Hello VOA ពិសេស៖ អតីតៈលេខាផ្ទាល់សម្តេចឪថា គូភាគីនយោបាយគួរចាប់ផ្តើមសន្ទនារកដំណោះស្រាយនយោបាយ
នៅចំពេលដែលមានការកើនឡើងសម្ពាធនៃការស្វែងរកដំណោះស្រាយនយោបាយ លេខាធិការផ្ទាល់របស់សម្តេចឪ គឺព្រះអង្គម្ចាស់ស៊ីសុវត្តិ ធម្មកោ មានព្រះបន្ទូលថា គូភាគីនយោបាយកម្ពុជាគួស្វែងរកដំណោះស្រាយនយោបាយតាមរយៈការសន្ទនា តែ«មិនមែនការចរចា» មួយដើម្បីបញ្ចប់បញ្ហាអរិភាពដោយចាប់ផ្តើមពីក្រុមតំណាងភាគីម្ខាងៗអាចជួបពិភាក្សាគ្នា ដោយឈរលើមូលដ្ឋានគ្រឹះ គឺកិច្ចព្រមព្រៀងសន្ធិ សញ្ញាសន្តិភាពទីក្រុងប៉ារីស។ ព្រះអង្គមានព្រះបន្ទូលយ៉ាងដូច្នេះដោយព្រះអង្គបានលើកឡើងថា សម្តេចឪធ្លាប់បានឈោងដៃមកចរចាដើម្បីសន្តិភាព បញ្ចប់សង្គ្រាមជា មួយលោកនាយករដ្ឋមន្ត្រី ហ៊ុន សែន និងភាគីខ្មែរផ្សេងទៀតកាលពីទសវត្សរ៍ ១៩៨០។ កម្ពុជាត្រូវគេមើលឃើញថា កំពុងមានកំណើននៃសម្ពាធក្នុងការស្វែងរកដំណោះស្រាយនយោបាយក្រោយពីគណបក្សជំទាស់ដឹកនាំដោយលោក កឹម សុខា និងលោក សម រង្ស៉ី ត្រូវបានរំលាយ មិនបានចូលរួមការបោះឆ្នោត មេដឹកនាំត្រូវចាប់ ឃុំខ្លួន និងនិរទេសខ្លួន និងដកសិទ្ធនយោបាយ៕ (លោក សុខខេមរា, Hello VOA, រដ្ឋធានីវ៉ាស៊ីនតោន, ២៣ តុលា ២០១៩)
