Hello VOA៖ អ្នកវិភាគយល់ថាភាគីទំនាស់កម្ពុជាគួរតែបន្ទន់ជំហរចរចាគ្នាដើម្បីបញ្ចៀសទណ្ឌកម្ម
បន្ទាប់ពីព្រឹទ្ធសភាសហរដ្ឋអាមេរិកទទួលយកមកពិនិត្យនូវសេចក្តីស្នើច្បាប់របស់សភាតំណាងរាស្ត្រដើម្បីដាក់ទណ្ឌកម្មមន្ត្រីកម្ពុជាដោយសារតែការធ្លាក់ចុះនៃលទ្ធិប្រជាធិបតេយ្យ អ្នកឯកទេសយល់ថាភាគីទំនាស់កម្ពុជាគួរតែបន្ទន់ជំហរចរចាគ្នាស្វែងរកដំណោះស្រាយមុនពេលការដាក់ទណ្ឌកម្មអន្តរជាតិកើតមានឡើងក្នុងពេលដ៏ខ្លីខាងមុខ។ លោកឱក សេរីសោភក្តិ៍ អ្នកឯកទេសខាងផ្នែកអភិបាលកិច្ចយល់ថាដំណោះស្រាយនយោបាយគួរតែរកឱ្យបានមុនការបោះឆ្នោតក្រុមប្រឹក្សាឃុំសង្កាត់នៅ ឆ្នាំ២០២២រឹតតែប្រសើរដោយសារតែសហរដ្ឋអាមេរិកនិងសហភាពអឺរ៉ុបកំពុងតែសំឡឹងរកឱកាសដាក់ទណ្ឌកម្មសេដ្ឋកិច្ចនិងទិដ្ឋាការដោយផ្ទាល់លើថ្នាក់ដឹកនាំកម្ពុជា។
