ភ្នំពេញ —
ឧត្តមស្នងការរងផ្នែកសិទ្ធិមនុស្សរបស់អង្គការសហប្រជាជាតិ លោកស្រី ហ្វ្លាវៀ ផាន់សៀរី (Flavia Pansieri) បានចាប់ផ្តើមដំណើរទស្សនកិច្ចរយៈពេលប្រាំថ្ងៃនៅប្រទេសកម្ពុជានៅថ្ងៃច័ន្ទនេះស្របពេលដែលស្ថានភាពសិទ្ធិមនុស្សក្នុងប្រទេសកំពុងស្ថិតក្រោមការរិះគន់ជាច្រើន។
នៅក្នុងអំឡុងពេលទស្សនកិច្ចចាប់ពីថ្ងៃច័ន្ទទី២៨ខែមេសាដល់ថ្ងៃទី២ខែឧសភាលោកស្រី ផាន់សៀរី នឹងពិនិត្យមើលស្ថានភាពសិទ្ធិមនុស្សនៅប្រទេសកម្ពុជា និង កិច្ចខិតខំប្រឹងប្រែងដែលកំពុងធ្វើ ដើម្បីធ្វើឲ្យស្ថានភាពសិទ្ធិមនុស្សបានប្រសើរឡើង។នេះបើយោងតាមសេចក្តីប្រកាសព័ត៌មានរបស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំទីក្រុងហ្សឺណែវ។
លោកស្រី Bushra Rahman មន្ត្រីផ្នែកទំនាក់ទំនងនៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាបញ្ជាក់ថា លោកស្រី Flavia Pansieri បានមកដល់ប្រទេសកម្ពុជាកាលពីល្ងាចថ្ងៃអាទិត្យប៉ុន្តែមិនទាន់មានជំនួបផ្លូវការនៅឡើយទេ។
«គាត់មកដល់ហើយ។ ហើយយើងមានកិច្ចប្រជុំផ្ទៃក្នុងនៅម៉ោង៩ព្រឹកនេះ»។
មន្ត្រីអ្នកនាំពាក្យដដែលមិនបានផ្តល់ព័ត៌មានលម្អិតបន្ថែមនោះទេ។
យោងតាមសេចក្តីប្រកាសព័ត៌មានរបស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោកស្រីឧត្តមស្នងការរងផ្នែកសិទ្ធិមនុស្សរបស់អង្គការសហប្រជាជាតិនឹងជួបជាមួយមន្ត្រីជាន់ខ្ពស់របស់រដ្ឋាភិបាល រួមទាំងឧបនាយករដ្ឋមន្ត្រី រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ ហោ ណាំហុង ព្រមទាំងជាមួយតំណាងសង្គមស៊ីវិលផងដែរ។
ភរិយាលោក វន់ ពៅ ប្រធានសមាគមសេដ្ឋកិច្ចក្រៅប្រព័ន្ធដែលត្រូវរដ្ឋាភិបាលចាប់ខ្លួនក្នុងការបង្រ្កាបបាតុកម្មយ៉ាងហិង្សាកាលពីខែមករា គឺអ្នកស្រី ប្រាក់ សុវណ្ណារី គ្រោងនឹងស្នើសុំជួបលោកស្រី Flavia Pansieri ផងដែរ។ មនុស្សចំនួន២៣នាក់ត្រូវបានចាប់ខ្លួន ហើយក្រោយមកពីរនាក់ក្នុងចំណោមនោះត្រូវដោះលែងមកវិញឱ្យនៅក្រៅឃុំ។
«ខ្ញុំមានបំណងចង់ទៅជួបគាត់ដើម្បីជំរុញឲ្យគាត់ជំរុញដល់រដ្ឋាភិបាលឲ្យមានការដោះលែងអ្នកទាំង២៣អ្នកនោះ»។
ដោយឡែកលោកយឹម សុវណ្ណ តំណាងរាស្ដ្រជាប់ឆ្នោតនិងអ្នកនាំពាក្យគណបក្សសង្គ្រោះជាតិមានប្រសាសន៍ថាគណបក្សជំទាស់បានស្នើសុំជួបមន្ត្រីជាន់ខ្ពស់អង្គការសហប្រជាជាតិនោះដែរ។
«សំខាន់បំផុតគឺនិយាយពីគោលនយោបាយរបស់គណបក្សសង្គ្រោះជាតិទាក់ទងនឹងការជាប់គាំងនយោបាយនៅក្នុងប្រទេសកម្ពុជា។ ដំណោះស្រាយ អនុសាសន៍ដែលគណបក្សសង្គ្រោះជាតិបានលើកឡើងសម្រាប់រកដំណោះស្រាយរួមទាំងការរំលោភសិទ្ធិមនុស្សនៅក្នុងប្រទេសកម្ពុជា ការរំលោភសិទ្ធិជួបជុំ សិទ្ធិធ្វើបាតុកម្ម ដូចយើងបានឃើញឲ្យតែមានបាតុកម្មនិងកូដកម្មគឺតែងតែមានការបង្រ្កាប»។
ដំណើរទស្សនកិច្ចរបស់លោកស្រីឧត្តមស្នងការរងផ្នែកសិទ្ធិមនុស្សរបស់អង្គការសហប្រជាជាតិ ហ្វ្លាវៀ ផាន់សៀរី ធ្វើឡើងស្របពេលដែលវិបត្តិនយោបាយកម្ពុជាបានអូសបន្លាយចំនួនប្រាំបួនខែគត់នៅថ្ងៃច័ន្ទនេះ ហើយស្របពេលដែលមានអំពើហិង្សាជាច្រើនកើតឡើងក្រោយពីការបោះឆ្នោត។
លោកស្រីឧត្តមស្នងការរងគ្រោងនឹងទៅទស្សនកិច្ចពន្ធនាគារ និងមន្ទីរឃុំខ្លួនផ្សេងនៅប្រទេសកម្ពុជានិងកន្លែងតាំងទីលំនៅថ្មីសម្រាប់អ្នកដែលត្រូវបានគេបណ្តេញចេញពីដីធ្លីរបស់គេផងដែរ។
គេជឿថាលោកស្រី Flavia Pansieri ទំនងជានឹងនិយាយជាមួយមន្ត្រីរដ្ឋាភិបាលអំពីសេរីភាពបញ្ចេញមតិ ការបង្រ្កាបបាតុកម្មក្រុមប្រឆាំង ស្ថានភាពនយោបាយ ដំណើរការប្រជាធិបតេយ្យ ដំណើរការកាត់ទោសកម្មករ និងមន្ត្រីសហជីពសរុប២៣នាក់ ការសួរនាំអំពីសេចក្តីព្រាងច្បាប់បីទាក់ទងនឹងកំណែទម្រង់តុលាការដែលបញ្ជូនទៅសភានិងច្បាប់គ្រប់គ្រងប្រព័ន្ធអ៊ីនធឺណិតដែរ។
លោកផៃ ស៊ីផាន រដ្ឋលេខាធិការនិងជាអ្នកនាំពាក្យទីស្តីការគណៈរដ្ឋមន្ត្រីអះអាងថាលោកមិនមានព័ត៌មានទាក់ទងទៅនឹងដំណើរទស្សនកិច្ចរបស់លោកស្រី Pansieri ទេ៕
នៅក្នុងអំឡុងពេលទស្សនកិច្ចចាប់ពីថ្ងៃច័ន្ទទី២៨ខែមេសាដល់ថ្ងៃទី២ខែឧសភាលោកស្រី ផាន់សៀរី នឹងពិនិត្យមើលស្ថានភាពសិទ្ធិមនុស្សនៅប្រទេសកម្ពុជា និង កិច្ចខិតខំប្រឹងប្រែងដែលកំពុងធ្វើ ដើម្បីធ្វើឲ្យស្ថានភាពសិទ្ធិមនុស្សបានប្រសើរឡើង។នេះបើយោងតាមសេចក្តីប្រកាសព័ត៌មានរបស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំទីក្រុងហ្សឺណែវ។
លោកស្រី Bushra Rahman មន្ត្រីផ្នែកទំនាក់ទំនងនៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាបញ្ជាក់ថា លោកស្រី Flavia Pansieri បានមកដល់ប្រទេសកម្ពុជាកាលពីល្ងាចថ្ងៃអាទិត្យប៉ុន្តែមិនទាន់មានជំនួបផ្លូវការនៅឡើយទេ។
«គាត់មកដល់ហើយ។ ហើយយើងមានកិច្ចប្រជុំផ្ទៃក្នុងនៅម៉ោង៩ព្រឹកនេះ»។
មន្ត្រីអ្នកនាំពាក្យដដែលមិនបានផ្តល់ព័ត៌មានលម្អិតបន្ថែមនោះទេ។
យោងតាមសេចក្តីប្រកាសព័ត៌មានរបស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោកស្រីឧត្តមស្នងការរងផ្នែកសិទ្ធិមនុស្សរបស់អង្គការសហប្រជាជាតិនឹងជួបជាមួយមន្ត្រីជាន់ខ្ពស់របស់រដ្ឋាភិបាល រួមទាំងឧបនាយករដ្ឋមន្ត្រី រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ ហោ ណាំហុង ព្រមទាំងជាមួយតំណាងសង្គមស៊ីវិលផងដែរ។
