Hello VOA៖ កម្ពុជាគួរពិនិត្យឡើងវិញនូវច្បាប់ទាក់ទងនឹងសិទ្ធិជនជាប់ចោទ ដើម្បីឱ្យស្របតាមបទដ្ឋានអន្តរជាតិ
លោក ហ៊ុន ស៊ាងហាក់ អ្នកសម្របសម្រួលគម្រោងសិទ្ធិទទួលបានការជំនុំជម្រះដោយយុត្តិធម៌នៃមជ្ឈមណ្ឌលសិទ្ធិមនុស្សកម្ពុជា មានប្រសាសន៍ក្នុងកម្មវិធី Hello VOA កាលពីថ្ងៃច័ន្ទទី១៣ ខែឧសភា ឆ្នាំ២០១៩ ថា ក្នុងនាមជាប្រទេសដែលព្រមទទួលអនុវត្តតាមកតិកាសញ្ញាអន្តរជាតិស្ដីពីសិទ្ធិពលរដ្ឋ និងសិទ្ធិនយោបាយ កម្ពុជាគួរតែពិចារណាពិនិត្យមើលឡើងវិញនូវច្បាប់ជាតិរបស់ខ្លួនទាក់ទងនឹងសិទ្ធិមានមេធាវីនិងមានវត្តមានរបស់ជនជាប់ចោទនៅពេលសវនាការ។ លោកមានប្រសាសន៍ថា៖ «ដោយច្បាប់ជាតិយើង មិនទាន់ស្របនឹងច្បាប់អន្តរជាតិកន្លែងហ្នឹងហើយ ដែលយើងធ្វើការរួមគ្នា ដើម្បីឱ្យមានការពិនិត្យឡើងវិញទៅលើច្បាប់ជាតិរបស់យើងហ្នឹង ដើម្បីឱ្យវាស្របទៅហ្នឹងបទដ្ឋានអន្តរជាតិ»។ (សាយ មុន្នី, Hello VOA, វ៉ាស៊ីនតោន, ១៣ឧសភា ២០១៩)
