Hello VOA ពិសេស៖ មូលហេតុដែលបង្កឱ្យមានគ្រោះថ្នាក់ចរាចរណ៍នៅក្នុងប្រទេសកម្ពុជា
គ្រោះថ្នាក់ចរាចរណ៍ នៅតែជាបញ្ហាប្រឈមចម្បងមួយរបស់ប្រទេសកម្ពុជានៅឡើយ។ យោងតាមស្ថិតិរបស់នាយកដ្ឋានចរាចរណ៍និងសណ្តាប់ធ្នាប់សាធារណៈ នៅដើមឆ្នាំ២០១៦នេះ អត្រាគ្រោះថ្នាក់ចរាចរណ៍បានថយចុះ៩% បើប្រៀបធៀបទៅនឹងឆ្នាំមុន។ ទោះជាយ៉ាងនេះក្តី វិសាលភាពនៃគ្រោះថ្នាក់ចរាចរណ៍ នៅតែមានកម្រិតខ្ពស់គួរឱ្យព្រួយបារម្ភនៅឡើយ។ លោក អ៊ា ចរិយា នាយកស្ថាបនិកនៃវិទ្យាស្ថានសុវត្ថិភាពចរាចរណ៍ បានថ្លែងនៅក្នុងកម្មវិធី Hello VOAថា កត្តាធំៗបីដែលបង្កឱ្យមានគ្រោះថ្នាក់ចរាចរណ៍ រួមមានកត្តាមនុស្ស កត្តាយានយន្ត និងកត្តាផ្លូវ។ (ឌី ខាំបូលី, Hello VOA ពិសេស, ភ្នំពេញ, ២២ មិថុនា ២០១៦)