ភរិយាលោក វន់ ពៅ ប្រធានសមាគមសេដ្ឋកិច្ចក្រៅប្រព័ន្ធដែលត្រូវរដ្ឋាភិបាលចាប់ខ្លួនក្នុងការបង្រ្កាបបាតុកម្មយ៉ាងហិង្សាកាលពីខែមករា គឺអ្នកស្រី ប្រាក់ សុវណ្ណារី គ្រោងនឹងស្នើសុំជួបលោកស្រី Flavia Pansieri ផងដែរ។ មនុស្សចំនួន២៣នាក់ត្រូវបានចាប់ខ្លួន ហើយក្រោយមកពីរនាក់ក្នុងចំណោមនោះត្រូវដោះលែងមកវិញឱ្យនៅក្រៅឃុំ។
«ខ្ញុំមានបំណងចង់ទៅជួបគាត់ដើម្បីជំរុញឲ្យគាត់ជំរុញដល់រដ្ឋាភិបាលឲ្យមានការដោះលែងអ្នកទាំង២៣អ្នកនោះ»។
ដោយឡែកលោកយឹម សុវណ្ណ តំណាងរាស្ដ្រជាប់ឆ្នោតនិងអ្នកនាំពាក្យគណបក្សសង្គ្រោះជាតិមានប្រសាសន៍ថាគណបក្សជំទាស់បានស្នើសុំជួបមន្ត្រីជាន់ខ្ពស់អង្គការសហប្រជាជាតិនោះដែរ។
«សំខាន់បំផុតគឺនិយាយពីគោលនយោបាយរបស់គណបក្សសង្គ្រោះជាតិទាក់ទងនឹងការជាប់គាំងនយោបាយនៅក្នុងប្រទេសកម្ពុជា។ ដំណោះស្រាយ អនុសាសន៍ដែលគណបក្សសង្គ្រោះជាតិបានលើកឡើងសម្រាប់រកដំណោះស្រាយរួមទាំងការរំលោភសិទ្ធិមនុស្សនៅក្នុងប្រទេសកម្ពុជា ការរំលោភសិទ្ធិជួបជុំ សិទ្ធិធ្វើបាតុកម្ម ដូចយើងបានឃើញឲ្យតែមានបាតុកម្មនិងកូដកម្មគឺតែងតែមានការបង្រ្កាប»។
ដំណើរទស្សនកិច្ចរបស់លោកស្រីឧត្តមស្នងការរងផ្នែកសិទ្ធិមនុស្សរបស់អង្គការសហប្រជាជាតិ ហ្វ្លាវៀ ផាន់សៀរី ធ្វើឡើងស្របពេលដែលវិបត្តិនយោបាយកម្ពុជាបានអូសបន្លាយចំនួនប្រាំបួនខែគត់នៅថ្ងៃច័ន្ទនេះ ហើយស្របពេលដែលមានអំពើហិង្សាជាច្រើនកើតឡើងក្រោយពីការបោះឆ្នោត។
លោកស្រីឧត្តមស្នងការរងគ្រោងនឹងទៅទស្សនកិច្ចពន្ធនាគារ និងមន្ទីរឃុំខ្លួនផ្សេងនៅប្រទេសកម្ពុជានិងកន្លែងតាំងទីលំនៅថ្មីសម្រាប់អ្នកដែលត្រូវបានគេបណ្តេញចេញពីដីធ្លីរបស់គេផងដែរ។
គេជឿថាលោកស្រី Flavia Pansieri ទំនងជានឹងនិយាយជាមួយមន្ត្រីរដ្ឋាភិបាលអំពីសេរីភាពបញ្ចេញមតិ ការបង្រ្កាបបាតុកម្មក្រុមប្រឆាំង ស្ថានភាពនយោបាយ ដំណើរការប្រជាធិបតេយ្យ ដំណើរការកាត់ទោសកម្មករ និងមន្ត្រីសហជីពសរុប២៣នាក់ ការសួរនាំអំពីសេចក្តីព្រាងច្បាប់បីទាក់ទងនឹងកំណែទម្រង់តុលាការដែលបញ្ជូនទៅសភានិងច្បាប់គ្រប់គ្រងប្រព័ន្ធអ៊ីនធឺណិតដែរ។
លោកផៃ ស៊ីផាន រដ្ឋលេខាធិការនិងជាអ្នកនាំពាក្យទីស្តីការគណៈរដ្ឋមន្ត្រីអះអាងថាលោកមិនមានព័ត៌មានទាក់ទងទៅនឹងដំណើរទស្សនកិច្ចរបស់លោកស្រី Pansieri ទេ៕