ភ្ជាប់​ទៅ​គេហទំព័រ​ទាក់ទង

Hello VOA៖ អ្នកវិភាគ​ថា កម្ពុជា​មិន​ខ្លាច​បស្ចិម​ប្រទេស​ដោយសារ​មាន​ចិន​ជួយ

  • ម៉ែន គឹមសេង

រដ្ឋាភិបាល​កម្ពុជា​បាន​អាក់​អន់ចិត្ត​​​នឹង​សហរដ្ឋ​អាមេរិក​​យូរ​ហើយ ប៉ុន្តែ​ទើប​បាន​បញ្ចេញ​ឱ្យ​ដឹង​នៅ​ពេល​នេះ តាម​រយៈការចោទ​ប្រកាន់​សហរដ្ឋ​អាមេរិក​ថា បាន​ជួយ​គណបក្ស​ប្រឆាំង​ដោយ​សម្ងាត់​​ដោយ​សារតែ​កម្ពុជា​មាន​លទ្ធភាព​​​ធ្វើ​បាន​ព្រោះ​បាន​ពឹងផ្អែក​លើ​ប្រទេស​ចិន។ លោក​អ៊ូ វីរៈ​ប្រធាន​វេទិការ​អនាគត​បាន​បញ្ជាក់​ក្នុង​កម្មវិធី​Hello VOA ​ថា ប្រទេស​កម្ពុជា​​​ឆ្លៀត​យក​​ឱកាស​ដែល​ប្រទេស​ចិន​កំពុង​កើន​អំណាច​យោធា និង​សេដ្ឋកិច្ច​ហើយ​​ត្រូវការ​​កម្ពុជា​ជា​ឈ្នាន់​​ដើម្បី​រក្សា​ឥទ្ធិពល​របស់​ចិន​មក​ជា​ការវាយ​ប្រហារ​​រិះគន់​សហរដ្ឋ​អាមេរិក​និង​អនុវត្ត​នយោបាយ​​ផ្ទៃក្នុង​ដោយ​មិន​បារម្ភ​ពី​ការរំលោភ​សិទ្ធិ​មនុស្ស​និង​លទ្ធិ​ប្រជាធិបតេយ្យ។ លោក អ៊ូ វីរៈ ទទូច​ស្នើ​សុំ​ឱ្យ​អ្នក​នយោបាយ​មាន​ការឯកភាព​ជាតិ​ ទុកចិត្ត​គ្នា ឈប់​លាប​ពណ៍ និង​វាយប្រហារ​គ្នា​​ហើយ​ប្រកួត​ប្រជែងគ្នា​ដោយ​គំនិត​វិញ។​ លោក​ថា​បើ​កម្ពុជា​បាត់​បាត់​ការគាំទ្រ​ពី​បស្ចិម​ប្រទេស​គឺ​កម្ពុជា​នឹង​ក្លាយជា​កូន​អុក​របស់​ចិន​ហើយ។ លោក​បន្ថែម​ថា៖ «ពេលណា​ប្រទេស​កម្ពុជា​ដាក់​ខ្លួន​ទៅ​ជា​កូន​អុក​របស់​គេ​គឺ​កម្ពុជា​មិន​បាន​សុខ​ទេ‍»។ (លោក ម៉ែន គឹមសេង, Hello VOA, វ៉ាស៊ីនតោន, ០៤ កញ្ញា ២០១៧)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG