ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប្រធានាធិបតី​ប៊ូរុនឌី​​បាន​ស្លាប់​តែ​ប៉ុន្មាន​ខែ​មុន​ត្រូវ​ចុះ​ចេញ​ពី​តំណែង​


រូបឯកសារ៖ ប្រធានាធិបតីប៊ូរុនឌីលោក Pierre Nkurunziza ចូលរួមក្នុងពិធីមួយនៅខេត្ត Gitega ប្រទេសប៊ូរុនឌី កាលពីថ្ងៃទី២៦ ខែមករា ឆ្នាំ២០២០។

រដ្ឋាភិបាល​នៃ​ប្រទេស​ប៊ូរុនឌី​ (Burundi) នៅ​ទ្វីប​អាហ្វ្រិក​និយាយ​ថា​ ប្រធានាធិបតី​យូរ​អង្វែង​របស់​ប្រទេស​នេះ​គឺ​លោក​ Pierre Nkurunziza ​បាន​ស្លាប់​ដោយ​សារ​ការ​គាំង​បេះ​ដូង​កាល​ពី​ថ្ងៃ​ច័ន្ទ​ក្នុង​អាយុ​៥៦​ឆ្នាំ។

លោក Nkurunziza ​ ត្រូវ​គេ​បញ្ជូន​ទៅ​កាន់​មន្ទីរពេទ្យ​កាល​ពី​ថ្ងៃ​ច័ន្ទ ដោយ​ក្រុម​ផ្សាយ​ VOA ផ្នែក​អាហ្វ្រិក​កណ្តាល​បាន​រាយការណ៍​ថា មាន​ការ​យាម​កាម​ដោយ​យោធា​យ៉ាង​ខ្លាំង​នៅ​មន្ទីរ​ពេទ្យ​នោះ។

លោក Nkurunziza បាន​កាន់​អំណាចជា​ប្រធានាធិបតី​ ​ប៊ូរុនឌី អស់​៣​អាណត្តិ ហើយ​ការ​សម្រេច​របស់​លោក​នឹងឈរ​ឈ្មោះអាណត្តិ​ទី​៣​កាល​ពី​ឆ្នាំ​២០១៥​បាន​នាំ​ឲ្យផ្ទុះ​បាតុកម្ម​និង​អំពើ​ហិង្សា​ដែល​បង្ក​ឲ្យ​ពលរដ្ឋប៊ូរុនឌី​រាប់​សែន​នាក់​រត់​ភៀស​ខ្លួន​ពី​ប្រទេស​នេះ។​

ការ​ស្លាប់​របស់​លោក​ប្រធានាធិបតី​នេះ​កើត​ឡើង​តែ​ប៉ុន្មាន​ខែ​មុន​ពេល​ពេល​ដែល​លោក​ត្រូវ​ចុះចេញ​ពី​តំណែងនៅ​ខែ​សីហា​ខាង​មុខ ដើម្បី​ផ្ទេរ​តំណែង​ទៅ​លោក​ឧត្តមសេនីយ៍ Evariste Ndayishimiye ដែល​បាន​ឈ្នះ​ការ​បោះឆ្នោត​ប្រធានាធិបតីកាល​ពី​ខែ​ឧសភា​កន្លង​ទៅ​នេះ​៕

ផែនទីលទ្ធផលការបោះឆ្នោតប្រធានាធិបតីអាមេរិកពីឆ្នាំ ១៩៩២-បច្ចុប្បន្ន

XS
SM
MD
LG