អ្នកតស៊ូ​មតិ​ដើម្បីគណនេយ្យភាពសង្គមក្នុង​ប្រទេស​កម្ពុជា និយាយ​ថា​បំណុលជាតិរបស់កម្ពុជា ដែលជំពាក់បរទេស អាចបង្កជាហានិភ័យ ដល់អធិបតេយ្យភាព បើប្រទេសមានសេដ្ឋកិច្ចទន់ខ្សោយ។​ លោក សន ជ័យ នាយកប្រតិបត្តិនៃ​សម្ព័ន្ធគណនេយ្យភាពសង្គមកម្ពុជាមាន​ប្រសាសន៍​​​នៅ​ក្នុង​កម្មវិធី ​​Hello VOA ​កាល​ពី​ថ្ងៃ​ព្រហស្បតិ៍​ទី​១២​ ខែ​មីនា ឆ្នាំ​២០២០ថា៖​ «‍បំណុលអធិបតេយ្យនេះ បានបង្ហាញនូវសញ្ញាហានិភ័យដែរ ដោយសារតែប្រទេសយើងខ្ចីគេ។ ក្នុងហេតុផលហ្នឹង បើសិនជាយើងមានស្ថានភាពសេដ្ឋកិច្ចរឹងមាំ វាមិនសូវមានបញ្ហាទេ។​ តែបើសេដ្ឋកិច្ចយើង មិនមានស្ថិរភាព​ វាធ្វើអេាយមានបញ្ហាធ្ងន់ធ្ងរ »។ (សាយ មុន្នី, Hello VOA, វ៉ាស៊ីនតោន, ១២ មីនា ២០២០)