Hello VOA៖ អាស៊ានពុំគួររំពឹងខ្លាំងពេកទៅលើសហរដ្ឋអាមេរិកក្នុងជម្លោះដែនសមុទ្រចិនខាងត្បូង
អ្នកស្រាវជ្រាវនៅក្នុងប្រទេសកម្ពុជា និយាយថា ទោះបីជាសហរដ្ឋអាមេរិក នៅតែមានតួនាទីសំខាន់នៅក្នុងជួយជំរុញឲ្យមានការគោរពច្បាប់អន្តរជាតិនៅក្នុងដែនសមុទ្រចិនខាងត្បូងក៏ដោយ ក៏បណ្ដាប្រទេសសមាជិកសមាគមប្រជាជាតិអាស៊ីអាគ្នេយ៍ ឬហៅកាត់ថា អាស៊ាន គួរតែព្យាយាមតាមផ្លូវការទូត ដោយជំរុញឲ្យមានកិច្ចព្រមព្រៀងជាមួយចិន អំពីក្រមប្រតិបត្តិស្ដីពីសមុទ្រចិនខាងត្បូង ជាជាងពឹងផ្អែកខ្លាំងពេកទៅលើសហរដ្ឋអាមេរិកបច្ចុប្បន្ននេះ ដោយសារសហរដ្ឋអាមេរិក ក្រោមការដឹកនាំរបស់លោកប្រធានាធិបតី ដូណាល់ ត្រាំ កំពុងវក់វីនឹងបញ្ហាក្នុងស្រុកនិងបញ្ហាតំបន់ផ្សេងៗទៀត។ នេះបើយោងតាមលោក ប៉ា ច័ន្ទរឿន នាយកមជ្ឈមណ្ឌលទស្សនវិជ្ជាអនុវត្តន៍និងសីលធម៌កម្ពុជា ដែលកំពុងចូលរួមក្នុងកម្មវិធីសិក្សាអំពីស្ថាប័នសហរដ្ឋអាមេរិក (SUSI) នៅសហរដ្ឋអាមេរិកនេះ ។ (សាយ មុន្នី, Hello VOA, វ៉ាស៊ីនតោន, ៣ សីហា ២០១៧)
