ទីក្រុង LAGOS —
មន្ត្រី និងសាក្សីបានឱ្យដឹងថា អគារផ្ទះល្វែងកម្ពស់ ២១ ជាន់ដែលកំពុងសាងសង់ បានបាក់នៅទីក្រុង Lagos ប្រទេសនីហ្សេរីយ៉ា ដោយបានសម្លាប់មនុស្សយ៉ាងតិច៣ នាក់ និងមនុស្សរាប់សិបនាក់ទៀត កំពុងបាត់ខ្លួន។
ស្នងការប៉ូលិសក្រុង Lagos បានបញ្ជាក់ពីការស្លាប់ដោយបន្ថែមថា មនុស្សមួយចំនួន ត្រូវបានសង្គ្រោះពីគំនរបាក់បែកកាលពីល្ងាចថ្ងៃចន្ទ។
ប្រជាជនខឹងមន្ត្រីមួយចំនួនចំពោះការពន្យារពេលជួយសង្គ្រោះ។ គេមិនទាន់ដឹងភ្លាមៗពីមូលហេតុនៃការបាក់សំណង់នេះទេ។
គ្រោះថ្នាក់បាក់សំណង់ គឺជារឿងដែលកើតឡើងជារឿយៗនៅក្នុងទីក្រុង Lagos ដោយសារការអនុវត្តច្បាប់សំណង់មានភាពធូររលុង៕