ភ្នំពេញ —
មេដឹកនាំគណបក្សសង្គ្រោះជាតិបានប្រកាសសារជាថ្មីគៀងគរប្រជាពលរដ្ឋនៅទូទាំងប្រទេសឱ្យក្រោកឈរដើម្បីទាមទាររកយុត្តិធម៌ក្នុងសង្គមនិងបំបាត់និទណ្ឌភាពក្នុងប្រទេសកម្ពុជាដោយបានបញ្ជាក់ម្តងហើយម្តងទៀតថាការតស៊ូរបស់ពួកគេជិតសម្រេចគោលដៅនៃការទាមទារនេះហើយ។
លោក សម រង្ស៊ី ប្រធានគណបក្សបាននិយាយថា៖ «ល្មមបញ្ចប់វប្បធម៌ហិង្សា ហើយវប្បធម៌និទណ្ឌភាពហ្នឹងហើយដើម្បីនាំមកនូវសន្តិភាពពិតប្រាកដ សន្តិភាពផ្លូវកាយ ផ្លូវចិត្តដល់ប្រជាពលរដ្ឋខ្មែរទូទាំងប្រទេស»។
ការប្រកាសរបស់មេដឹកនាំគណបក្សសង្គ្រោះជាតិបានកើតមានឡើងនៅក្នុងពេលដែលសហជីពសេរីកម្មកររបស់ព្រះរាជាណាចក្រកម្ពុជាបានប្រារព្ធខួបលើកទី១០ឆ្នាំនៃការបាញ់សម្លាប់លោក ជា វិជ្ជា អតីតវរជនការពារសិទ្ធិកម្មករដ៏ល្បីល្បាញដែលត្រូវបានឃាតករបាញ់សម្លាប់កាលពីថ្ងៃទី២២ខែមករាឆ្នាំ២០០៤។
មកដល់ពេលនេះមានរយៈពេល១០ឆ្នាំគត់ប៉ុន្តែឃាតករពិតប្រាកដមិនទាន់ត្រូវបានវែកមុខនៅឡើយ។ សំណុំរឿងដ៏ចម្រូងចម្រាសនេះបានវិលត្រឡប់មកចំណុចចាប់ផ្តើមឡើងវិញ បន្ទាប់ពីលោក ប៊ន សំណាង និង លោក សុខ សំអឿន ជនសង្ស័យដ៏សំខាន់ពីរនាក់ត្រូវបានតុលាការកំពូលសម្រចដោះលែងជាស្ថាពរនិងបញ្ជាឱ្យសាលាឧទ្ធរណ៍បើកការស៊ើបអង្កេតឡើងវិញលើករណីនេះ។
លោក កឹម សុខា អនុប្រធានគណបក្សសង្គ្រោះជាតិបានបញ្ជាក់ថា មានឃាតកម្មជាច្រើនដូចជាការបាញ់សម្លាប់ លោក ជា វិជ្ជា លោក រស់ សុវណ្ណារ៉េត លោក ឃី វុទ្ធី និង ការបាញ់សម្លាប់ថ្មីៗនេះនៅសួនឧស្សាហកម្មកាណាឌីយ៉ាមិនទាន់ត្រូវបានរកយុត្តិធម៌នៅឡើយ។
លោកបានអំពាវនាវដល់បណ្តាសហជីពទាំងអស់ឱ្យធ្វើការរួបរួមគ្នាជាធ្លុងមួយតទៅទៀតដើម្បីធ្វើការតស៊ូដោយអហិង្សាដើម្បីសម្រេចផលប្រយោជន៍របស់ប្រទេសជាតិ។
លោកនិយាយថា៖ «សូមបងប្អូនកុំតក់ស្លុតឱ្យសោះពង្រឹងស្មារតីទាំងអស់គ្នាឡើង ទាំងសហជីព ទាំងកម្មករ យើងជិតបានសម្រេចគោលដៅហើយ។ ចុងក្រោយនេះយើងឃើញថា អំពើឃោរឃៅរបស់រដ្ឋាភិបាលលោក ហ៊ុន សែនបានធ្វើឱ្យអន្តរជាតិផ្អើលពេញពិភពលោកហើយ»។
សមាជិកនៃសហជីពសេរីកម្មករដោយមានការចូលរួមពីសកម្មជនរបស់គណបក្សសង្គ្រោះជាតិប្រមាណជិត២០០នាក់បានដើរហែរក្បួនដោយស្ងាត់ស្ងៀមនិងគ្មានការអនុញ្ញាតពីសាលាក្រុងភ្នំពេញ។ ពួកគេបានចាប់ផ្តើមចេញដំណើរពីទីស្នាក់ការសហជីពឆ្ពោះមកកាច់ជ្រុងវត្តលង្កាជាទីកន្លែងដែលលោក ជា វិជ្ជា ត្រូវបានឃាតករបាញ់សម្លាប់កាលពី១០ឆ្នាំមុន។
