋប្រកបការលក់ដូរការសែត និងទស្សនាវដ្តីដោយមិនបានផ្តល់កន្លែងដោះដូរសម្រាប់ពួកគេនឹងធ្វើឲ្យប៉ះពាល់ទៅដល់សិទ្ធិទទួលពត៌មាននៃសាធារណជន។
«កាសែតមិនមែនដូចអង្ករ បើគេរកមិនបាននៅកន្លែងមួយទៅរកកន្លែងមួយទៀតទេ។ គឺកាលណាគេរកកន្លែងមួយមិនឃើញគេឈប់រកហើយ។ ដូច្នេះតិចឬច្រើនវាប៉ះពាល់ដល់មធ្យោបាយនៃការចែកចាយពត៌មាន»។
គួររំលឹកថា នាពេលកន្លងមកសាលារាជធានីភ្នំពេញបានបង្គាប់ឲ្យតូបលក់កាសែតនានាសាងសង់ដោយមានក្បាច់រចនាខ្លះដែលបង្ហាញពីសិល្បៈខែ្មរ។ ក៏ប៉ុន្តែទោះបីជាយ៉ាងណា ក៏មានតូបលក់កាសែតមួយចំនួនត្រូវបានបណ្តេញចេញហើយមិនមានការរៀបចំកន្លែងថ្មីជាថ្នូរនោះទេ៕
