ភ្នំពេញ —
ក្រុមមេធាវីបានផ្តល់ការសន្និដ្ឋាននៅថ្ងៃព្រហស្បតិ៍នេះថាជនជាប់ចោទនួន ជា មិនមែនជាអ្នកទទួលខុសត្រូវចំពោះការសម្លាប់មនុស្សរាប់ពាន់នាក់នៅទួលពោធិ៍ជ្រៃក្នុងខេត្តពោធិ៍សាត់ទេហើយនួន ជា ក៏មិនមែនជាអ្នកទទួលខុសត្រូវចំពោះការដាក់ផែនការឲ្យមានការជម្លៀសប្រជាជនវគ្គទី២ដែលបង្កឲ្យមានការសម្លាប់ជាច្រើន។
លោកវិចទ័រ កូប៉េ សហមេធាវីអន្តរជាតិរបស់អតីតប្រធានសភាខ្មែរក្រហមនួន ជា អះអាងក្នុងសេចក្តីសន្និដ្ឋានបញ្ចប់របស់ខ្លួនក្នុងការកាត់ទោសសំណុំរឿង០០២វគ្គទី១នៅរសៀលនេះថា មិនមានភស្តុតាងជាក់លាក់ថា កូនក្តីរបស់លោកមានពិរុទ្ធពាក់ព័ន្ធនឹងការសម្លាប់មនុស្សរាប់ពាន់នាក់នៅក្នុងខេត្តពោធិ៍សាត់នោះទេ។
«ប្រសិនបើអង្គជំនុំជម្រះត្រូវធ្វើសេចក្តីសន្និដ្ឋានក្រោមវិមតិសង្ស័យថាអ្នកចូលរួមកិច្ចប្រជុំនៅទីរួមខេត្តពោធិ៍សាត់ត្រូវគេដឹកយកទៅសម្លាប់ចោលនៅទួលពោធិ៍ជ្រៃ គេមិនអាចគិតថានួន ជា ទទួលខុសត្រូវការសម្លាប់នេះទេ។ ភស្តុតាងដែលទាក់ទងនឹងទួលពោធិ៍ជ្រៃមានកម្រិតនិងមិនរឹងមាំ។ មិនមានភស្តុតាងជារាងកាយ មិនមានសាកសព មិនមានឈ្មោះជនរងគ្រោះ មិនមានសាក្សីឃើញការសម្លាប់ផ្ទាល់ភ្នែក»។
លោកវិចទ័រ កូប៉េ ក៏ដូចជាសហភាតរៈកម្ពុជារបស់លោកគឺលោកសុន អារុណ បានលើកយកមកបកស្រាយម្តងមួយចំណុចៗអំពីការចោទប្រកាន់ពីសំណាក់សហព្រះរាជអាជ្ញាលើកូនក្តីផងខ្លួនដោយបកស្រាយជាពិសេសលើការសំអាងរបស់សហព្រះរាជអាជ្ញាលើភស្តុតាងបានមកពីអ្នកជំនាញការបរទេសនិងអតីតទាហានខ្មែរក្រហមមួយចំនួន។
លោកកូប៉េ លើកឡើងថា៖ «គ្មានភស្តុតាងថា នួន ជា បញ្ជាឲ្យសម្លាប់ទាហានលន់ ណុល ទេ។ ហើយក៏មិនមានភស្តុតាងពីការដាក់ផែនការរបស់គណបក្សកុម្មុយនិស្តកម្ពុជាដើម្បីបោសសម្អាតទាហាននិងមន្ត្រីនៃរបបលោកសេនាប្រមុខលន់ ណុល ដែរ។
របបកម្ពុជាប្រជាធិបតេយ្យបានបង្កឲ្យប្រជាជនកម្ពុជាស្លាប់យ៉ាងតិច១,៧លាននាក់ក្នុងរយៈពេលជិតបួនឆ្នាំ។ នៅសល់តែជនជាប់ចោទដែលជាមេដឹកនាំកំពូលនៃរបបនេះគឺនួន ជា និងខៀវ សំផន តែប៉ុណ្ណោះដែលកំពុងស្ថិតក្រោមការកាត់ទោស។ ខៀវ សំផន អាយុ៨២ឆ្នាំគឺជាអតីតប្រមុខរដ្ឋរបស់ពួកខ្មែរក្រហម។ រីឯនួន ជា អាយុ៨៧ ឆ្នាំ។
ការកាត់ក្តីសំណុំរឿង០០២វគ្គទី១នេះផ្តោតលើការជម្លៀសប្រជាពលរដ្ឋកម្ពុជាដោយបង្ខំវគ្គទី១នៅខែមេសាឆ្នាំ១៩៧៥និងវគ្គទី២នៅភូមិភាគបូព៌ាចន្លោះពីឆ្នាំ១៩៧៧និងឆ្នាំ១៩៧៨។
សហព្រះរាជអាជ្ញាជាតិនិងអន្តរជាតិសុទ្ធតែបានបង្ហាញភស្តុតាងថារាល់ការជម្លៀសទាំងនេះបង្កឲ្យមានការសម្លាប់និងសម្លាប់ប្រជាជន។
លោកមេធាវី សុន អារុណ លើកឡើងក្នុងសេចក្តីសន្និដ្ឋានរបស់ខ្លួនថា នួន ជា ទទួលខុសត្រូវចំពោះការជម្លៀសវគ្គដំបូង ប៉ុន្តែកូនក្តីលោកមិនពាក់ព័ន្ធនឹងការជម្លៀសវគ្គទី២ទេ។
«បើសិនជាគាត់ជាអ្នកទទួលខុសត្រូវចំពោះគម្រោងការជម្លៀសប្រជាជនដំណាក់កាលទី២គាត់ប្រាកដជាទទួលខុសត្រូវដូចគាត់បានធ្វើចំពោះការជម្លៀសដំណាក់កាលទី១។ លោកនួន ជា មិនសារភាពនេះដោយសារលោកមិនមែនជាអ្នកទទួលខុសត្រូវចំពោះការជម្លៀសប្រជាជនចេញក្នុងវគ្គទី២នេះ។ ផ្ទុយទៅវិញការសម្រេចចិត្តអនុវត្តការជម្លៀសប្រជាជនដំណាក់កាលទី២ត្រូវបានធ្វើឡើងដោយមេដឹកនាំភូមិភាគមិនមែនមជ្ឈិមបក្សទេគឺបង្ហាញយ៉ាងច្បាស់ដោយទូរសារឈ្មោះឈន ទៅកាន់ប៉ុល ពត»។
នេះជាថ្ងៃទី២ហើយដែលសហមេធាវីការពារក្តីនួន ជា បានសន្និដ្ឋានតបនឹងការចោទប្រកាន់ពីសហព្រះរាជអាជ្ញា។
សហព្រះរាជអាជ្ញាក្នុងការធ្វើសេចក្តីសន្និដ្ឋានរបស់ខ្លួនចំនួនបីថ្ងៃ បានចោទប្រកាន់លើនួន ជានិងខៀវ សំផន ថាបានសម្លាប់ប្រជាជនខ្មែរដើម្បីឡើងកាន់អំណាចនិងបានរួមគំនិតគ្នាបង្កើតប្រទេសកម្ពុជាឲ្យទៅជារដ្ឋទាសភាពមួយ៕
លោកវិចទ័រ កូប៉េ សហមេធាវីអន្តរជាតិរបស់អតីតប្រធានសភាខ្មែរក្រហមនួន ជា អះអាងក្នុងសេចក្តីសន្និដ្ឋានបញ្ចប់របស់ខ្លួនក្នុងការកាត់ទោសសំណុំរឿង០០២វគ្គទី១នៅរសៀលនេះថា មិនមានភស្តុតាងជាក់លាក់ថា កូនក្តីរបស់លោកមានពិរុទ្ធពាក់ព័ន្ធនឹងការសម្លាប់មនុស្សរាប់ពាន់នាក់នៅក្នុងខេត្តពោធិ៍សាត់នោះទេ។
«ប្រសិនបើអង្គជំនុំជម្រះត្រូវធ្វើសេចក្តីសន្និដ្ឋានក្រោមវិមតិសង្ស័យថាអ្នកចូលរួមកិច្ចប្រជុំនៅទីរួមខេត្តពោធិ៍សាត់ត្រូវគេដឹកយកទៅសម្លាប់ចោលនៅទួលពោធិ៍ជ្រៃ គេមិនអាចគិតថានួន ជា ទទួលខុសត្រូវការសម្លាប់នេះទេ។ ភស្តុតាងដែលទាក់ទងនឹងទួលពោធិ៍ជ្រៃមានកម្រិតនិងមិនរឹងមាំ។ មិនមានភស្តុតាងជារាងកាយ មិនមានសាកសព មិនមានឈ្មោះជនរងគ្រោះ មិនមានសាក្សីឃើញការសម្លាប់ផ្ទាល់ភ្នែក»។
