ទោះបី​មាន​ចម្ងាយ​ឆ្ងាយ​ពីគ្នា​ ​តំបន់​អាស៊ី​អាគ្នេយ៍​ ​និង​សហរដ្ឋអាមេរិក​ ​មាន​ប្រវត្តិ​នឹងគ្នា​យ៉ាង​ក្រាស់ក្រែល​ ​ទាំង​ផ្នែក​នយោបាយ​ ​សន្តិសុខ​ ​សេដ្ឋកិច្ច​ ​និង​ប្រជាជន។​ ​ការ​ចាកចេញ​ក្រោយ​បញ្ចប់​សង្គ្រាម​វៀតណាម​ ​និង​វិលត្រឡប់​មកវិញ​របស់​សហរដ្ឋអាមេរិក​ ​មក​កាន់​តំបន់​អាស៊ី​អាគ្នេយ៍​ ​នា​ដើមដំបូង​នៃ​រដ្ឋការ​អតីត​ប្រធានាធិបតី​ ​Barrack​ ​Obama​ ​មាន​ឡើង ​ខណៈ​នៃ​ការ​កើនឡើង​អំណាច​អនុត្តរភាព​ពេញ​តំបន់​របស់​មហាយក្ស​ចិន។​ ​បន្តិច​ម្ដងៗ​ ​តំបន់​អាស៊ី​អាគ្នេយ៍​បាន​ក្លាយជា​ចំណុច​ប្រទាញប្រទង់​រវាង​មហាយក្ស​សេដ្ឋកិច្ច​ ​និង​យោធា​ទាំងពីរ​ ​ដែល​កាន់តែ​ឡើង​កម្ដៅ​ជាពិសេស​ក្នុង​អណ្ណត្តិ​ដឹកនាំ​របស់​ ​លោក​ប្រធានាធិបតី​ ​Donald​ ​Trump​ ​របស់​អាមេរិក​ ​និង​លោក​ប្រធាន​រដ្ឋ​ ​Xi​ ​Jinping​ ​ដ៏​មាន​អំណាច​របស់​ចិន។​ ​កញ្ញា​ ​ពេជ្រ​ ​ចារ៉ាឌីន​ ​អ្នកស្រាវជ្រាវ​ជាន់ខ្ពស់​នៃ​វិទ្យាស្ថាន​ខ្មែរ​សម្រាប់​សហប្រតិបត្តិ​ការ​និង​សន្តិភាព​ ​CICP​ ​បាន​អញ្ជើញ​មក​បកស្រាយ​ប្រធាន​រឿង​ខាងលើ​ក្នុង​កម្មវិធី​ ​Hello​ ​VOA​ ​កាលពី​ល្ងាច​ថ្ងៃទី៤​ ​ខែកក្កដា​ ​ឆ្នាំ២០១៩​ ​កន្លងទៅ​ ​ដែល​មាន​លោក​ ​អូន​ ​ឆេងប៉រ​ ​នៃVOA​ ​ជា​អ្នក​សម្របសម្រួល​កម្មវិធី៕​ (លោកអូន ឆេងប៉រ, Hello VOA, ភ្នំពេញ, កក្កដា ៤ ២០១៩)