Hello VOA៖
Hello VOA៖ អ្នកឯកទេសថាសាលាឧទ្ធរណ៍ថ្មីជាជំហានវិជ្ជមានហើយសុំកុំមានអន្តរាគមន៍នយោបាយ
- VOA
អ្នកឯកទេសខាងផ្នែកអភិបាលកិច្ចល្អមើលឃើញថាសាលាឧទ្ធរណ៍ថ្មីចំនួនបីដែលនឹងដាក់ឱ្យដំណើរការស្របគ្នានឹងសាលាឧទ្ធរណ៍បច្ចុប្បន្ននៅរាជធានីភ្នំពេញគឺជា «ជំហានវិជ្ជមាន» សម្រាប់អនាគតនៃការនាំយកសេវាយុត្តិធម៌ទៅកៀកប្រជាពលរដ្ឋ។ នេះបើតាមការបញ្ជាក់របស់លោក ឱក សេរីសោភក្តិ៍ អ្នកឯកទេសខាងផ្នែកអភិបាលកិច្ចល្អនៅក្នុងកម្មវិធី Hello VOA នៅថ្ងៃច័ន្ទនេះ។ លោកក៏បានស្នើឱ្យការកាត់ក្តីធ្វើឡើងដោយ«តម្លាភាព»និងកុំឱ្យមាន«អន្តរាគមន៍»លើតុលាការទាំងសំណុំរឿងធម្មតានិងនយោបាយ។ ការអនុវត្តកន្លងមកនៅមិនទាន់ធ្វើឱ្យពលរដ្ឋមានជំនឿលើប្រព័ន្ធតុលាការនៅឡើយទេ ដែលនេះជាកាតព្វកិច្ចរបស់តុលាការនេះក្នុងការបញ្ចេញសមត្ថភាពការងារ ដើម្បីស្តារទំនុកចិត្តហើយលោកសុំឱ្យពលរដ្ឋផ្តល់ជំនឿខ្លះសិននិងបន្តសង្កេតការងាររបស់ពួកគេ៕ (លោក ម៉ែន គឹមសេង, Hello VOAពិសេស, វ៉ាស៊ីនតោន, ២៣ កញ្ញា ២០១៩)