លោកវិចទ័រ កូប៉េ ក៏ដូចជាសហភាតរៈកម្ពុជារបស់លោកគឺលោកសុន អារុណ បានលើកយកមកបកស្រាយម្តងមួយចំណុចៗអំពីការចោទប្រកាន់ពីសំណាក់សហព្រះរាជអាជ្ញាលើកូនក្តីផងខ្លួនដោយបកស្រាយជាពិសេសលើការសំអាងរបស់សហព្រះរាជអាជ្ញាលើភស្តុតាងបានមកពីអ្នកជំនាញការបរទេសនិងអតីតទាហានខ្មែរក្រហមមួយចំនួន។
លោកកូប៉េ លើកឡើងថា៖ «គ្មានភស្តុតាងថា នួន ជា បញ្ជាឲ្យសម្លាប់ទាហានលន់ ណុល ទេ។ ហើយក៏មិនមានភស្តុតាងពីការដាក់ផែនការរបស់គណបក្សកុម្មុយនិស្តកម្ពុជាដើម្បីបោសសម្អាតទាហាននិងមន្ត្រីនៃរបបលោកសេនាប្រមុខលន់ ណុល ដែរ។
របបកម្ពុជាប្រជាធិបតេយ្យបានបង្កឲ្យប្រជាជនកម្ពុជាស្លាប់យ៉ាងតិច១,៧លាននាក់ក្នុងរយៈពេលជិតបួនឆ្នាំ។ នៅសល់តែជនជាប់ចោទដែលជាមេដឹកនាំកំពូលនៃរបបនេះគឺនួន ជា និងខៀវ សំផន តែប៉ុណ្ណោះដែលកំពុងស្ថិតក្រោមការកាត់ទោស។ ខៀវ សំផន អាយុ៨២ឆ្នាំគឺជាអតីតប្រមុខរដ្ឋរបស់ពួកខ្មែរក្រហម។ រីឯនួន ជា អាយុ៨៧ ឆ្នាំ។
ការកាត់ក្តីសំណុំរឿង០០២វគ្គទី១នេះផ្តោតលើការជម្លៀសប្រជាពលរដ្ឋកម្ពុជាដោយបង្ខំវគ្គទី១នៅខែមេសាឆ្នាំ១៩៧៥និងវគ្គទី២នៅភូមិភាគបូព៌ាចន្លោះពីឆ្នាំ១៩៧៧និងឆ្នាំ១៩៧៨។
សហព្រះរាជអាជ្ញាជាតិនិងអន្តរជាតិសុទ្ធតែបានបង្ហាញភស្តុតាងថារាល់ការជម្លៀសទាំងនេះបង្កឲ្យមានការសម្លាប់និងសម្លាប់ប្រជាជន។
លោកមេធាវី សុន អារុណ លើកឡើងក្នុងសេចក្តីសន្និដ្ឋានរបស់ខ្លួនថា នួន ជា ទទួលខុសត្រូវចំពោះការជម្លៀសវគ្គដំបូង ប៉ុន្តែកូនក្តីលោកមិនពាក់ព័ន្ធនឹងការជម្លៀសវគ្គទី២ទេ។
«បើសិនជាគាត់ជាអ្នកទទួលខុសត្រូវចំពោះគម្រោងការជម្លៀសប្រជាជនដំណាក់កាលទី២គាត់ប្រាកដជាទទួលខុសត្រូវដូចគាត់បានធ្វើចំពោះការជម្លៀសដំណាក់កាលទី១។ លោកនួន ជា មិនសារភាពនេះដោយសារលោកមិនមែនជាអ្នកទទួលខុសត្រូវចំពោះការជម្លៀសប្រជាជនចេញក្នុងវគ្គទី២នេះ។ ផ្ទុយទៅវិញការសម្រេចចិត្តអនុវត្តការជម្លៀសប្រជាជនដំណាក់កាលទី២ត្រូវបានធ្វើឡើងដោយមេដឹកនាំភូមិភាគមិនមែនមជ្ឈិមបក្សទេគឺបង្ហាញយ៉ាងច្បាស់ដោយទូរសារឈ្មោះឈន ទៅកាន់ប៉ុល ពត»។
នេះជាថ្ងៃទី២ហើយដែលសហមេធាវីការពារក្តីនួន ជា បានសន្និដ្ឋានតបនឹងការចោទប្រកាន់ពីសហព្រះរាជអាជ្ញា។
សហព្រះរាជអាជ្ញាក្នុងការធ្វើសេចក្តីសន្និដ្ឋានរបស់ខ្លួនចំនួនបីថ្ងៃ បានចោទប្រកាន់លើនួន ជានិងខៀវ សំផន ថាបានសម្លាប់ប្រជាជនខ្មែរដើម្បីឡើងកាន់អំណាចនិងបានរួមគំនិតគ្នាបង្កើតប្រទេសកម្ពុជាឲ្យទៅជារដ្ឋទាសភាពមួយ៕