Hello VOA៖ កម្ពុជាត្រូវការឆន្ទៈនយោបាយ«មុតស្រួច»ដើម្បីដោះស្រាយបញ្ហាពុករលួយ
អ្នកតស៊ូមតិប្រឆាំងអំពើពុករលួយក្នុងប្រទេសកម្ពុជា លើកឡើងថា ការដោះស្រាយបញ្ហាពុករលួយនៅកម្ពុជា ទាមទារឆន្ទៈនយោបាយមោះមុត។ លោក ព្រាប កុលនាយកប្រតិបត្តិនៃអង្គការតម្លាភាពកម្ពុជា មានប្រសាសន៍នៅក្នុងកម្មវិធី Hello VOA កាលពីថ្ងៃព្រហស្បតិ៍ ទី១១ ខែកក្កដា ឆ្នាំ២០១៩ ថា៖ «សម្រាប់កម្ពុជា យើងត្រូវការឆន្ទៈនយោបាយដ៏មុតស្រួច ឆន្ទៈនយោបាយដ៏ម៉ឺងម៉ាត់ដែលហ៊ានវះកាត់។ មានន័យថា ហ៊ានវះកាត់ស៊ីជម្រៅ វះកាត់ជំងឺមហារីក។ វះកាត់សាច់ឈាមខ្លួនឯងឬក៏មន្ត្រីជិតស្និទ្ធរបស់ខ្លួនដែលបានប្រព្រឹត្តអំពើពុករលួយ»។ (លោកសាយ មុន្នី, Hello VOA, វ៉ាស៊ីនតោន, ១១ កក្កដា ២០១៩)
