Hello VOA ពិសេស៖ ការបង្រ្កាបសេរីភាពព័ត៌មាន នឹងប៉ះពាល់ដល់ព័ត៌មានពិតសំខាន់ៗ
អ្នកតស៊ូមតិផ្នែកសេរីភាពព័ត៌មានបាននិយាយថា រដ្ឋាភិបាលគួរបើកសិទ្ធិសេរីភាព ព័ត៌មានឲ្យបានទូលាយដើម្បីឲ្យពលរដ្ឋទទួលបានព័ត៌មានពិត។ នេះ បើតាមការអះអាងរបស់លោក ប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ។ លោកថ្លែងថា អាជ្ញាធររដ្ឋាភិបាលបន្តបង្ក្រាបលើសេរីភាពព័ត៌មាន នៅមុនពេលបោះឆ្នោតជាតិថ្ងៃទី២៩ខែកក្កដាឆ្នាំ២០១៨ ដែលគេមើលឃើញថា គណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន នឹងឈ្នះដឹកនាំប្រទេសបន្ត ពេលគណបក្សសង្គ្រោះជាតិត្រូវរំលាយ ហើយមេដឹកនាំជាច្រើនត្រូវរងការធ្វើទុក្ខបុកម្នេញ និងដកហូតសិទ្ធិធ្វើនយោបាយ៕ (លោក សុខ ខេមរា, Hello VOA, រដ្ឋធានីវ៉ាស៊ីនតោន, ថ្ងៃទី០៩ ខែឧសភា ២០១៨)