Hello VOA៖ អ្នកជំនាញព្រមានពីទ្វេគ្រោះលើវិស័យការងារក្រោយបាត់ EBA មួយផ្នែក
សកម្មជនសិទ្ធិការងារព្រមានថាពលរដ្ឋក្រីក្រកម្ពុជាអាចនឹងជួបប្រទះគ្រោះទ្វេដង នៅពេលដែលបាត់បង់ការងារនៅតាមរោងចក្រ ដោយសារតែការរាតត្បាតនៃជំងឺកូវីដ-១៩ និងការព្យួរឋានៈអនុគ្រោះពន្ធ «គ្រប់មុខទំនិញលើកលែងសព្វាវុធ» (EBA) របស់សហភាពអឺរ៉ុប។ លោក ឌី ថេហូយ៉ា មន្ត្រីកម្មវិធីនៃអង្គការសង់ត្រាល់ បានបញ្ជាក់ក្នុងកម្មវិធីហេឡូវីអូអេថា ការណ៍នេះដោយសារតែកន្លងមក ពួកគេមានជម្រើសធ្វើចំណាកស្រុកទៅប្រទេសថៃ ប៉ុន្តែបច្ចុប្បន្ននេះថៃក៏ជួបប្រទះបញ្ហាប្រឈមនឹងវីរុសកូរ៉ូណា សង្គ្រាមពាណិជ្ជកម្ម និងការដាក់ទណ្ឌកម្មសេដ្ឋកិច្ចផងដែរ។ លោកបន្ថែមថា គេមិនអាចវាយតម្លៃពីប្រសិទ្ធភាពនៃវិធានការជួយសង្គ្រោះរបស់រដ្ឋាភិបាលកម្ពុជាបាននៅឡើយទេ ដោយសារតែទំហំនៃផលប៉ះពាល់នៅមិនទាន់ដឹងច្បាស់។ (លោកម៉ែន គឹមសេង, Hello VOA, វ៉ាស៊ីនតោន, ២៧ កុម្ភៈ ២០២០)
