Hello VOA សុខភាព៖ ការទទួលទានបន្លែនិងផ្លែឈើច្រើនអាចកាត់បន្ថយហានិភ័យនៃការកើតជំងឺមហារីកក្រពេញប្រូស្តាត
«៨០ភាគរយនៃបុរសដែលមានអាយុ៨០ឆ្នាំ មានមហារីកក្នុងក្រពេញប្រូស្តាត ក៏ប៉ុន្តែអត់មានរោគសញ្ញាក្នុងខ្លួនទេ» នេះជាប្រសាសន៍របស់លោកវេជ្ជបណ្ឌិត តាំង តេកហុង នៅទីក្រុង Jacksonville រដ្ឋ Florida សហរដ្ឋអាមេរិក នៅក្នុងកម្មវិធី Hello VOA ប្រចាំខែ ដែលផ្តោតទៅលើរឿងសុខភាព។ លោកវេជ្ជបណ្ឌិតអាមេរិកាំង ដើមកំណើតកម្ពុជា ដែលស្ម័គ្រចិត្តធ្វើជាវាគ្មិននៃកម្មវិធីសុខភាពរបស់ VOA អស់ពេលប្រមាណ៣០ឆ្នាំរូបនេះ បញ្ជាក់ថា៖ «អាហារដែលមានជាតិខ្លាញ់ច្រើន និងសាច់ច្រើន បង្កើនហានិភ័យនៃការកើតជំងឺមហារីកក្រពេញប្រូស្តាត ប៉ុន្តែអាហារដែលមានជាតិបន្លែ និងផ្លែឈើច្រើន កាត់បន្ថយហានិភ័យ ដូច្នេះយើងត្រូវទទួលទានអាហារដែលមានជាតិខ្លាញ់តិច ហើយត្រូវទទួលទានបន្លែនិងផ្លែឈើឲ្យបានច្រើន ដើម្បីកាត់បន្ថយហានិភ័យនេះ»៕ (លោក ប៉ូច រាសី, Hello VOA សុខភាព, វ៉ាស៊ីនតោន, ១៦ ឧសភា ២០១៩)
