Hello VOA៖ លោក គឹម សុខ ថា សេរីភាពបញ្ចេញមតិនៅកម្ពុជាត្រូវអាជ្ញាធរធ្វើឱ្យពិការ
សេរីភាពនៃការបញ្ចេញមតិនៅកម្ពុជា ត្រូវបានអាជ្ញាធរធ្វើឱ្យពិការដោយសារតែពលរដ្ឋមួយចំនួនមានការខ្លាចរអារក្នុងការប្រើប្រាស់សិទ្ធិនេះជាបណ្តើរៗ។ នេះ បើតាមការបញ្ជាក់របស់អ្នកវិភាគ។លោក គឹម សុខ អ្នកវិភាគបញ្ហាសង្គម ដែលទើបតែភៀសខ្លួនទៅប្រទេសហ្វាំងឡង់ បានលើកឡើងថា លោកត្រូវតែរត់ចេញពីប្រទេសដោយសារតែការបញ្ចេញមតិរបស់លោក ត្រូវបានអាជ្ញាធរមើលឃើញថា មានគ្រោះថ្នាក់ដល់ពួកគេ។ យ៉ាងណាក៏ដោយ លោកបន្ថែមថា បើអ្នកដែលមិនពេញចិត្តនឹងទង្វើរបស់រដ្ឋាភិបាលមិនហ៊ានបញ្ចេញមតិ ក៏ពួកគេកុំបែកមតិគ្នាដែលអាចនឹងចុះខ្សោយដល់ការធ្វើសកម្មភាពធំនៅពេលណាមួយ ដើម្បីទាមទារសិទ្ធិទាំងនេះមកវិញ៕ (លោក ម៉ែន គឹមសេង, Hello VOA, វ៉ាស៊ីនតោន, ២៥ តុលា ២០១៨)
