Hello VOA៖ អាជីវករ ត្រូវតែហ៊ាននិយាយថា«ទេ» បើត្រូវគេទារសំណូក
អ្នកដឹកនាំយុវជនខាងការជំរុញសុចរិតភាពអាជីវកម្មក្នុងប្រទេសកម្ពុជា លើកឡើងថា អាជីវករ ឬ សហគ្រិន ត្រូវតែមានភាពក្លាហានក្នុងការបដិសេធការទារសំណូកពីមន្ត្រី ឬ ក៏ការទារឲ្យបង់ប្រាក់លើសពីច្បាប់តម្រូវ។ លោក នួន វីរៈ អ្នកសម្របសម្រួលគម្រោងលើកកម្ពស់ជំនាញនិងការងារយុវជននៃកម្មវីធីអភិវឌ្ឍន៍អង្គការសហប្រជាជាតិនៅកម្ពុជា មានប្រសាសន៍នៅក្នុងកម្មវិធី Hello VOA កាលពីថ្ងៃព្រហស្បតិ៍ទី៩ខែ កក្កដា ឆ្នាំ២០២០ថា៖ «ពេលដែលមានការទារសំណូក ឬ ការបង្ហាញសញ្ញាណាមួយបញ្ជាក់ពីការទារសំណូក អ្នកធ្វើអាជីវកម្ម ត្រូវតែហ៊ាននិយាយថាទេ។ និយាយយ៉ាងម៉េចធ្វើឲ្យអ្នកទារសំណូកហ្នឹង អត់ចង់ទារ ឬ ក៏ដាក់ស្នើម្តងទៀតតាមរយៈយើងធ្វើមិនដឹងមិន ឮ ទៅលើសញ្ញាដែលគាត់សុំសំណូក ព្រោះភាគច្រើនគាត់មិនហ៊ាននិយាយត្រង់ទេ»៕ (សាយ មុន្នី, Hello VOA, វ៉ាស៊ីនតោន, ទី៩ ខែកក្កដា ឆ្នាំ២០២០)