ប្រធានាធិបតីអ៊ុយក្រែន លោក Volodymyr Zelenskyy បានជួបជាមួយប្រធានាធិបតីហ្វីលីពីន ក្នុងដំណើរទស្សនៈកិច្ចដ៏កម្រមួយនៅអាស៊ី ដើម្បីជំរុញឱ្យមេដឹកនាំក្នុងតំបន់ចូលរួមកិច្ចប្រជុំកំពូលសន្តិភាពដែលរៀបចំដោយប្រទេសស្វីស ស្តីពីសង្គ្រាមនៅអ៊ុយក្រែន។
លោក Zelenskyy បានចោទប្រកាន់រុស្ស៊ីព្យាយាមធ្វើឱ្យខូចដំណើរការដោយមានជំនួយពីប្រទេសចិន។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន AP ។
លោក Zelenskyy បានទៅដល់ហ្វីលីពីនដោយមិនមានការជូនដំណឹងជាមុន និងស្ថិតក្រោមកិច្ចការពារសន្តិសុខយ៉ាងរឹងមាំនៅទីក្រុងម៉ានីល កាលពីល្ងាចថ្ងៃអាទិត្យ បន្ទាប់ពីលោកបានថ្លែងកាលពីចុងសប្តាហ៍នៅឯវេទិកាការពារជាតិ Shangri-La ក្នុងប្រទេសសិង្ហបុរី។
លោក Zelenskyy ត្រូវបានទទួលការស្វាគមន៍លើកម្រាលព្រំក្រហមដោយមានកងកិត្តិយសយោធាកាលពីថ្ងៃច័ន្ទនៅឯវិមានប្រធានាធិបតីក្នុងទីក្រុងម៉ានីល មុនពេលជួបជាមួយលោកប្រធានាធិបតី Ferdinand Marcos Jr.។
ក្រុមមន្ត្រីបាននិយាយថា លោក Marcos បានសន្យាថា ហ្វីលីពីននឹងចូលរួមក្នុងកិច្ចប្រជុំកំពូលសន្តិភាពនោះ៕
វេទិកាបញ្ចេញមតិ