Hello VOA៖ សិទ្ធិមនុស្សនិងប្រជាធិបតេយ្យអាស៊ាន ប៉ះទង្គិចដោយឥទ្ធិពលចិននិងអាមេរិក
បញ្ហាសិទ្ធិមនុស្ស និងលទ្ធិប្រជាធិបតេយ្យក្នុងតំបន់អាស៊ាន មានការធ្លាក់ចុះ ចាប់តាំងពីមានកំណើនឥទ្ធិពលចិន ហើយឥទ្ធិពលអាមេរិកថមថយ។ នេះបើតាមការអះអាងរបស់លោក ឈាង វណ្ណារិទ្ធ អ្នកវិភាគនិងអ្នកស្រាវជ្រាវកិច្ចការតំបន់ ដែលបានថ្លែងក្នុងកម្មវិធី Hello VOA ស្តីអំពីឯកច្ឆន្ទភាព (Consensus) ក្នុងសមាគមអាស៊ាន និងឥទ្ធិពលចិន-អាមេរិកកាលពីថ្ងៃព្រហស្បតិ៍ ទី៥ ខែតុលា ឆ្នាំ២០១៧។ លោកបានថ្លែងថា សហរដ្ឋអាមេរិកមិនសូវយកចិត្តទុកដាក់អំពីបញ្ហាប្លុកអាស៊ាន នៅពេលចិនបានប្រឹងប្រែងពង្រីកឥទ្ធិពលសេដ្ឋកិច្ចនយោបាយខ្លួនក្នុងតំបន់នេះ។ អាស៊ានមានបញ្ហាសិទ្ធិមនុស្ស និងប្រជាធិបតេយ្យ ដែលសហរដ្ឋអាមេរិកមិនសូវយកចិត្តទុកដាក់។ (លោក សុខ ខេមរា, Hello VOA, វ៉ាស៊ីនតោន, ៥ តុលា ២០១៧)
