Hello VOA៖ លោកស្រី មូរ សុខហួរ ថ្លែងថា កុំរើសអើងពេលស្ត្រីរងគ្រោះវិលចូលសហគមន៍វិញ
លោកស្រី មូរ សុខហួរ អ្នកតំណាងរាស្ត្រគណបក្សសង្គ្រោះជាតិនិងជាអតីតរដ្ឋមន្ត្រីក្រសួងកិច្ចការនារីបានស្នើសុំឱ្យសង្គមកម្ពុជាផ្តល់តម្លៃដល់ការងារគ្រប់វិស័យដែលស្ត្រីធ្វើនិងសុំឱ្យសហគមន៍កុំមានការរើសអើង នៅពេលដែលស្រ្តីរងគ្រោះត្រូវគេបោកបញ្ឆោតទៅធ្វើការឬរៀបការនៅប្រទេសក្រៅវិលត្រឡប់ចូលមកក្នុងសហគមន៍វិញ។ លោកស្រីសង្ឃឹមថានឹងមានបេក្ខនារីស្ត្រីច្រើនជាងមុន ឈរឈ្មោះក្នុងការបោះឆ្នោតក្រុមប្រឹក្សាឃុំសង្កាត់ក្នុងខែមិថុនាខាងមុខនេះ ដើម្បីឱ្យពួកគេអាចតំណាងឱ្យសំឡេងរបស់ស្ត្រីកាន់តែច្រើននៅក្នុងការដឹកនាំថ្នាក់មូលដ្ឋាន៕
