វ៉ាស៊ីនតោន —
ក្រសួងការបរទេសសហរដ្ឋអាមេរិកបានបញ្ជាក់ជាថ្មីនូវការខិតខំប្តេជ្ញាចិត្តរបស់ខ្លួនក្នុងការរក្សាតុល្យភាពអំណាចឡើងវិញនៅក្នុងតំបន់អាស៊ីប៉ាស៊ីហ្វិកដោយចាត់ទុកថា វាជាតំបន់ដែលមានសារៈសំខាន់សម្រាប់សហរដ្ឋអាមេរិកនិងពិភពលោក។
លោក ដានីញែល រាស់សល (Daniel Russel) ឧបការីរដ្ឋមន្ត្រីការបរទេសសហរដ្ឋអាមេរិកបានបញ្ជាក់ប្រាប់ក្រុមអ្នកសារព័ត៌មាននៅក្នុងសន្និសីទសារព័ត៌មាននៅរដ្ឋធានីវ៉ាស៊ីនតោនកាលពីថ្ងៃអង្គារថា៖
«សហរដ្ឋអាមេរិកមានការប្តេជ្ញាយ៉ាងខ្លាំងចំពោះយុទ្ធសាស្រ្តចូលរួមនិងរក្សាតុល្យភាពអំណាចឡើងវិញនៅតំបន់អាស៊ីប៉ាស៊ីហ្វិក។ យើងនឹងដាក់បន្ថែមនូវធនធានខាងការទូត ធនធាននយោបាយការទូតសាធារណៈ និងជំនួយដើម្បីជំរុញឱ្យសម្រេចបានគោលដៅរបស់យើងនៅក្នុងតំបន់»។
ក្នុងចំណោមយន្តការជាច្រើនដែលយកមកប្រើ សហរដ្ឋអាមេរិកបានចាត់ទុកថាការចូលរួមរបស់អង្គការសង្គមស៊ីវិលក៏ជាផ្នែកមួយដែលជួយដល់សហរដ្ឋអាមេរិកក្នុងការសម្រេចបាននូវគោលដៅរក្សាតុល្យភាពអំណាចឡើងវិញនៅ តំបន់អាស៊ីនិងប៉ាស៊ីហ្វិកដែរ។
លោក រាស់សល បានបន្ថែមថា៖ «ជារៀងរាល់ថ្ងៃស្ថានទូតរបស់យើងចេញទៅជួបជាមួយនឹងរដ្ឋាភិបាលម្ចាស់ផ្ទះ ដោយធ្វើការជាមួយនឹងអង្គការមិនមែនរដ្ឋាភិបាលនិងភាគីផ្សេងៗទៀតដើម្បីជំរុញការរក្សាតុល្យភាពអំណាចឡើងវិញរបស់យើងហើយតាមរយៈការចូលរួមពាក់ព័ន្ធនោះនិងការជាប់ពាក់ព័ន្ធកម្រិតខ្ពស់គឺយើងធ្វើការដោយផ្ទាល់ជាមួយនឹងដៃគូរបស់យើង សម្ព័ន្ធមិត្តរបស់យើង ហើយយើងធ្វើការលើបញ្ហាស្មុគស្មាញដែលមានប្រយោជន៍សម្រាប់យើងទាំងអស់គ្នា»។
រដ្ឋបាលរបស់លោកប្រធានាធិបតីសហរដ្ឋអាមេរិក បារ៉ាក់ អូបាម៉ា បានដាក់ចេញនូវយុទ្ធសាស្រ្ត«ងាកទៅតំបន់អាស៊ី» ឬ “Pivot to Asia” ខ្លាំងនៅឆ្នាំ២០១២ ដោយផ្តោតលើវិស័យធំៗនានាដូចជាសេដ្ឋកិច្ច សន្តិសុខ និងវប្បធម៌ជាដើម។
លោកបណ្ឌិតឡៅ ម៉ុងហៃអ្នកវិភាគឯករាជ្យបានបញ្ជាក់ថាការងាររបស់អង្គការសង្គមស៊ីវិលនៅតំបន់អាស៊ីក៏ដូចជានៅក្នុងប្រទេសកម្ពុជាគឺផ្តោតលើការពង្រឹងលទ្ធិប្រជាធិបតេយ្យនិងលើកកម្ពស់ការគោរពសិទ្ធិមនុស្សដែលជាផ្នែកមួយនៃគោលនយោបាយរបស់សហរដ្ឋអាមេរិក។ ហើយនៅក្នុងប្រទេសក្រីក្រដូចជាកម្ពុជាតួរនាទីរបស់អង្គការសង្គមស៊ីវិលរឹតតែសំខាន់ទៅទៀតក្នុងការការពារអ្នកទន់ខ្សោយទប់ទល់នឹងការរំលោភបំពានរបស់អ្នកមានអំណាច។
