ប្រធានាធិបតីសហរដ្ឋអាមេរិកលោក Joe Biden និយាយថាគោលដៅសន្តិភាពនៅក្នុងតំបន់ហ្កាហ្សាបង្ហាញពីការពិបាកទទួលបានជោគជ័យ ថ្វីបើសេតវិមាននិងអ្នកសម្របសម្រួលដូចជាប្រទេសអេហ្ស៊ីបនិងកាតាពង្រីកការខំប្រឹងប្រែងដើម្បីជំរុញឱ្យអ៊ីស្រាអែលនិងក្រុមហាម៉ាស់ឆ្ពោះទៅកាន់កិច្ចព្រមព្រៀងឈប់បាញ់គ្នា។
លោក Biden បានប្រាប់ពួកយកព័ត៌មានកាលពីថ្ងៃអង្គារនៅពេលសួរថាតើកិច្ចព្រមព្រៀងឈប់បាញ់គ្នានិងការដោះលែងចំណាប់ខ្មាំងកំពុងក្លាយជាការមិនអាចធ្វើទៅបានឬ។
ដោយការបន្ថែមឧបករណ៍យោធារបស់សហរដ្ឋអាមេរិកត្រូវបានបញ្ជូនទៅកាន់តំបន់មជ្ឈិមបូព៌ានិងពួកមន្ត្រីរបស់លោកកំពុងជំរុញឱ្យការចរចាទៅមុខតាមតាមផែនការនៅក្នុងរាជធានីដូហានៃប្រទេសកាតានៅថ្ងៃព្រហស្បតិ៍ ថ្វីបើ ក្រុមហាម៉ាស់ ដែលជាក្រុមជនសកម្មប្រយុទ្ធគាំទ្រដោយអ៊ីរ៉ង់និយាយថាខ្លួននឹងមិនចូលរួមការចរចានោះទេ។
ការឈោងដល់បទឈប់បាញ់គ្នាមួយជាគន្លឹះដើម្បីទប់ការវាយប្រហាររបស់អ៊ីរ៉ង់លើអ៊ីស្រាអែលនៅក្នុងការសងសឹកចំពោះការសម្លាប់មេដឹកនាំក្រុមហាម៉ាស់លោក Ismail Haniyeh កាលពីពេលថ្មីៗនេះនៅលើទឹកដីអ៊ីរ៉ង់។
អ៊ីស្រាអែលមិនបានអះអាងទទួលខុសត្រូវចំពោះការសម្លាប់នោះទេ ក៏ប៉ុន្តែត្រូវបានគេស្តីបន្ទោសយ៉ាងខ្លាំងចំពោះការស្លាប់របស់លោក Haniyeh នេះ។
លោក Biden បាននិយាយទៀតថាលោករំពឹងថាអ៊ីរ៉ង់នឹងបញ្ឈប់ការវាយប្រហារ ប្រសិនបើកិច្ចព្រមព្រៀងមួយត្រូវបានធ្វើឡើងនៅប៉ុន្មានថ្ងៃបន្ទាប់ទៀតនេះ៕
អ្នកស្រី Carla Babb និង Kim Lewis នៃវីអូអេផ្តល់សេចក្តីរាយការណ៍នេះ
វេទិកាបញ្ចេញមតិ