Hello VOA៖ លោក ព្រាប កុល ថា បទបញ្ជាប្រធានាធិបតីអាមេរិក នឹងបើកផ្លូវឱ្យមានការកំណត់ឈ្មោះបុគ្គលពុករលួយបន្ថែមទៀត
អ្នកតស៊ូមតិប្រឆាំងអំពើពុករលួយក្នុងប្រទេសកម្ពុជា លោក ព្រាប កុល ថ្លែងថា សេចក្ដីសម្រេចឬបទបញ្ជារបស់ប្រធានាធិបតីអាមេរិក លោក ដូណាល់ ត្រាំ ដែលបានរាំងខ្ទប់ទ្រព្យសម្បត្តិរបស់បុគ្គលពាក់ព័ន្ធនឹងការរំលោភសិទ្ធិមនុស្សធ្ងន់ធ្ងរ ឬ ពាក់ព័ន្ធនឹងអំពើពុករលួយ នឹងបើកផ្លូវឲ្យមានការកំណត់នូវចំនួនបុគ្គល ឬ មន្ត្រីពុករលួយច្រើនថែមក្នុងបណ្ដាប្រទេសមួយចំនួនទៀតក្នុងពិភពលោក។ លោកថ្លែងទៀតថា «បទបញ្ជាប្រធានាធិបតីនេះ វា Set Precedent មានន័យថា វាកំណត់ឲ្យមាននូវវិធានការហ្នឹង។ កាលណាមាន១៣នាក់ វាអាចមានបន្តបន្ទាប់ទៀត មានឡើងទៅដល់១៥ ទៅ២០ ឡើងទៅ៣០។ មាន១៣ប្រទេស វាអាចឡើងទៅ២០ ទៅ៣០ឬ៤០ប្រទេស។ អញ្ចឹងអាហ្នឹង វាបានបង្ហាញនូវគំរូនៃវិធានការណ៍មួយដែលនឹងបើកផ្លូវឲ្យមានការធ្វើបែបហ្នឹងជាបន្តបន្ទាប់ទៀត»។ (សាយ មុន្នី, Hello VOA, វ៉ាស៊ីនតោន, ១១ មករា ២០១៨)