Hello VOA៖ អ្នកជំនាញថា សិទ្ធិមនុស្សអាស៊ាននៅតែក្រោមស្តង់ដា
អ្នកជំនាញសិទ្ធិមនុស្សយល់ថា យន្តការសិទ្ធិមនុស្សអាស៊ាននៅក្រោមស្តង់ដាហើយរដ្ឋសមាជិកគួរតែធ្វើការខ្លាំងក្លាថែមទៀត ដើម្បីលើកកម្ពស់ដោយមិនត្រូវឈរបែរខ្នងនៅពេលមានការរំលោភសិទ្ធិមនុស្សនានានៅក្នុងតំបន់ដោយសារតែគោលការណ៍មិនជ្រៀតជ្រែកកិច្ចការផ្ទៃក្នុងទេ។ លោក សួន ប៊ុកស័ក្តិ អ្នកជំនាញសិទ្ធិមនុស្សបានបញ្ជាក់ក្នុងកម្មវិធី Hello VOA កាលពីថ្ងៃច័ន្ទថា លោកមើលឃើញថា ការរំលោភសិទ្ធិមនុស្ស ដូចជាករណីនៅប្រទេសកម្ពុជា ឬ ភូមាគួរតែមានការយកចិត្តទុកដាក់ច្រើនពីបណ្តាប្រទេសអាស៊ាន។ លោក ប៊ុនស័ក្តិ រិះគន់ថា លោកមិនដែលឮថ្នាក់ដឹកនាំអាស៊ានជួយកែប្រែគ្នាទេ។ លោកថា ពលរដ្ឋខ្មែរមានសិទ្ធិសម្តែងការមិនពេញចិត្តរបស់គេដល់ថ្នាក់ដឹកនាំ៕ (លោក ម៉ែន គឹមសេង, Hello VOA, វ៉ាស៊ីនតោន, ២៩ កក្កដា ២០១៩)
