ភ្ជាប់​ទៅ​គេហទំព័រ​ទាក់ទង

Hello VOA៖ សង្គ្រោះ​ជាតិ​សុំ​​គ.ជ.ប​និង​ក្រសួង​ការងារ​ធានា​​សិទ្ធិ​កម្មករ​និង​ពលករ

  • ម៉ែន គឹមសេង

គណបក្ស​សង្គ្រោះ​ជាតិ​ទទូច​​ឱ្យ​គណៈកម្មាធិការ​ជាតិ​រៀបចំ​ការ​បោះឆ្នោត​ (គ.ជ.ប.) មាន​ភាព​បត់បែន​ជាង​មុន​សម្រាប់​កម្មករ​និង​ពលករ ​ដើម្បី​ធានា​ឱ្យ​ពួកគេ​​ចូលរួម​បោះឆ្នោត​បាន​ច្រើន​ដោយ​ត្រូវ​កែសម្រួល​នីតិវិធី​ក្នុង​ការ​ចុះឈ្មោះ​បោះឆ្នោត​ក្នុង​ពេល​ខាង​មុខ។ លោកស្រី​ មូរ​ សុខហួរ​​ អនុប្រធាន​គណបក្ស​សង្គ្រោះ​ជាតិ​បាន​បញ្ជាក់​ក្នុង​កម្មវិធី Hello VOA ​ថា ​​នេះ​ជា​ការ​ធានា​សិទ្ធិ​តាម​រដ្ឋធម្មនុញ្ញ​សម្រាប់​ពលរដ្ឋ​ទាំង​អស់​​ មិន​ថា​អ្នក​នៅ​ក្នុង​ប្រទេស​ឬ​ក្រៅ​ប្រទេស​ទេ។ គណបក្ស​សង្គ្រោះ​ជាតិ​បង្កើន​ការ​ទាមទារ​នេះ​​ក្រោយ​ពី​មាន​ការ​ចោទប្រកាន់​ថា​ មាន​ភាព​មិន​ប្រក្រតី​ក្នុង​ពេល​​បោះឆ្នោត​ក្រុមប្រឹក្សា​ឃុំ​សង្កាត់​ដែល​កម្មករ​កម្មការិនី​មួយ​ចំនួន​មិន​ទទួល​បាន​ការ​សម្រួល​ឱ្យ​មាន​ពេល​វេលា​គ្រប់គ្រាន់​បាន​ទៅ​បោះឆ្នោត​ទេ។ ​​ក្នុង​ពេល​ជាមួយ​គ្នា​នោះ​ដែរ ​ពលករ​ចំណាកស្រុក​មួយ​ចំនួន​បាន​បាត់បង់​ឱកាស​ចូលរួម​ការ​បោះឆ្នោត​ដោយសារតែ​ពួកគេ​មិន​បាន​ចុះឈ្មោះ​បោះឆ្នោត​ព្រោះ​តែ​នីតិវិធី​ស្មុគស្មាញ​ពាក់ព័ន្ធ​នឹង​លិខិត​បញ្ជាក់​លំនៅឋាន​និង​សាក្សី​ជាដើម។ លោកស្រី​ មូរ សុខហួរ ​សម្តែង​ការ​សោកស្តាយ​ដែល​ក្នុង​ការ​បោះឆ្នោត​ឃុំ​សង្កាត់​កន្លង​មក​នេះ​ក្រសួង​ការងារ​មិន​បាន​សម្រួល​ឱ្យ​មាន​ពេលវេលា​គ្រប់គ្រាន់​ដល់​កម្មករ​កម្មការិនី​ទៅ​បោះឆ្នោត​នៅ​លំនៅឋាន​ដើម​របស់​ពួក​គេ។ (ម៉ែន គឹមសេង, Hello VOA, វ៉ាស៊ីនតោន/បាត់ដំបង, ២២ មិថុនា ២០១៧)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG