Hello VOA៖ ប្រមុខដឹកនាំអាស៊ានគួរតែដាក់បញ្ចូលការប្រឆាំងអំពើពុករលួយក្នុងរបៀបវារៈនៃកិច្ចប្រជុំរបស់ខ្លួន
អ្នកជំនាញប្រឆាំងអំពើពុករលួយនៅក្នុងប្រទេសកម្ពុជា បានលើកឡើងថា ប្រមុខដឹកនាំរដ្ឋាភិបាលនៃបណ្ដាប្រទេសក្នុងសមាគមប្រជាជាតិអាស៊ីអាគ្នេយ៍ឬអាស៊ាន គួរតែហ៊ានដាក់បញ្ចូលការពិភាក្សាពីការប្រឆាំងអំពើពុករលួយទៅក្នុងរបៀបវារៈនៃកិច្ចប្រជុំកំពូលរបស់ពួកគេ។ លោក ព្រាប កុល នាយកប្រតិបត្តិនៃអង្គការតម្លាភាពកម្ពុជា បានថ្លែងបែបនេះក្នុងកម្មវិធី Hello VOA កាលពីថ្ងៃព្រហស្បតិ៍ ទី៩ ខែវិច្ឆិកា ឆ្នាំ២០១៧។ «រដ្ឋាភិបាលនៅក្នុងប្រទេសអាស៊ានយើងនេះ គឺសុទ្ធតែមានភាពរសើបទៅលើប្រធានបទនេះ»។ (លោក សាយ មុន្នី, Hello VOA, វ៉ាស៊ីនតោន/ភ្នំពេញ, ៩ វិច្ឆិកា ២០១៧)
