Hello VOA៖ អ្នកវិភាគថាកម្ពុជាពង្រឹងសមត្ថភាពពេល EU ដំណើរការដក EBA
ក្នុងពេលដែលសហភាពអឺរ៉ុបកំពុងដំណើរការដកឋានៈអនុគ្រោះពន្ធ«គ្រប់មុខទំនិញលើកលែងសព្វាវុធ» (EBA) អ្នកជំនាញមើលឃើញថា ភាគីពាក់ព័ន្ធខិតខំប្រឹងប្រែងពង្រឹងផ្នែកអភិបាលកិច្ចនៅតាមច្រកចេញចូលនិងរដ្ឋបាលនៅតាមក្រសួងនានានិងដោះស្រាយបញ្ហារបស់កម្មកររោងចក្រដើម្បីបញ្ចៀសការដកហូតឬត្រៀមខ្លួនពេលបាត់ឋានៈអនុគ្រោះពន្ធនេះ។ លោកឱក សេរីសោភក្តិ៍ អ្នកឯកទេសខាងផ្នែកអភិបាលកិច្ចល្អ បានបន្ថែមថា សមត្ថភាពផលិតរបស់កម្ពុជាកំពុងកើនឡើង។ ឆ្លើយតបនឹងការព្រួយបារម្ភពីស្ថានភាពសិទ្ធិមនុស្សពេលត្រូវដក EBA លោកសោភភក្តិ៍ បញ្ជាក់ថាបើទោះបីជាមានឬមិនមានEBA ក៏សហគមន៍អន្តរជាតិនៅតែមានសិទ្ធិបញ្ចេញយោបល់ឱ្យកម្ពុជាកែលម្អសិទ្ធិមនុស្ស និងសិទ្ធិកម្មករបានដែរ ដោយសារតែទំនាក់ទំនងពហុវិស័យដែលកម្ពុជាមាន។ (លោកម៉ែន គឹមសេង, Hello VOA, វ៉ាស៊ីនតោន, ២៥ កុម្ភៈ ២០១៩)