ក្បួនដង្ហែរនេះបានបញ្ចប់ទៅគ្មានការរារាំងណាមួយពីកងកម្លាំងមានសមត្ថកិច្ចរបស់រដ្ឋាភិបាលទេបើទោះបីជាពួកគេបានដាក់ពង្រាយនិងចល័តចុះឡើងពាសពេញទីក្រុងភ្នំពេញក៏ដោយ។
លោក ជា មុន្នី ប្រធានសហជីពសេរីកម្មករនិងជាប្អូនប្រុសបង្កើតរបស់លោក ជា វិជ្ជាបានបញ្ជាក់ថា ការបាញ់សម្លាប់ទាំងអស់រាប់ទាំងតារាចម្រៀង ឥស្សរជននយោបាយនិងកម្មករគួរតែត្រូវបានបញ្ឈប់ហើយលោកនៅតែទាមទាររកយុត្តិធម៌ចំពោះអ្នកស្លាប់ដោយអំពើអយុត្តិធម៌ទាំងនោះ។
លោកនិយាយថា៖ «ជាទូទៅនេះជាកាតព្វកិច្ចត្រូវតែស្វែងរកឃាតករហើយពីព្រោះប្រទេសមានច្បាប់អញ្ចឹងការបាញ់សម្លាប់មនុស្ស អ្នកទទួលខុសត្រូវនៃការបាញ់ អ្នកនៅក្រោយខ្នងត្រូវតែវែកមុខហើយបញ្ជូនទៅកាន់ដើម្បីកាត់ទោស។ បើប្រទេសយើងមានច្បាប់ហើយ អត់ធ្វើការអនុវត្តច្បាប់មិនដឹងជាប្រទេសស្អីទេ»។
លោកឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃបានបញ្ជាក់ថាពាក់ព័ន្ធនឹងការបាញ់សម្លាប់កម្មកររដ្ឋាភិបាលបានបង្កើតគណៈកម្មការដើម្បីស្វែងរកអ្នកដែលញុះញង់នាំឱ្យមានអំពើហិង្សាហើយ។ ចំណែកឯរឿងករណីលោក ជា វិជ្ជាកម្លាំងមានសមត្ថកិច្ចត្រៀមខ្លួនអនុវត្តតាមបញ្ជារបស់តុលាការ៕
លោក សម រង្ស៊ី ប្រធានគណបក្សបាននិយាយថា៖ «ល្មមបញ្ចប់វប្បធម៌ហិង្សា ហើយវប្បធម៌និទណ្ឌភាពហ្នឹងហើយដើម្បីនាំមកនូវសន្តិភាពពិតប្រាកដ សន្តិភាពផ្លូវកាយ ផ្លូវចិត្តដល់ប្រជាពលរដ្ឋខ្មែរទូទាំងប្រទេស»។
ការប្រកាសរបស់មេដឹកនាំគណបក្សសង្គ្រោះជាតិបានកើតមានឡើងនៅក្នុងពេលដែលសហជីពសេរីកម្មកររបស់ព្រះរាជាណាចក្រកម្ពុជាបានប្រារព្ធខួបលើកទី១០ឆ្នាំនៃការបាញ់សម្លាប់លោក ជា វិជ្ជា អតីតវរជនការពារសិទ្ធិកម្មករដ៏ល្បីល្បាញដែលត្រូវបានឃាតករបាញ់សម្លាប់កាលពីថ្ងៃទី២២ខែមករាឆ្នាំ២០០៤។
មកដល់ពេលនេះមានរយៈពេល១០ឆ្នាំគត់ប៉ុន្តែឃាតករពិតប្រាកដមិនទាន់ត្រូវបានវែកមុខនៅឡើយ។ សំណុំរឿងដ៏ចម្រូងចម្រាសនេះបានវិលត្រឡប់មកចំណុចចាប់ផ្តើមឡើងវិញ បន្ទាប់ពីលោក ប៊ន សំណាង និង លោក សុខ សំអឿន ជនសង្ស័យដ៏សំខាន់ពីរនាក់ត្រូវបានតុលាការកំពូលសម្រចដោះលែងជាស្ថាពរនិងបញ្ជាឱ្យសាលាឧទ្ធរណ៍បើកការស៊ើបអង្កេតឡើងវិញលើករណីនេះ។
