ភ្ជាប់​ទៅ​គេហទំព័រ​ទាក់ទង

Hello VOA៖ គ្រាប់​កាំភ្លើង​ឃាតករ​សម្លាប់ កែម ឡី​ ម្នាក់​ តែ​ធ្វើ​ឲ្យ​របួស​ខ្មែរ​រាប់​លាន​នាក់

  • សាយ មុន្នី

អ្នក​តស៊ូ​មតិ​ដើម្បី​សិទ្ធិ​សេរីភាព​ក្នុង​ការ​បញ្ចេញ​មតិ​ និង​លទ្ធិប្រជាធិបតេយ្យ​នៅ​កម្ពុជា លើកឡើង​ថា ការ​ធ្វើឃាត​លើ​លោក​បណ្ឌិត​​ កែម ឡី ពិត​ជា​បាន​ធ្វើ​ឲ្យ​មាន​ភាព​ភ័យខ្លាច​ខ្លះៗ​ និង​ប៉ះពាល់​ខ្លាំង​ដល់​សិទ្ធិ​បញ្ចេញ​មតិ ប៉ុន្តែ ទន្ទឹម​ពេល​គ្នា​នេះ ឃាតកម្ម​នេះ​ ក៏​បាន​ធ្វើ​ឲ្យ​ពលរដ្ឋ​ខ្មែរ​រាប់​លាន​នាក់​ ភ្ញាក់​រលឹក​និង​មាន​ស្មារតី​ក្រោក​ឡើង​តស៊ូ ដើម្បី​សិទ្ធិ​សេរីភាព​របស់​ខ្លួន។ លោក ប៉ា ងួនទៀង ​នាយក​ប្រតិបត្តិ​នៃ​មជ្ឈមណ្ឌល​កម្ពុជា​ដើម្បី​ប្រព័ន្ធ​ផ្សព្វផ្សាយ​ឯករាជ្យ ថ្លែង​បែបនេះ​នៅ​ក្នុង​កម្មវិធី​ «Hello VOA» កាល​ពី​ថ្ងៃ​ច័ន្ទ ទី​១៨ ខែ​កក្កដា​នេះ៖«ផល​ប៉ះពាល់​នៃ​ការ​ស្លាប់​នេះ គឺ​លោក កែម ឡី​ ម្នាក់ បាន​បិទ​ភ្នែក​ បិទ​មាត់ ប៉ុន្តែ វា​បាន​ធ្វើ​​ឲ្យ​ប្រជាពលរដ្ឋ​ខ្មែរ​ រាប់​លាន​នាក់ បាន​ងើបឡើង»។ លោក សុខ ឥសាន្ត អ្នក​នាំ​ពាក្យ​គណបក្ស​ប្រជាជន​កម្ពុជា ក៏​បាន​ថ្លែង​នៅ​ក្នុង​កម្មវិធី​ «Hello VOA» កាល​ពី​ថ្ងៃ​ច័ន្ទ ទី​១៨ ខែ​កក្កដា​នេះ​ដែរ​ថា រដ្ឋាភិបាល​កម្ពុជា ក៏​បាន​សម្ដែង​ការ​សោក​ស្ដាយ​ចំពោះ​ការ​ស្លាប់​លោក​បណ្ឌិត​ កែម ឡី​ ដែរ ហើយ​ថា​ អាជ្ញាធរ មាន​សមត្ថកិច្ច​ នឹង​ស៊ើបអង្កេត​ឲ្យ​បាន​ល្អិតល្អន់​ ដើម្បី​ស្វែងរក​ការពិត​នៃ​ការ​បាញ់​សម្លាប់​លោក កែម​ ឡី​ នេះ៕ (សាយ មុន្នី, Hello VOA, វ៉ាស៊ីនតោន, ១៨ កក្កដា ២០១៦)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG