Hello VOA៖ អ្នកវិភាគថា ឯកភាពជាតិខ្មែរនឹងកើតមាន ដរាបណាកម្ពុជាវិលមករកលទ្ធិប្រជាធិបតេយ្យ
អ្នកវិភាគកម្ពុជាម្នាក់គឺលោក បណ្ឌិត ឡៅ ម៉ុងហៃ បានព្រមានឲ្យដឹងថាកម្ពុជានឹងមានភាពច្របូកច្របល់ នៅពេលមានការរំលាយគណបក្សសង្គ្រោះជាតិ ធ្វើទុក្ខបុកម្នេញក្រុមនយោបាយជំទាស់ ដែលលោកសង្កត់ធ្ងន់ថា ជាការដើរឆ្ងាយចេញពីគន្លងប្រជាធិបតេយ្យ។ លោកថា ប្រជាពលរដ្ឋកម្ពុជាមានការមិនសប្បាយចិត្ត ចូលរួមការប្រឆាំងតាមរបៀបស្ងៀមស្ងាត់នឹងចំណាត់ការរបស់គណបក្សគ្រប់គ្រងប្រទេស ដែលលោកថា មិនធ្លាប់កើតមានក្នុងប្រវត្តិសាស្ត្រកម្ពុជារាប់សិបឆ្នាំកន្លងមកទេ។ តែមន្ត្រីរដ្ឋាភិបាល លោក ផៃ ស៊ីផាន បានចោទប្រកាន់ក្រុមជំទាស់ថា ជាអ្នកធ្វើ ឲ្យមានការបែកបាក់ឯកភាពជាតិ។ (លោក សុខ ខេមរា, វ៉ាស៊ីនតោន, ៣០ វិច្ឆិកា ២០១៧)