លោក កឹម សុខា អនុប្រធានគណបក្សសង្គ្រោះជាតិបានបញ្ជាក់ថា មានឃាតកម្មជាច្រើនដូចជាការបាញ់សម្លាប់ លោក ជា វិជ្ជា លោក រស់ សុវណ្ណារ៉េត លោក ឃី វុទ្ធី និង ការបាញ់សម្លាប់ថ្មីៗនេះនៅសួនឧស្សាហកម្មកាណាឌីយ៉ាមិនទាន់ត្រូវបានរកយុត្តិធម៌នៅឡើយ។
លោកបានអំពាវនាវដល់បណ្តាសហជីពទាំងអស់ឱ្យធ្វើការរួបរួមគ្នាជាធ្លុងមួយតទៅទៀតដើម្បីធ្វើការតស៊ូដោយអហិង្សាដើម្បីសម្រេចផលប្រយោជន៍របស់ប្រទេសជាតិ។
លោកនិយាយថា៖ «សូមបងប្អូនកុំតក់ស្លុតឱ្យសោះពង្រឹងស្មារតីទាំងអស់គ្នាឡើង ទាំងសហជីព ទាំងកម្មករ យើងជិតបានសម្រេចគោលដៅហើយ។ ចុងក្រោយនេះយើងឃើញថា អំពើឃោរឃៅរបស់រដ្ឋាភិបាលលោក ហ៊ុន សែនបានធ្វើឱ្យអន្តរជាតិផ្អើលពេញពិភពលោកហើយ»។
សមាជិកនៃសហជីពសេរីកម្មករដោយមានការចូលរួមពីសកម្មជនរបស់គណបក្សសង្គ្រោះជាតិប្រមាណជិត២០០នាក់បានដើរហែរក្បួនដោយស្ងាត់ស្ងៀមនិងគ្មានការអនុញ្ញាតពីសាលាក្រុងភ្នំពេញ។ ពួកគេបានចាប់ផ្តើមចេញដំណើរពីទីស្នាក់ការសហជីពឆ្ពោះមកកាច់ជ្រុងវត្តលង្កាជាទីកន្លែងដែលលោក ជា វិជ្ជា ត្រូវបានឃាតករបាញ់សម្លាប់កាលពី១០ឆ្នាំមុន។
ក្បួនដង្ហែរនេះបានបញ្ចប់ទៅគ្មានការរារាំងណាមួយពីកងកម្លាំងមានសមត្ថកិច្ចរបស់រដ្ឋាភិបាលទេបើទោះបីជាពួកគេបានដាក់ពង្រាយនិងចល័តចុះឡើងពាសពេញទីក្រុងភ្នំពេញក៏ដោយ។
លោក ជា មុន្នី ប្រធានសហជីពសេរីកម្មករនិងជាប្អូនប្រុសបង្កើតរបស់លោក ជា វិជ្ជាបានបញ្ជាក់ថា ការបាញ់សម្លាប់ទាំងអស់រាប់ទាំងតារាចម្រៀង ឥស្សរជននយោបាយនិងកម្មករគួរតែត្រូវបានបញ្ឈប់ហើយលោកនៅតែទាមទាររកយុត្តិធម៌ចំពោះអ្នកស្លាប់ដោយអំពើអយុត្តិធម៌ទាំងនោះ។
លោកនិយាយថា៖ «ជាទូទៅនេះជាកាតព្វកិច្ចត្រូវតែស្វែងរកឃាតករហើយពីព្រោះប្រទេសមានច្បាប់អញ្ចឹងការបាញ់សម្លាប់មនុស្ស អ្នកទទួលខុសត្រូវនៃការបាញ់ អ្នកនៅក្រោយខ្នងត្រូវតែវែកមុខហើយបញ្ជូនទៅកាន់ដើម្បីកាត់ទោស។ បើប្រទេសយើងមានច្បាប់ហើយ អត់ធ្វើការអនុវត្តច្បាប់មិនដឹងជាប្រទេសស្អីទេ»។
លោកឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃបានបញ្ជាក់ថាពាក់ព័ន្ធនឹងការបាញ់សម្លាប់កម្មកររដ្ឋាភិបាលបានបង្កើតគណៈកម្មការដើម្បីស្វែងរកអ្នកដែលញុះញង់នាំឱ្យមានអំពើហិង្សាហើយ។ ចំណែកឯរឿងករណីលោក ជា វិជ្ជាកម្លាំងមានសមត្ថកិច្ចត្រៀមខ្លួនអនុវត្តតាមបញ្ជារបស់តុលាការ៕