អាមេរិកនិងចិនប្រឹងពង្រឹងទំនាក់ទំនងយោធាជាមួយអាស៊ាន
មហាអំណាចចិននិងសហរដ្ឋអាមេរិកខិតខំពង្រឹងទំនាក់ទំនងយោធាជាមួយនឹងបណ្តាប្រទេសនៅតំបន់អាស៊ានតាមរយៈការធ្វើសមយុទ្ធរួមគ្នា។ ក្នុងពេលជាមួយគ្នានេះដែរប្រទេសមួយចំនួនក៏ខិតខំរក្សាតុល្យភាពក្នុងទំនាក់ទំនងនេះមិនឱ្យផ្អៀងខ្លាំងទៅរកមហាអំណាចមួយណាឡើយ។ អ្នកឯកទេសមើលឃើញថា ប្រទេសកម្ពុជាដែលកំពុងងាកខ្លាំងទៅប្រទេសចិនមានគោលនយោបាយការពារជាតិនិងការបរទេសមិនទាន់រឹងមាំហើយមានបញ្ហា នយោបាយផ្ទៃក្នុងដែលអាចជះឥទ្ធិពលមិនល្អដល់គោលនយោបាយទាំងនេះផងដែរ។