លោកបណ្ឌិត ឡៅ ម៉ុងហៃ មើលឃើញថា ការប្រកាសជាថ្មីរបស់សហរដ្ឋអាមេរិកជាការល្អមួយសម្រាប់សង្គមស៊ីវិលកម្ពុជាក្នុងការបំពេញការងាររបស់ពួកគេ៖ «ខ្ញុំថាទំនោរនេះវាវិជ្ជមានសម្រាប់ពង្រឹងសង្គមស៊ីវិល។ ទីមួយជាការលើកទឹកចិត្តដល់អ្នកទាំងឡាយដែលធ្វើការខាងផ្នែកសង្គមស៊ីវិល។ ទីពីរគឺបន្ថែមការជួយឧបត្ថម្ភជាមធ្យោបាយអ្វីផ្សេងៗបន្ថែមទៀតទៅអង្គការសង្គមស៊ីវិលដើម្បីធ្វើសកម្មភាពរបស់ខ្លួនបន្តទៀត»។
យ៉ាងណាក៏ដោយសហរដ្ឋអាមេរិកនៅសម្តែងការព្រួយបារម្ភចំពោះការប្រកាសជាឯកតោភាគីរបស់ប្រទេសចិនពីលើបញ្ហាអធិបតេយ្យភាពនៅតំបន់សមុទ្រចិនខាងកើតដែលកំពុងមានទំនាស់គ្នាជាមួយនឹងប្រទេសជប៉ុននិងកូរ៉េ និងបញ្ហាសមុទ្រចិនខាងត្បូងដែលមានទំនាស់ជាមួយនឹងសមាជិកមួយចំនួននៃប្រទេសជាសមាជិកសមាគមអាស៊ាន។
លោក Russel បានមានប្រសាសន៍ថា៖ «សហរដ្ឋអាមេរិកមានការព្រួយបារម្ភពីបញ្ហាមួយចំនួននៅតំបន់សមុទ្រចិនខាងកើតនិងខាងត្បូង ជាពិសេសសកម្មភាពដែលធ្វើឡើងជាឯកតោភាគី ដែលមានលក្ខណៈបង្ករឿងតាមរបៀបមិនមែនការទូតនិងមិនស្របច្បាប់។ សកម្មភាពបែបនេះធ្វើឱ្យគេចោទជាសំណួរអំពីការគោរពច្បាប់ គោលដៅរយៈពេលវែងនៃប្រទេសខ្លះនៅក្នុងតំបន់នោះ»។
ក្រសួងការបរទេសក៏បានបញ្ជាក់ថាសម្រាប់ឆ្នាំ២០១៤នេះ លោកប្រធានាធិបតីអូបាម៉ានិងមន្ត្រីជាន់ខ្ពស់នានាដែលរួមមានលោករដ្ឋមន្ត្រីការបរទេសចន ឃែរី និងលោករដ្ឋមន្ត្រីការពារជាតិ ឆាក់ ហេហ្កល (Chuck Hagel) ជាដើមនឹងធ្វើដំណើរទៅតំបន់អាស៊ីនិងប៉ាស៊ីហ្វិកច្រើនជាងមុន៕
លោក ដានីញែល រាស់សល (Daniel Russel) ឧបការីរដ្ឋមន្ត្រីការបរទេសសហរដ្ឋអាមេរិកបានបញ្ជាក់ប្រាប់ក្រុមអ្នកសារព័ត៌មាននៅក្នុងសន្និសីទសារព័ត៌មាននៅរដ្ឋធានីវ៉ាស៊ីនតោនកាលពីថ្ងៃអង្គារថា៖
«សហរដ្ឋអាមេរិកមានការប្តេជ្ញាយ៉ាងខ្លាំងចំពោះយុទ្ធសាស្រ្តចូលរួមនិងរក្សាតុល្យភាពអំណាចឡើងវិញនៅតំបន់អាស៊ីប៉ាស៊ីហ្វិក។ យើងនឹងដាក់បន្ថែមនូវធនធានខាងការទូត ធនធាននយោបាយការទូតសាធារណៈ និងជំនួយដើម្បីជំរុញឱ្យសម្រេចបានគោលដៅរបស់យើងនៅក្នុងតំបន់»។
ក្នុងចំណោមយន្តការជាច្រើនដែលយកមកប្រើ សហរដ្ឋអាមេរិកបានចាត់ទុកថាការចូលរួមរបស់អង្គការសង្គមស៊ីវិលក៏ជាផ្នែកមួយដែលជួយដល់សហរដ្ឋអាមេរិកក្នុងការសម្រេចបាននូវគោលដៅរក្សាតុល្យភាពអំណាចឡើងវិញនៅ តំបន់អាស៊ីនិងប៉ាស៊ីហ្វិកដែរ។
លោក រាស់សល បានបន្ថែមថា៖ «ជារៀងរាល់ថ្ងៃស្ថានទូតរបស់យើងចេញទៅជួបជាមួយនឹងរដ្ឋាភិបាលម្ចាស់ផ្ទះ ដោយធ្វើការជាមួយនឹងអង្គការមិនមែនរដ្ឋាភិបាលនិងភាគីផ្សេងៗទៀតដើម្បីជំរុញការរក្សាតុល្យភាពអំណាចឡើងវិញរបស់យើងហើយតាមរយៈការចូលរួមពាក់ព័ន្ធនោះនិងការជាប់ពាក់ព័ន្ធកម្រិតខ្ពស់គឺយើងធ្វើការដោយផ្ទាល់ជាមួយនឹងដៃគូរបស់យើង សម្ព័ន្ធមិត្តរបស់យើង ហើយយើងធ្វើការលើបញ្ហាស្មុគស្មាញដែលមានប្រយោជន៍សម្រាប់យើងទាំងអស់គ្នា»។
