ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

Hello VOA៖ ឆ្នាំ​២០១៦​បិទ​បញ្ចប់​ដោយ​ស្ថានភាព​សិទ្ធិ​មនុស្ស​ធ្លាក់ចុះ​កាន់តែ​ខ្លាំង


ទាញ​យក​ពី​តំណភ្ជាប់​ដើម

ឆ្នាំ២០១៦​បិទ​បញ្ចប់​ដោយ​មាន​សេចក្តី​រាយការណ៍​ពី​ការរំលោភ​សិទ្ធិ​មនុស្ស​យ៉ាង​ធ្ងន់ធ្ងរ​និង​ករណី​ឃាតកម្ម​លើ​លោក​បណ្ឌិត​កែមឡី​អ្នកវិភាគ​ឯករាជ្យ​ដែល​សកម្មជន​សិទ្ធិ​មនុស្ស​មិន​នឹក​ស្មាន​ថា អាច​នឹង​កើត​មាន​ឡើ​ង​ជាថ្មី​នៅ​កម្ពុជា។ នេះ​បើ​តាម​ការលើកឡើង​របស់​សកម្មជន​ការពារ​សិទ្ធិមនុស្ស។ យ៉ាង​ណា​ក៏ដោយ​លោកស្រីចក់ សុភាព នាយិកា​ប្រតិបត្តិ​នៃ​មជ្ឈមណ្ឌល​សិទ្ធិ​មនុស្ស​កម្ពុជា​​​រំពឹង​ថា ឆ្នាំ​២០១៧​នឹង​មាន​ទិដ្ឋភាព​វិជ្ជមាន​ដោយសារ​តែ​វា​ជា​ឆ្នាំ​បោះឆ្នោត​ឃុំ-សង្កាត់ និង​ការបោះឆ្នោត​ថ្នាក់​ជាតិ​ខិត​ចូល​មក​ដល់​នៅ​ឆ្នាំ២០១៨​ខាងមុខ។ លោកស្រី​យល់​ថា អ្នកនយោបាយ​នឹង​ប្រើ​យុទ្ធសាស្រ្ត​ទាក់​ទាញ​ប្រជាប្រិយភាព​ដូច​ជា​ខិតខំ​ប្រឹងប្រែង​ដោះស្រាយ​បញ្ហា​កង្វល់​របស់​ពលរដ្ឋ​ដូចជា​បញ្ហា​ដីធ្លី ការទទួល​បាន​សេវា​សាធារណៈ ដូចជា​វិស័យ​អប់រំ សុខាភិបាល ហេដ្ឋារចនា​សម្ព័ន្ធ​ផ្លូវថ្នល់​ជាដើម។ លោក សឿង សារឿន នាយក​ប្រតិបត្តិ​នៃ​​​គណៈកម្មាធិការ​សហ​ប្រតិបត្តិការ​ដើម្បី​កម្ពុជា​យល់​ថា​ដើម្បី​ឱ្យ​ស្ថានភាព​សិទ្ធិ​មនុស្ស​មាន​លក្ខណៈប្រសើរឡើង​នៅក្នុង​ឆ្នាំ​ថ្មី​គឺ​រដ្ឋាភិបាល​ត្រូវ​ធ្វើ​វិសោធនកម្ម​ច្បាប់​អង្គការ​សង្គម​ស៊ីវិល​និង​ច្បាប់​បោះឆ្នោត​តំណាងរាស្ត្រ។ លោក​ក៏​ស្នើ​សុំ​ឱ្យ​មាន​ការជជែក​ជា​ពហុភាគី​ក្នុង​ការស្វែងរក​ដំណោះស្រាយ​នយោបាយ​ជាតិ​ដោយ​មាន​ការចូលរួម​របស់​គណបក្ស​នយោបាយ អង្គការ​សង្គមស៊ីវិល និង​វិស័យ​ឯកជន​ជាដើម៕ (ម៉ែន គឹមសេង, Hello VOA, វ៉ាស៊ីនតោន, ២៩ ធ្នូ ២០១៦)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG