មេដឹកនាំអាស៊ាន រួមទាំងលោកនាយករដ្ឋមន្ត្រី ហ៊ុន សែន ត្រូវបានអញ្ជើញជាពិសេសដោយលោក ប្រធានាធាធិបតី Joe Biden ដើម្បីចូលរួមក្នុងកិច្ចប្រជុំកំពូលពិសេសរវាងសហរដ្ឋអាមេរិកនិងសមាគមអាស៊ាន (US-ASEAN Special Summit) នៅរដ្ឋធានីវ៉ាស៊ីនតោន នៅថ្ងៃទី១២ដល់១៣ ខែឧសភា ខាងមុខ។ បញ្ហាសំខាន់ៗដែលទទួលបានចំណាប់អារម្មណ៍រួមមាន៖
លោកនាយករដ្ឋមន្ត្រី ហ៊ុន សែន បានចាកចេញពីរដ្ឋធានីវ៉ាស៊ីនតោន កាលពីព្រឹកថ្ងៃសៅរ៍ ទី១៤ ខែឧសភា ឆ្នាំ ២០២២ ក្រោយបានចូលរួមកិច្ចប្រជុំកំពូលពិសេសអាមេរិក-អាស៊ានក្នុងសប្តាហ៍នេះ ហើយគណៈប្រតិភូរបស់លោកគ្រោងទៅដល់រាជធានីភ្នំពេញវិញនៅល្ងាចថ្ងៃអាទិត្យ ទី១៥ ខែឧសភា។ នេះបើយោងតាមទំព័រហ្វេសប៊ុករបស់លោក ហ៊ុន សែន។
Reuters
ថ្លែងនៅថ្ងៃទីពីរនៃកិច្ចប្រជុំកំពូលពិសេសអាមេរិក-អាស៊ានរយៈពេល ២ ថ្ងៃ លោក Biden បានមានប្រសាសន៍ថា៖ «កិច្ចការជាច្រើននៃប្រវត្តិសាស្ត្ររបស់ពិភពលោកយើងនៅក្នុងរយៈពេល ៥០ ឆ្នាំខាងមុខនេះ នឹងត្រូវកត់ត្រានៅក្នុងប្រទេសអាស៊ាន ហើយទំនាក់ទំនងរបស់យើងជាមួយអ្នក គឺជាអនាគត ក្នុងរយៈពេលរាប់ឆ្នាំនិងរាប់ទសវត្សរ៍ខាងមុខ»។
AP
ប្រធានាធិបតីសហរដ្ឋអាមេរិក លោក Joe Biden កាលពីថ្ងៃសុក្រ ចង់បញ្ចុះបញ្ចូលមេដឹកនាំប្រទេសនៃតំបន់អាស៊ីអាគ្នេយ៍ ឱ្យបង្ហាញការប្រឆាំងបន្ថែមទៀតចំពោះការឈ្លានពានរបស់រុស្ស៊ីលើប្រទេសអ៊ុយក្រែន។ ក៏ប៉ុន្តែសង្គ្រាមនេះគឺជាបញ្ហាដ៏ស្មុគស្មាញមួយសម្រាប់ប្រទេសជាច្រើនដែលជាសមាជិកទាំង ១០ របស់អាស៊ាន ដែលមានទំនាក់ទំនងជិតស្និទ្ធជាមួយរដ្ឋាភិបាលរុស្ស៊ី។
Reuters
ប្រធានាធិបតីសហរដ្ឋអាមេរិកលោក Joe Biden បានបើកកិច្ចប្រជុំកំពូលជាមួយមេដឹកនាំបណ្តាប្រទេសអាស៊ីអាគ្នេយ៍ ដោយសន្យាថា នឹងចំណាយទឹកប្រាក់ ១៥០ លានដុល្លារ លើវិស័យហេដ្ឋារចនាសម្ព័ន្ធ សន្តិសុខ ការត្រៀមទប់ទល់នឹងជំងឺរាតត្បាត និងកិច្ចប្រឹងប្រែងផ្សេងៗទៀត ក្នុងគោលបំណងទប់ទល់នឹងឥទ្ធិពលរបស់ចិន ដែលជាដៃគូប្រជែងរបស់អាមេរិក។
Reuters
សហរដ្ឋអាមេរិកបានប្រាប់មេដឹកនាំអាស៊ាន នៅថ្ងៃសុក្រថា អាមេរិកនឹងនៅតែមានវត្តមាននៅក្នុងតំបន់អាស៊ីអាគ្នេយ៍ជាច្រើនជំនាន់ ហើយបានសង្កត់ធ្ងន់អំពីភាពចាំបាច់ក្នុងការរក្សាសេរីភាពដែនសមុទ្រ ដែលរដ្ឋាភិបាលអាមេរិកថា កំពុងត្រូវបានរងការគំរាមកំហែងដោយចិន។
លាស់ លីបលីប
កូនប្រុសពៅរបស់លោកនាយករដ្ឋមន្ត្រីហ៊ុន សែន គឺលោក ហ៊ុន ម៉ានី និងមន្ត្រីផ្លូវការកម្ពុជាឯទៀត បានព្រួតគ្នាថ្កោលទោស សកម្មភាពគប់ស្បែកជើងលើលោកហ៊ុន សែន ពីសំណាក់ពលរដ្ឋខ្មែរអាមេរិកកាំងក្នុងរដ្ឋធានីវ៉ាស៊ីនតោន ទីដែលលោក ហ៊ុន សែន កំពុងមានវត្តមានដើម្បីចូលរួមកិច្ចប្រជុំកំពូលពិសេសអាមេរិកអាស៊ាន។
លោក ហ៊ុន សែន ជម្រាបស្ថានការណ៍កម្ពុជាជូនពលរដ្ឋខ្មែរ ២.០០០នាក់ មុនកិច្ចប្រជុំអាមេរិក-អាស៊ាននៅវ៉ាស៊ីនតោន។
សមាជិកព្រឹទ្ធសភាសហរដ្ឋអាមេរិក ៤ រូប កាលពីថ្ងៃព្រហស្បតិ៍ បានអំពាវនាវឱ្យមេដឹកនាំកម្ពុជាគឺលោកនាយករដ្ឋមន្ត្រី ហ៊ុន សែន គោរពតាម «ការសន្យាខាងលទ្ធិប្រជាធិបតេយ្យ» ដែលមានចែងនៅក្នុងកិច្ចព្រមព្រៀងទីក្រុងប៉ារីសឆ្នាំ ១៩៩១ ខណៈលោក ហ៊ុន សែន កំពុងលេចមុខលេចមាត់ ចូលរួមកិច្ចប្រជុំកំពូលអាមេរិក-អាស៊ាន នៅរដ្ឋធានីរបស់សហរដ្ឋអាមេរិក។ សូមអានអត្ថបទលម្អិត
កាលពីល្ងាចថ្ងៃព្រហស្បតិ៍ ប្រធានាធិបតីអាមេរិកលោក Joe Biden បានស្វាគមន៍មេដឹកនាំអាស៊ាននៅសេតវិមានក្នុងរដ្ឋធានីវ៉ាស៊ីនតោន ដោយបានថតរូបជុំគ្នា មុននឹងជួបពិភាក្សាគ្នាក្នុងអំឡុងអាហារពេលល្ងាច។