រដ្ឋបាលរបស់លោកប្រធានាធិបតីសហរដ្ឋអាមេរិក បារ៉ាក់ អូបាម៉ា បានដាក់ចេញនូវយុទ្ធសាស្រ្ត«ងាកទៅតំបន់អាស៊ី» ឬ “Pivot to Asia” ខ្លាំងនៅឆ្នាំ២០១២ ដោយផ្តោតលើវិស័យធំៗនានាដូចជាសេដ្ឋកិច្ច សន្តិសុខ និងវប្បធម៌ជាដើម។
លោកបណ្ឌិតឡៅ ម៉ុងហៃអ្នកវិភាគឯករាជ្យបានបញ្ជាក់ថាការងាររបស់អង្គការសង្គមស៊ីវិលនៅតំបន់អាស៊ីក៏ដូចជានៅក្នុងប្រទេសកម្ពុជាគឺផ្តោតលើការពង្រឹងលទ្ធិប្រជាធិបតេយ្យនិងលើកកម្ពស់ការគោរពសិទ្ធិមនុស្សដែលជាផ្នែកមួយនៃគោលនយោបាយរបស់សហរដ្ឋអាមេរិក។ ហើយនៅក្នុងប្រទេសក្រីក្រដូចជាកម្ពុជាតួរនាទីរបស់អង្គការសង្គមស៊ីវិលរឹតតែសំខាន់ទៅទៀតក្នុងការការពារអ្នកទន់ខ្សោយទប់ទល់នឹងការរំលោភបំពានរបស់អ្នកមានអំណាច។
លោកបណ្ឌិត ឡៅ ម៉ុងហៃ មើលឃើញថា ការប្រកាសជាថ្មីរបស់សហរដ្ឋអាមេរិកជាការល្អមួយសម្រាប់សង្គមស៊ីវិលកម្ពុជាក្នុងការបំពេញការងាររបស់ពួកគេ៖ «ខ្ញុំថាទំនោរនេះវាវិជ្ជមានសម្រាប់ពង្រឹងសង្គមស៊ីវិល។ ទីមួយជាការលើកទឹកចិត្តដល់អ្នកទាំងឡាយដែលធ្វើការខាងផ្នែកសង្គមស៊ីវិល។ ទីពីរគឺបន្ថែមការជួយឧបត្ថម្ភជាមធ្យោបាយអ្វីផ្សេងៗបន្ថែមទៀតទៅអង្គការសង្គមស៊ីវិលដើម្បីធ្វើសកម្មភាពរបស់ខ្លួនបន្តទៀត»។
យ៉ាងណាក៏ដោយសហរដ្ឋអាមេរិកនៅសម្តែងការព្រួយបារម្ភចំពោះការប្រកាសជាឯកតោភាគីរបស់ប្រទេសចិនពីលើបញ្ហាអធិបតេយ្យភាពនៅតំបន់សមុទ្រចិនខាងកើតដែលកំពុងមានទំនាស់គ្នាជាមួយនឹងប្រទេសជប៉ុននិងកូរ៉េ និងបញ្ហាសមុទ្រចិនខាងត្បូងដែលមានទំនាស់ជាមួយនឹងសមាជិកមួយចំនួននៃប្រទេសជាសមាជិកសមាគមអាស៊ាន។
លោក Russel បានមានប្រសាសន៍ថា៖ «សហរដ្ឋអាមេរិកមានការព្រួយបារម្ភពីបញ្ហាមួយចំនួននៅតំបន់សមុទ្រចិនខាងកើតនិងខាងត្បូង ជាពិសេសសកម្មភាពដែលធ្វើឡើងជាឯកតោភាគី ដែលមានលក្ខណៈបង្ករឿងតាមរបៀបមិនមែនការទូតនិងមិនស្របច្បាប់។ សកម្មភាពបែបនេះធ្វើឱ្យគេចោទជាសំណួរអំពីការគោរពច្បាប់ គោលដៅរយៈពេលវែងនៃប្រទេសខ្លះនៅក្នុងតំបន់នោះ»។
ក្រសួងការបរទេសក៏បានបញ្ជាក់ថាសម្រាប់ឆ្នាំ២០១៤នេះ លោកប្រធានាធិបតីអូបាម៉ានិងមន្ត្រីជាន់ខ្ពស់នានាដែលរួមមានលោករដ្ឋមន្ត្រីការបរទេសចន ឃែរី និងលោករដ្ឋមន្ត្រីការពារជាតិ ឆាក់ ហេហ្កល (Chuck Hagel) ជាដើមនឹងធ្វើដំណើរទៅតំបន់អាស៊ីនិងប៉ាស៊ីហ្វិកច្រើនជាងមុន៕