ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

Hello VOA៖ អ្នកវិភាគ​ថា​កម្ពុជា​នឹង​ខាត​ប្រយោជន៍​សេដ្ឋកិច្ច​ហើយ​វៀតណាម​ចំណេញ​បើ​វិបត្តិ​នយោបាយ​អូសបន្លាយ


ទាញ​យក​ពី​តំណភ្ជាប់​ដើម

អ្នក​នយោបាយ​កម្ពុជា​គួរតែ​ទប់​សភាពការណ៍​ដែល​កំពុងតែ​ធ្ងន់ធ្ងរ​ស្រាប់​នាពេល​បច្ចុប្បន្ន​នេះ កុំ​ឱ្យ​ដុនដាប​ជ្រុល​ហួស​ពីនេះ ​ព្រោះ​វា​នឹង​ធ្វើ​ឱ្យ​ខាត​ប្រយោជន៍​សេដ្ឋកិច្ច​របស់​ប្រទេស​ជាតិ។ នេះ​បើ​តាម​ការ​លើកឡើង​របស់​អ្នកវិភាគ។ លោក​ អ៊ូ វីរៈ​ ស្ថាបនិក​ និង​ជា​ប្រធាន​វេទិការ​អនាគត​បាន​បញ្ជាក់​ក្នុង​កម្មវិធី​ Hello ​VOA ​ថា​ជាពិសេស​កម្ពុជា​គួរ​ជៀសវាង​ប្រតិកម្ម​ណាមួយ​ពី​ប្រទេស​មហា​អំណាច​ ដោយសារតែ​បញ្ហា​នយោបាយ​ និង​ការ​រំលោភ​សិទ្ធិ​មនុស្ស ​ពីព្រោះ​ប្រទេស​កម្ពុជា​នៅ​ពឹង​ពាក់​លើ​ទីផ្សារ​របស់​សហរដ្ឋ​អាមេរិក ​និង​សហគមន៍​អឺរ៉ុប​នៅឡើយ​ទេ​ សម្រាប់​ការនាំចេញ​ផលិតផល​សម្លៀក​បំពាក់។ លោក​ អ៊ូ វីរៈ ​បន្ថែម​ថា​ លោក​មាន​សុទិដ្ឋិនិយម​ថា ​វិបត្តិ​នយោបាយ​នឹង​អាច​ដោះស្រាយ​បាន​ក្នុង​ពេល​ដ៏​ឆាប់​ខាងមុខ​នេះ​ ព្រោះ​ប្រសិន​បើ​វិបត្តិ​នយោបាយ​កម្ពុជា​នៅ​បន្ត​អូសបន្លាយ​ប្រទេស​វៀតណាម​នឹង​កេង​ចំណេញ​ពី​ការនាំចេញ​ផលិតផល​សម្លៀក​បំពាក់​បាន​ច្រើន​ជាងគេ។ ក្រៅពីនោះ​ គូ​ប្រកួត​ប្រជែង​មួយ​ចំនួន​របស់​កម្ពុជា​ដែល​មាន​ដូចជា​បង់ក្លាដែស ​និង​ភូមា​ ក៏​នឹង​ទទួល​ផល​ចំណេញ​ផង​ដែរ។ (លោក ម៉ែន គឹមសេង, Hello VOA, វ៉ាស៊ីនតោន, ២ តុលា ២០១៧)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG