ភ្ជាប់​ទៅ​គេហទំព័រ​ទាក់ទង

Hello VOA៖ ការ​ទិញទឹក​ចិត្ត​និង​ការ​គំរាម​នៅតែ​ជា​មធ្យោបាយ​ទាក់ទាញ​អ្នក​បោះឆ្នោត​ពេល​ឃោសនា

  • សុខ ខេមរា

ក្រុម​អ្នកសង្កេតការណ៍​បាន​និយាយ​ថា បើទោះបីជាការ​ឃោសនា​បោះឆ្នោត​បាន​ដំណើរការ​ប្រសើរ​ជាង​អាណតិ​មុនៗ​ក្តី ​ក៏នៅតែមាន​បញ្ហា​គំរាមកំហែង និង​មធ្យោបាយ​ទិញ​ទឹកចិត្ត​អ្នក​បោះឆ្នោត​ខ្លះៗ​នៅឡើយ។ នេះ​បើ​តាម​ការ​អះអាង​របស់​លោក យ៉ង់ គិមអេង នាយក​មជ្ឈមណ្ឌល​ប្រជាពលរដ្ឋ​ដើម្បី​អភិវឌ្ឍន៍​និង​សន្តិភាព និង​លោក កង សាវាង្ស អ្នក​សម្របសម្រួល​ផ្នែក​អង្កេត​នៃ​អង្គការ​ខុមហ្រ្វែល នៅក្នុង​កម្មវិធី Hello VOA កាលពីថ្ងៃ​ច័ន្ទ ទី២៩ ខែឧសភា។ ក្រុម​អ្នកសង្កេតការណ៍​បានអះអាង​ថា​ មធ្យោបាយ​ទិញ​ទឹកចិត្ត​នេះ​ត្រូវ​ប្រើប្រាស់​ជា​ប្រពៃណី និង​មាន​គណបក្ស​ច្រើន​បាន​ប្រើប្រាស់។ មាន​បណ្តឹង​ចំនួន៥៦ បាន​កើតឡើង​ទាក់ទង​នឹង​ការរារាំង និង​បញ្ហា​ផ្សេងៗ​ទៀត ក្រៅពី​មាន​បរិយាកាស​ក្តៅ​បន្តិច​នៅ​ថ្នាក់​ជាតិ ដែល​មេដឹកនាំ​បក្ស​សំខាន់​បាន​ចាប់​កំហុស​គ្នា​ទៅវិញ​ទៅមក​លើ​រឿង​សារ​ឃោសនា​រក​សំឡេង​ឆ្នោត។ (សុខ ខេមរា, Hello VOA, ភ្នំពេញ, ២៩ ឧសភា ២០១៧)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG