ភ្នំពេញ —
«ដំណោះស្រាយនយោបាយត្រូវតែជាដំណោះស្រាយនយោបាយបែបកម្ពុជា» នេះគឺជាជំហររបស់សហរដ្ឋអាមេរិកចំពោះភាពជាប់គាំងនយោបាយរបស់ប្រទេសកម្ពុជា។
លោក ស្កុត ម៉ាស៊ាល (Scot Marciel) ឧបការីរងជាន់ខ្ពស់នៃក្រសួងការបរទេសសហរដ្ឋអាមេរិកទទួលបន្ទុកកិច្ចការតំបន់អាស៊ីបូព៌ា និងប៉ាស៊ីហ្វិក បានថ្លែងក្នុងសន្និសីទសារព័ត៌មានមួយនៅល្ងាចថ្ងៃច័ន្ទនេះថា សហរដ្ឋអាមេរិកមិនដាក់កំហិតឲ្យមានដំណោះស្រាយនយោបាយកម្ពុជាតាមបែបណានោះទេ។
«យើងគាំទ្រនិងជំរុញការពង្រឹងលទ្ធិប្រជាធិបតេយ្យនៅប្រទេសកម្ពុជា។ ដំណោះស្រាយនយោបាយត្រូវតែជាដំណោះស្រាយបែបកម្ពុជា។ យើងមិនមែននៅទីនេះដើម្បីព្យាយាមដាក់សម្ពាធឲ្យមានដំណោះស្រាយបែបណានោះទេ។ ប៉ុន្តែយើងគាំទ្រយ៉ាងពិតប្រាកដរាល់ការប្រឹងប្រែងដើម្បីពង្រឹងលទ្ធិប្រជាធិបតេយ្យរបស់ប្រទេសកម្ពុជា»។
ការបញ្ជាក់ជំហរនេះធ្វើឡើងបន្ទាប់ពីលោកស្កុត ម៉ាស៊ាលបានបញ្ចប់ដំណើរទស្សនកិច្ចរយៈពេលពីរថ្ងៃនៅកម្ពុជា។ ក្នុងទស្សនកិច្ចនេះ លោកMarciel បានជួបជាមួយមន្រ្តីរដ្ឋាភិបាលកម្ពុជាមកពីគណបក្សប្រជាជនកម្ពុជា ជួបមន្រ្តីគណបក្សជំទាស់ មន្ត្រីសង្គមស៊ីវិល និងតំណាងក្រុមហ៊ុនមួយចំនួន ដោយផ្តោតការពិភាក្សាអំពីស្ថានភាពនយោបាយនៅកម្ពុជា។
លោកឧបការីរងជាន់ខ្ពស់នៃរដ្ឋមន្រ្តីក្រសួងការបរទេសសហរដ្ឋអាមេរិកបញ្ជាក់ថា អ្នកនយោបាយទាំងខាងគណបក្សប្រជាជនកម្ពុជា ទាំងខាងគណបក្សជំទាស់មិនបានស្នើឲ្យលោកផ្តល់យោបល់លើដំណោះស្រាយនយោបាយទេ។
«ពួកគេមិនបានសុំយោបល់ដល់ភាគីពាក់ព័ន្ធថា តើពួកគេត្រូវដោះស្រាយបញ្ហារបៀបម៉េច តើគេមានផែនការរបៀបម៉េចនោះទេ។ ហើយយើងបានប្តូរទស្សនៈគ្នាលើបញ្ហានេះ។ ជាថ្មីម្តងទៀត តួនាទីរបស់រដ្ឋាភិបាលអាមេរិកនៅទីនេះមិនមែនដើម្បីផ្តល់យោបល់ផ្នែកនយោបាយដល់រដ្ឋាភិបាលកម្ពុជា ឬទៅដល់គណបក្សជំទាស់ទេ។ បញ្ហានេះត្រូវតែដោះស្រាយក្នុងចំណោមប្រជាជនកម្ពុជា»។
ប្រទេសកម្ពុជាកំពុងស្ថិតក្នុងវិបត្តិជាប់គាំងនយោបាយ ក្រោយពីការបោះឆ្នោតជ្រើសតាំងតំណាងរាស្ដ្រកាលពីថ្ងៃទី២៨ ខែកក្កដាឆ្នាំ២០១៣នេះ។
គណបក្សប្រជាជនកម្ពុជា និងគណបក្សសង្គ្រោះជាតិ ដែលជាគណបក្សជាប់ឆ្នោតតែពីរគត់មិនទាន់រកឃើញរូបមន្តរួមគ្នាដើម្បីឈានដល់ចំណុចត្រូវរ៉ូវគ្នានៅឡើយទេ ក្រោយពីបានចរចាគ្នាចំនួនពីរថ្ងៃកាលពីពាក់កណ្តាលខែកញ្ញា។
លោកស្កុត ម៉ាស៊ាលបានសម្តែងការស្វាគមន៍ការចាប់ផ្តើមការចរចាគ្នាឡើងវិញនៅថ្ងៃនេះនៃគណបក្សទាំងពីរ។ ហើយលោកក៏បានសម្តែងការស្វាគមន៍ការធ្វើមហាបាតុកម្មរបស់គណបក្សជំទាស់នាពេលកន្លងទៅនេះប្រកបដោយសន្តិភាពនិងគ្មានអំពើហិង្សា។ យ៉ាងណាក៏ដោយ លោកម៉ាស៊ាលមិនអធិប្បាយលើសំណួរស្តីពីឥទ្ធិពលនៃប្រទេសចិនមកកម្ពុជានោះទេ។
លោកអ៊ុច បូរិទ្ធ រដ្ឋលេខាធិការក្រសួងការបរទេស បានស្រង់សម្តីលោកឧបការីរងអាមេរិក ក្រោយពីជំនួបទ្វេភាគីនៅរសៀលថ្ងៃនេះ។
«លោកបញ្ជាក់ឡើងវិញដែរថា វត្តមានរបស់លោក ទោះបីជាជួបជាមួយគណបក្សប្រឆាំងក៏ដោយ ក៏មិនមែនមានន័យថា លោកគាំទ្រគណបក្សប្រឆាំងទេ។ សំខាន់បំផុតជាគោលនយោបាយរបស់អាមេរិកគឺគាំទ្រលទ្ធិប្រជាធិបតេយ្យ»។
វីអូអេបានព្យាយាមទាក់ទងមន្ត្រីអ្នកនាំពាក្យគណបក្សសង្គ្រោះជាតិដើម្បីសុំការអត្ថាធិប្បាយ តែមិនអាចទាក់ទងបានទេនៅល្ងាចនេះ។
ដំណើរទស្សនកិច្ចរបស់លោកស្កុត ម៉ាស៊ាលនៅកម្ពុជាគឺជាផ្នែកមួយនៃដំណើរទស្សនកិច្ចជាកញ្ចប់មកកាន់បណ្តាប្រទេសអាស៊ីអាគ្នេយ៍។ លោកបានធ្វើទស្សនកិច្ចនៅប្រទេសភូមា និងប្រទេសថៃមុនមកដល់ប្រទេសកម្ពុជា។ ហើយលោកម៉ាស៊ាល ត្រូវបន្តដំណើរទៅកាន់ប្រទេសវៀតណាម និងប្រទេសហ្វ៊ីលីពីន៕
លោក ស្កុត ម៉ាស៊ាល (Scot Marciel) ឧបការីរងជាន់ខ្ពស់នៃក្រសួងការបរទេសសហរដ្ឋអាមេរិកទទួលបន្ទុកកិច្ចការតំបន់អាស៊ីបូព៌ា និងប៉ាស៊ីហ្វិក បានថ្លែងក្នុងសន្និសីទសារព័ត៌មានមួយនៅល្ងាចថ្ងៃច័ន្ទនេះថា សហរដ្ឋអាមេរិកមិនដាក់កំហិតឲ្យមានដំណោះស្រាយនយោបាយកម្ពុជាតាមបែបណានោះទេ។
«យើងគាំទ្រនិងជំរុញការពង្រឹងលទ្ធិប្រជាធិបតេយ្យនៅប្រទេសកម្ពុជា។ ដំណោះស្រាយនយោបាយត្រូវតែជាដំណោះស្រាយបែបកម្ពុជា។ យើងមិនមែននៅទីនេះដើម្បីព្យាយាមដាក់សម្ពាធឲ្យមានដំណោះស្រាយបែបណានោះទេ។ ប៉ុន្តែយើងគាំទ្រយ៉ាងពិតប្រាកដរាល់ការប្រឹងប្រែងដើម្បីពង្រឹងលទ្ធិប្រជាធិបតេយ្យរបស់ប្រទេសកម្ពុជា»។
ការបញ្ជាក់ជំហរនេះធ្វើឡើងបន្ទាប់ពីលោកស្កុត ម៉ាស៊ាលបានបញ្ចប់ដំណើរទស្សនកិច្ចរយៈពេលពីរថ្ងៃនៅកម្ពុជា។ ក្នុងទស្សនកិច្ចនេះ លោកMarciel បានជួបជាមួយមន្រ្តីរដ្ឋាភិបាលកម្ពុជាមកពីគណបក្សប្រជាជនកម្ពុជា ជួបមន្រ្តីគណបក្សជំទាស់ មន្ត្រីសង្គមស៊ីវិល និងតំណាងក្រុមហ៊ុនមួយចំនួន ដោយផ្តោតការពិភាក្សាអំពីស្ថានភាពនយោបាយនៅកម្ពុជា។
លោកឧបការីរងជាន់ខ្ពស់នៃរដ្ឋមន្រ្តីក្រសួងការបរទេសសហរដ្ឋអាមេរិកបញ្ជាក់ថា អ្នកនយោបាយទាំងខាងគណបក្សប្រជាជនកម្ពុជា ទាំងខាងគណបក្សជំទាស់មិនបានស្នើឲ្យលោកផ្តល់យោបល់លើដំណោះស្រាយនយោបាយទេ។
«ពួកគេមិនបានសុំយោបល់ដល់ភាគីពាក់ព័ន្ធថា តើពួកគេត្រូវដោះស្រាយបញ្ហារបៀបម៉េច តើគេមានផែនការរបៀបម៉េចនោះទេ។ ហើយយើងបានប្តូរទស្សនៈគ្នាលើបញ្ហានេះ។ ជាថ្មីម្តងទៀត តួនាទីរបស់រដ្ឋាភិបាលអាមេរិកនៅទីនេះមិនមែនដើម្បីផ្តល់យោបល់ផ្នែកនយោបាយដល់រដ្ឋាភិបាលកម្ពុជា ឬទៅដល់គណបក្សជំទាស់ទេ។ បញ្ហានេះត្រូវតែដោះស្រាយក្នុងចំណោមប្រជាជនកម្ពុជា»។
Your browser doesn’t support HTML5
ស.រ.អា.៖ដំណោះស្រាយនយោបាយត្រូវសម្រេចដោយកម្ពុជាខ្លួនឯង
ប្រទេសកម្ពុជាកំពុងស្ថិតក្នុងវិបត្តិជាប់គាំងនយោបាយ ក្រោយពីការបោះឆ្នោតជ្រើសតាំងតំណាងរាស្ដ្រកាលពីថ្ងៃទី២៨ ខែកក្កដាឆ្នាំ២០១៣នេះ។
គណបក្សប្រជាជនកម្ពុជា និងគណបក្សសង្គ្រោះជាតិ ដែលជាគណបក្សជាប់ឆ្នោតតែពីរគត់មិនទាន់រកឃើញរូបមន្តរួមគ្នាដើម្បីឈានដល់ចំណុចត្រូវរ៉ូវគ្នានៅឡើយទេ ក្រោយពីបានចរចាគ្នាចំនួនពីរថ្ងៃកាលពីពាក់កណ្តាលខែកញ្ញា។
លោកស្កុត ម៉ាស៊ាលបានសម្តែងការស្វាគមន៍ការចាប់ផ្តើមការចរចាគ្នាឡើងវិញនៅថ្ងៃនេះនៃគណបក្សទាំងពីរ។ ហើយលោកក៏បានសម្តែងការស្វាគមន៍ការធ្វើមហាបាតុកម្មរបស់គណបក្សជំទាស់នាពេលកន្លងទៅនេះប្រកបដោយសន្តិភាពនិងគ្មានអំពើហិង្សា។ យ៉ាងណាក៏ដោយ លោកម៉ាស៊ាលមិនអធិប្បាយលើសំណួរស្តីពីឥទ្ធិពលនៃប្រទេសចិនមកកម្ពុជានោះទេ។
លោកអ៊ុច បូរិទ្ធ រដ្ឋលេខាធិការក្រសួងការបរទេស បានស្រង់សម្តីលោកឧបការីរងអាមេរិក ក្រោយពីជំនួបទ្វេភាគីនៅរសៀលថ្ងៃនេះ។
«លោកបញ្ជាក់ឡើងវិញដែរថា វត្តមានរបស់លោក ទោះបីជាជួបជាមួយគណបក្សប្រឆាំងក៏ដោយ ក៏មិនមែនមានន័យថា លោកគាំទ្រគណបក្សប្រឆាំងទេ។ សំខាន់បំផុតជាគោលនយោបាយរបស់អាមេរិកគឺគាំទ្រលទ្ធិប្រជាធិបតេយ្យ»។
វីអូអេបានព្យាយាមទាក់ទងមន្ត្រីអ្នកនាំពាក្យគណបក្សសង្គ្រោះជាតិដើម្បីសុំការអត្ថាធិប្បាយ តែមិនអាចទាក់ទងបានទេនៅល្ងាចនេះ។
ដំណើរទស្សនកិច្ចរបស់លោកស្កុត ម៉ាស៊ាលនៅកម្ពុជាគឺជាផ្នែកមួយនៃដំណើរទស្សនកិច្ចជាកញ្ចប់មកកាន់បណ្តាប្រទេសអាស៊ីអាគ្នេយ៍។ លោកបានធ្វើទស្សនកិច្ចនៅប្រទេសភូមា និងប្រទេសថៃមុនមកដល់ប្រទេសកម្ពុជា។ ហើយលោកម៉ាស៊ាល ត្រូវបន្តដំណើរទៅកាន់ប្រទេសវៀតណាម និងប្រទេសហ្វ៊ីលីពីន៕